Tag: قومی اسمبلی

  • الیکشن کمیشن نے وزارت داخلہ کا خط میڈیا کو جاری کردیا

    الیکشن کمیشن نے وزارت داخلہ کا خط میڈیا کو جاری کردیا

    الیکشن کمیشن نے وزارت داخلہ کا خط میڈیا کو جاری کردیا، ساتھ ہی یہ بھی کہا  کہ انگوٹھوں کی تصدیق ہمارا کام نہیں۔

    وزیر داخلہ نے گزشتہ روز قومی اسمبلی میں کہا تھا کہ انہوں نے الیکشن کمیشن کو نادرا کا کنٹرول سنبھالنے کے لئے خط نہیں لکھا اس پر الیکشن کمیشن نے پہلے تو اس خط کی نقل میڈیا کو جاری کی پھر اپنے جواب میں بھی نادرا کا کنٹرول سنبھالنے سے انکار کر دیا۔

    سیکریٹری الیکشن کمیشن کا کہنا ہے کہ انگوٹھوں کی تصدیق کرنا الیکشن کمیشن کا کام نہیں ہے نہ اسے یہ اختیار ہے کہ وہ کسی ادارے کا کنٹرول سنبھالے، وزارت داخلہ نے الیکشن کمیشن کو نادرا کا کنٹرول سنبھال کر انگوٹھوں کی تصدیق کی ہدایت کی تھی۔
       

  • قومی اسمبلی میں چوہدری نثار کو تماشے کالفظ مہنگا پڑ گیا

    قومی اسمبلی میں چوہدری نثار کو تماشے کالفظ مہنگا پڑ گیا

     چوہدری نثار کےتحریک انصاف کےکردار کو تما شا کہنے پر اپوزیشن نے اجلاس سے بائیکاٹ کر دیا۔ چوہدری نثار نے تحریک انصاف کےپارلیمنٹ سےباہرکےکردار کو تما شا کہا۔

    وفاقی وزیرداخلہ چوہدری نثار نے نادرا اور انگوٹھوں کے نشانات کی تصدیق کے سلگتے معاملے پر قومی اسمبلی میں وضاحت کی، ایوان میں خطاب میں وزیرداخلہ نے کہا نادرا قانونی طور پر وزارت داخلہ کا ماتحت ہے، نادرا کو الیکشن کمیشن کے ماتحت کرنے کی کوئی تجویز نہیں دی۔ 

    چوہدری نثار کہتے ہیں ایک جماعت نے انگوٹھوں کی تصدیق کے معاملے پر تماشا لگا یا ہوا ہے، وزیرداخلہ نے کہا انگوٹھو ں کی تصدیق سے متعلق اپوزیشن جو چاہتی ہے اس کے لیے تیار ہیں۔ 

    وزیرداخلہ نے کہا تحقیقات کی جائےمقناطیسی سیاہی ہرپولنگ اسٹیشن پرفراہم کی گئی،مقناطیسی سیاہی فراہم نہ کرنےوالوں کوکٹہرے میں لایاجائے، قومی اسمبلی میں خطاب کے دوران اپوزیشن لیڈر خورشید شاہ نے حکومت کو تنقید کا نشانہ بناتے ہوئے کہا کہ اپوزیشن مڈٹرم انتخابات نہیں چاہتی، ملک کے بڑے مسائل کا حل تلاش کیا جائے۔ اپوزیشن لیڈر کہتے ہیں مسائل کے حل کیلئے حکومت کی حمایت جاری رکھیں گے۔