Tag: قومی اسمبلی

اسلام آباد : تحریک انصاف کے رہنما فواد چوہدری کا کہنا ہے کہ حکومت نے توہین رسالت کے قوانین کے غلط استعمال کے خلاف حفاظتی اقدامات اٹھانے کےبجائے اس کا دائرہ بڑھا دیا۔

تفصیلات کے مطابق تحریک انصاف کے رہنما فواد چوہدری نے صحابہ کرام و اہلبیت عظام و امہات المومنین کی توہین پر عمر قید کی سزا کا قانون پر سماجی رابطے کی ویب سائٹ ٹوئٹر پر اپنے بیان میں کہا موجودہ حکومت نے توہین رسالت کے قوانین کے غلط استعمال کے خلاف حفاظتی اقدامات اٹھانے کےبجائے اس کا دائرہ بڑھا دیا اِن کا نقطہ نظر خطرناک ہے۔

فواد چوہدری کا کہنا تھا کہ اس سے مفاد پرستوں کے غلط استعمال میں مزید اضافہ ہو گا، کراچی اس کی تازہ مثال ہے کہ کس طرح توہین مذہب کو اقلیتوں اور کمزور گروہوں کے خلاف استعمال کیا جاتا ہے۔

Instead of bringing safe guards in blasphemy laws against misuse present Govt has enlarged the scope, their approach is dangerous and will further increase misuse by vested interests… Karachi is a recent example how blasphemy is used against minorities and weaker groups https://t.co/hmQFszylLL

— Ch Fawad Hussain (@fawadchaudhry) January 18, 2023

گذشتہ روز قومی اسمبلی میں سوشل میڈیا و دیگر پلیٹ فارمز پر صحابہ کرام اہلبیت عظام و امہات المومنین کی توہین کرنے والوں کے لئے سخت قانون منظور کیا گیا تھا۔

توہین صحابہ کرام و اہلبیت عظام و امہات المومنین روکنے کا بل 2022بل جماعت اسلامی کے رکن قومی اسمبلی مولانا عبدالاکبر چترالی نے پیش کیا۔

قومی اسمبلی نے متفقہ طورپر صحابہ کرام اہلبیت عظام اور امہات المومنین کی توہین کرنے والے کی سزا تین سال سے بڑھا کم سے کم دس سال اور زیادہ سے زیادہ عمر قید کردی۔

مجموعہ فوجداری قانون کے سیکشن 298اے میں چار مختلف ترامیم کردی گئیں، جن کے تحت اب توہین صحابہ و اہلبیت و امہات المومنین کرنے والے کی سزاتین سال اور جرمانہ کی بجائے کم سے کم دس سال اور زیادہ سے زیادہ عمر قید ہوگی۔

البتہ نئے قانون میں جرمانہ دس لاکھ تجویز کیا گیا تھا جسے منظور نہیں کیا گیا ہے، اب توہین صحابہ و اہلبیت عظام و امہات المومنین کی سزا جرمانے کے بغیر دس سال سے عمر قید تک ہوگی اور اس کا تعین ڈسٹرکٹ اینڈ سیشن جج کرے گا کہ توہین کس شدت سے کی گئی ہے جتنی زیادہ توہین کی گئی ہوگی اتنی زیادہ سزا ہوگی جو دس سال سے کم کسی صورت نہیں ہوگی۔

مقدمہ ڈسٹرکٹ اینڈ سیشن جج کے پاس چلے گا اور یہ جرم ناقابل ضمانت ہوگا، قومی اسمبلی نے یہ بل متفقہ طورپر منظور کیا۔

ڈپٹی سپیکر زاہد اکرم درانی نے اس تاریخی بل کی منظوری پر مولانا عبدالاکبر چترالی سمیت ایوان میں موجود ارکان کو مبارک باد دی۔

اجلاس کے بعد جماعت اسلامی کے رکن مولانا عبدالاکبر چترالی نے توہین صحابہ و اہلبیت عظام و امہات المومنین روکنے کے لئے بل کی منظوری کو اپنے لئے سعادت قرار دیا اور کہا اب اس طرح کی توہین روکنے میں مدد ملے گی۔

اسلام آباد : نشتر اسپتال میں لاشوں کا معاملہ قومی اسمبلی تک پہنچ گیا، ایم کیو ایم رہنما نے مطالبہ کیا کہ تمام لاشوں کا ڈی این اے ٹیسٹ کرایا جائے۔

تفصیلات کے مطابق قومی اسمبلی میں ایم کیوایم ، پیپلزپارٹی، جےیوآئی اور دیگر پارٹیون نے نشتر اسپتال میں لاشوں کا معاملہ اٹھا دیا۔

رہنما ایم کیوایم کشور زہرہ نے کہا کہ نشتر اسپتال کی لاشوں کاایک بڑامعاملہ سامنےآیامگر جواب نہیں آیا۔

کشورزہرہ نے مطالبہ کیا کہ تمام لاشوں کا ڈی این اے ٹیسٹ کرایا جائے، اپنے لاپتہ افراد کو ڈھونڈ ڈھونڈ کر تھکے تو نہیں مگر مسلسل سرگرداں ہیں، دیکھا جائے کہیں ان لاشوں میں بھی کوئی لاپتہ فرد تو نہیں۔

رہنما پیپلزپارٹی قادرمندوخیل کا کہنا تھا کہ کبھی سنااسپتال میں علاج ہورہاہے،اوپرلاشیں پڑی ہیں، یہ کیسا میڈیکل تجربہ ہو رہا ہے؟ لاشوں کوچیل کوے کھا رہے ہیں۔

مرتضیٰ جاوید اور عبدالرحمان کانجو نے صوبے سے رپورٹ لیکر پیش کرنے کی یقین دہانی کرادی۔