Tag: قومی اسمبلی

اسلام آباد: قومی اسمبلی نے الیکٹرانک جرائم کے تدارک کا بل منظور کر لیا بل وزیر مملکت انوشے رحمان نے پیش کیا۔

قومی اسمبلی کا اجلاس ڈپٹی اسپیکر مر تضی جاوید عباسی کی صدارت میں ہوا اجلاس میں اپوزیشن کی جانب سے اکیس ترامیم پیش کی گئیں بیشتر ترامیم کے ساتھ حکومت نے اتفاق کیا بل کے تحت معلوماتی نظام یا ڈیٹا تک غیر مجاز رسائی کی صورت میں تین ماہ قید اور پچاس ہزار روپے جرمانہ کیا جائے گا ڈیٹا کو بغیر اجازت نقل یا ارسال کر نے پر چھ ماہ قید اور ایک لاکھ روپے جرمانہ تک سزا ہو گی معلوماتی اعداد و شمار میں مداخلت پر دو سال قید پانچ لاکھ رو پے جرمانہ ہو گا حساس انفر ااسٹر کچر معلوماتی نظام یا ڈیٹا تک غیر مجاز رسائی پر پانچ سال قید یا پچاس لاکھ جر مانہ ہو گا۔

بل کے تحت دہشت گردی اور کالعدم تنظیموں کی نفرت انگیز تقاریر پر معاونت کر نے پر پانچ سال قید یا ایک کروڑ جر مانہ ہو گا سائبر دہشت گردی پر چودہ سال قید یا پانچ کروڑ جرمانہ ہو گا الیکٹرانک جعل سازی پر تین سال قید پانچ لاکھ جرمانہ ہو گا سم کارڈ کے غیر مجاز اجراء پر تین سال قید یا پانچ لاکھ جر مانے کی سزا ہو گی مواصلاتی الات میں رد و بدل پر تین سال قید یا دس لاکھ جرمانے کی سزا ہو گی۔

بل کے تحت فطری شخص کی عز ت و وقار کے خلاف جرائم پر تین سال قید یا پانچ لاکھ رو پے جرمانہ ہو گا بل کے تحت وفاقی حکومت ہائی کورٹ کے چیف جسٹس کی مشاورت سے خصوصی تربیت کا انتظام کرے گی وفاقی حکومت معلوماتی نظام پر حملے کے خلاف ایک یا اس سے زیادہ کمپیوٹر ایمبر جنسی ریسپانس ٹیمیں تشکیل دے گی۔

ایوان نے غیر ملکی زر مبادلہ انضباط بل اور غیر ملکی ترمیمی بل 2016 کی منظوری بھی دی ایوان کو پارلیمانی سیکرٹری صنعت و پیداوار نے بتایا کہ پاکستان اسٹیل مل تباہی کے دہانے پر ہے ملازمین کو دسمبر جنوی کی تنخواہ ادا کر دی گئی ہے۔

انہوں نے کہا کہ وفاق نے صوبائی حکومت کو استیل مل خریدنے کے لیئے خط لکھ دیا ہے ان کا کہنا تھا کہ گریجویٹی فنڈز میں خرد برد کا کیس نیب میں ہے قومی اسمبلی کا اجلاس جمعرات کی صبع ساڑھے دس بجے دو بارہ ہو گا ۔

اسلام آباد: اپوزیشن جماعتوں نے پانامہ لیکس کے معاملے پر حکومت کو ٹف ٹائم دینے کا فیصلہ کرلیا۔

قومی اسمبلی کے اجلاس میں پاناما لیکس کے معاملے پر خورشید شاہ کا کہنا ہے کہ حکمران خاندان کے لوگ ٹیکس بچانے کیلئے ملک سے باہر کاروبار کررہے ہیں، بتایا جائے پیسہ ملک سے باہر کیسے گیا۔

اپوزیشن لیڈر خورشید شاہ کا کہنا تھا کہ پانامہ لیکس کا معاملہ میڈیا یا پی ٹی آئی نے نہیں اٹھایا، انکا کہنا تھا کہ وزیر اعظم نے اپنے خطاب میں دوسروں پرالزامات لگا کر توپوں کا رخ خود اپنی جانب موڑا اور ہمیں جواب دینے پر مجبور کیا ہے۔

اپوزیشن لیڈر کا کہنا ہے کہ پانامہ لیکس پر پیدا ہونے والے اہم سوالات پرجواب جوڈیشل کمیشن بنانا نہیں، بلکہ ایوان کو بتایا جائے کہ برے وقت میں ہی سہی پیسہ باہر بھجوایا تو کیسے؟ کیا پیسے منی لانڈرنگ سے باہر گئے یا کسی اور طریقے سے، معاملے کا غیر ملکی کمپنیوں سے آڈٹ کرانے سمیت اس پر ایک عالمی تحقیقات کمیشن مقرر کیا جائے۔

قومی اسمبلی میں بحث میں حصہ لیتے شیخ رشید احمد نے کہا کہ سپریم کورٹ کے جسٹس کی نگرانی میں کمیشن نہ بنا تو حکومت کے گرد گھیرا تنگ ہو جائے گا۔انہوں نے کہا کہ حکومت حالات و معاملات کو پرکھنے کی کوشش کرے،ورنہ حکمران برے حالات میں پھنس جائیں گے۔

انہوں نے کہا کہ اب اگر پی ٹی آئی ایوان سے گئی تو کبھی واپس نہیں آئے گی۔نواز شریف کا کاندان باہر سرمایہ کاری کرے گا تو اور کوئی پاکستان میں سرمایہ کاری کیوں کرے گا۔

شیخ رشید احمد نے انکشاف کیا کہ نواز شریف کو کسی نے زبردستی جلا وطن نہیں کیا تھا بلکہ وہ کود اپنی خواہش پر جلا وطن ہوئے،انہوں نے کہا کہ شہباز شریف جلا وطن نہیں ہونا چاہتے تھے۔شاہد خاقان عباسی نواز شریف کی اپنی مرضی کی جلا وطنی اور شہباز شریف کے انکار کی گواہی خود دیں گے۔

دوسری جانب اپوزیشن لیڈر خورشید شاہ سے تحریک انصاف کے رہنما شاہ محمودقریشی نے ملاقات کی، اس موقع پر دونوں رہنماؤں نےپاناما لیکس پر مشترکہ حکمت عملی اپنانے کا فیصلہ کیا۔

شاہ محمود قریشی کا کہنا تھا کہ پاناما لیکس پاکستان کی بدنامی کا با عث بنی ہے، وزیراعظم اورانکی فیملی کاپاناما لیکس میں ذکر آنا انتہائی سنگین ہے، شاہ محمود قریشی نے مزید کہا کہ چاہتے ہیں پارلیمنٹ میں پاناما لیکس پر بات ہو اور بات ضرور ہوگی ۔