ARYNews.tv | Urdu – Har Lamha Bakhabar

Tag: قومی انسداد پولیو مہم

  • 4 کروڑ سے زائد بچوں کی پولیو ویکسی نیشن ہو گئی

    4 کروڑ سے زائد بچوں کی پولیو ویکسی نیشن ہو گئی

    اسلام آباد: قومی انسداد پولیو مہم میں 4 کروڑ سے زائد بچوں کی ویکسی نیشن کی گئی۔

    تفصیلات کے مطابق ملک میں قومی انسداد پولیو مہم کا اختتام ہو چکا ہے، مہم کے دوران چار کروڑ سے زائد بچوں کو پولیو کے قطرے پلائے گئے۔

    پولیو مہم میں 3 کروڑ سے زائد بچوں کو وٹامن اے کے قطرے بھی پلائے گئے، اس مہم میں 2 لاکھ 87 ہزار پولیو ورکرز نے حصہ لیا، اور مہم کے دوران کرونا ایس او پیز پر عمل درآمد کیا گیا۔

    ڈی جی ہیلتھ ڈاکٹر صفدر رانا نے کہا کہ انسداد پولیو ورکرز کی کارکردگی قابل ستائش رہی ہے، سیکیورٹی اداروں نے پر امن پولیو مہم کا انعقاد یقینی بنایا۔

    ڈاکٹر صفدر نے کہا ملک کو پولیو سے پاک کرنے تک جدوجہد جاری رہے گی، والدین بچوں کی پولیو ویکسینیشن ضرور کرائیں، آئندہ قومی انسداد پولیو مہم مارچ میں ہوگی۔

    یاد رہے کہ اتوار کو رواں سال کی پہلی قومی انسداد پولیو مہم کی ابتدائی کارکردگی رپورٹ تیار کی گئی تھی، جس میں کہا گیا تھا کہ مہم نے مقررہ ہدف کا 98 فی صد حاصل کر لیا ہے، پولیو مہم کا ہدف 4 کروڑ 56 ہزار بچوں کی ویکسی نیشن تھا۔

    ذرائع وزارت صحت نے بتایا تھا کہ اتوار کو آخری کیچ اپ ڈے میں کراچی، کوئٹہ، پشاور، خیبر بلاک میں رہ جانے والے بچوں کی ویکسی نیشن کی گئی تھی، یہ مہم ہائی رسک علاقوں میں 5 روز اور 2 روز کیچ اپ ڈیز پر مشتمل تھی، جب کہ ملک کے دیگر علاقوں میں 3 روزہ پولیو مہم، اور 2 روز کیچ اپ ڈیز پر مشتمل تھی۔

    مہم کے دوران 5 تا 59 ماہ عمر کے بچوں کو وٹامن اے کے قطرے بھی پلائے گئے، جس کا مقصد بچوں کی قوت مدافعت میں اضافہ کرنا تھا۔ پولیو مہم میں 2 لاکھ 87 ہزار ورکرز نے حصہ لیا، عملے کو کرونا ایس او پیز کی ٹریننگ دی گئی تھی۔

  • قومی انسداد پولیو مہم نے مقررہ ہدف کا 95 فیصد حاصل کر لیا

    قومی انسداد پولیو مہم نے مقررہ ہدف کا 95 فیصد حاصل کر لیا

    اسلام آباد : قومی انسداد پولیو مہم نے 5 دن میں مقررہ ہدف کا 95 فیصد حاصل کر لیا، 5 دن میں 3 کروڑ 80لاکھ سےزائد بچوں کی پولیو ویکسینیشن کی گئی۔

    تفصیلات کے مطابق قومی انسداد پولیو مہم نے مقررہ ہدف کا95 فیصد حاصل کر لیا،ذرائع وزارت صحت کا کہنا ہے کہ 3روزہ قومی پولیو مہم اور 2کیچ اپ ڈیز کامیابی سے مکمل کرلیا گیا، 5 دن میں 3 کروڑ 80لاکھ سےزائد بچوں کی پولیو ویکسینیشن کی گئی۔

    ذرائع کا کہنا ہے کہ قومی انسدادپولیو مہم میں 4کروڑ 16 لاکھ بچوں کی ویکسی نیشن کا ہدف رکھاگیا، پولیوکے حوالے سےحساس علاقوں کراچی، پشاور، خیبر، کوئٹہ، پشین، قلعہ عبداللہ میں مہم 26، 27 ستمبرتک جاری رہے گی۔

    وزارت صحت کے مطابق پنجاب کے5 اضلاع لاہور،راولپنڈی،ننکانہ صاحب،ساہیوال،رحیم یارخان میں انسدادپولیومہم آج جاری رہےگی ، کامیاب ترین انسداد پولیو مہم گلگت بلتستان میں منعقد ہوئی، گلگت بلتستان میں مہم نے مقررہ سےزائد105 فیصدہدف حاصل کیا، گلگت بلتستان میں 2لاکھ 51ہزار956 بچوں کی ویکسی نیشن کی گئی۔

    ذرائع کا کہنا ہے کہ آزادکشمیرمیں قومی انسداد پولیو مہم نےمقررہ ہدف کا99 فیصد حاصل کیا، مہم کے دوران 6لاکھ63ہزار960بچوں کی ویکسی نیشن کی گئی جبکہ پنجاب میں قومی پولیو مہم مقررہ ہدف کا 96 فیصد حاصل کر سکی ، پنجاب میں ایک کروڑ 94 لاکھ 98 ہزار بچوں کی پولیو ویکسینیشن مکمل کی۔

    وزارت صحت نے بتایا اسلام آباد میں قومی پولیو مہم مقررہ ہدف کا89 فیصد حاصل کر سکی، جہاں 3لاکھ23ہزار628بچوں کی ویکسی نیشن کی گئی، سندھ میں قومی پولیو مہم کےمقررہ ہدف کا 92 فیصد حاصل کیا گیا اور 86 لاکھ 45 ہزار بچوں کی پولیو ویکسینیشن کی جا چکی ہے۔

    ذرائع کے مطابق کے پی میں قومی انسدادپولیو مہم کے ہدف کا99 فیصد حاصل کیا گیا ، صوبے میں 64 لاکھ 80 ہزار بچوں کی پولیو ویکسینیشن مکمل کی گئی، اسی طرح بلوچستان میں قومی انسداد پولیو مہم کے ہدف کا 89 فیصد حاصل ہوا، بلوچستان میں 22لاکھ29ہزار974بچوں کی ویکسی نیشن کی گئی۔

  • قومی انسداد پولیو مہم کے 3 دن میں ہدف کا 85 فیصد حاصل

    قومی انسداد پولیو مہم کے 3 دن میں ہدف کا 85 فیصد حاصل

    اسلام آباد : ملک بھر میں قومی انسداد پولیو مہم کے 3 دن میں ہدف کا 85 فیصد حاصل کرلیا گیا ، مہم میں 4 کروڑ 16 لاکھ بچوں کی ویکسینیشن کا ہدف رکھا گیا ہے۔

    تفصیلات کے مطابق ملک بھر میں قومی انسداد پولیو مہم کامیابی سے جاری ہے، قومی انسداد پولیو مہم کے 3 دن میں ہدف کا 85 فیصد حاصل کرلیا گیا ، دو روز میں 3کروڑ 40 لاکھ 50 ہزار بچوں کی ویکسی نیشن ہو چکی ہے۔

    ذرائع کا کہنا ہے کہ قومی انسدادپولیو مہم میں 4 کروڑ 16 لاکھ بچوں کی ویکسینیشن کا ہدف رکھاگیاہے، گلگت بلتستان میں 2لاکھ 20 ہزار 568بچوں ، آزادکشمیر میں 6لاکھ34ہزار633بچوں کی ویکسی نیشن مکمل کرلی گئی ہے۔

    پنجاب میں ایک کروڑ 82 لاکھ 61 ہزار بچوں ، اسلام آباد میں 2لاکھ68ہزار139بچوں ، سندھ میں 74 لاکھ 8 ہزار بچوں کی پولیو ویکسی نیشن کر لی گئی۔

    اسی طرح خیبرپختونخوا میں 57 لاکھ 2 ہزار بچوں اور بلوچستان میں 15لاکھ55ہزار489بچوں کو پولیو کے قطرے پلائے گئے۔

    ذرائع کے مطابق ملک گیرقومی انسداد پولیو مہم کل تک جاری رہے گی، قومی انسداد پولیو مہم کے بقیہ دو دن کیچ اپ ڈیز ہیں۔

    خیال رہے قومی انسداد پولیو مہم کا چوتھا روز ہے ، رضا کار گھر گھر جا کر بچوں کو پولیو سے بچاؤ کے قطرے پلا رہے ہیں۔

    کراچی میں گڈاپ،بلدیہ،اورنگی،لیاقت آباد اورسائٹ ٹاؤن سمیت آٹھ یوسیزمیں بائیس لاکھ بچوں کو پولیوسے بچاؤ کے قطرے پلائے جا رہے ہیں جبکہ لاہورمیں اب تک دس لاکھ اسی ہزارسے زائد بچوں کو پولیو سے بچاؤ کے قطرے پلائے جاچکے ہیں۔

    بلوچستان میں چارروزہ مہم کے دوران تینتیس اضلاع میں پچیس لاکھ بچوں کو ویکسین پلائی جائے گی جبکہ پشاورسمیت خیبر پختو نخوا میں پینسٹھ لاکھ سے زائد بچوں کوانسداد پولیوکے قطرے پلانے کا ہدف ہے۔

  • ملک بھر میں 5 روزہ قومی انسداد پولیو مہم کا آغاز

    ملک بھر میں 5 روزہ قومی انسداد پولیو مہم کا آغاز

    اسلام آباد: ملک بھر میں قومی انسداد پولیو مہم کا باقاعدہ آغاز ہوگیا، قومی انسداد پولیو مہم 21 سے 25 ستمبر تک جاری رہے گی، مہم میں 3 کروڑ 96 لاکھ بچوں کی ویکسینیشن ہوگی۔

    تفصیلات کے مطابق قومی انسداد پولیو مہم کا باقاعدہ آغاز ہوگیا، قومی انسداد پولیو مہم 21 سے 25 ستمبر تک جاری رہے گی۔ مہم میں 3 روز اور 2 روز کیچ اپ ڈیز ہوں گے۔ کیچ اپ ڈیزمیں رہ جانے والے بچوں کی پولیو ویکسینیشن ہوگی۔

    قومی انسداد پولیو مہم آزاد کشمیر، گلگت بلتستان اور چاروں صوبوں میں ہوگی، مہم میں 3 کروڑ 96 لاکھ بچوں کی ویکسینیشن ہوگی جبکہ مہم میں 2 لاکھ 70 ہزار ورکرز حصہ لیں گے۔

    ملک بھر میں 26 ہزار 384 ایریا انچارج، 8 ہزار 434 یو سی میڈیکل آفیسرز، 2 لاکھ 17 سو 99 موبائل، 10 ہزار 243 فکس اور 11 ہزار 714 ٹرانزٹ ٹیمز مہم کا حصہ ہوں گی۔

    خیبر پختونخواہ

    صوبہ خیبر پختونخواہ میں 5 روزہ انسداد پولیو مہم کے دوران 65 لاکھ سے زائد بچوں کو پولیو کے قطرے پلانے کا ہدف مقرر کیا گیا ہے۔ صوبے میں 28 ہزار 528 ٹیمیں مہم میں حصہ لیں گی۔

    ای او سی حکام نے والدین سے انسداد پولیو مہم کو کامیاب بنانے کی اپیل کی ہے۔

    خیبر پختونخواہ پولیو کیسز کی شرح کے حوالے سے پہلے نمبر پر رہا ہے، اب تک صوبے میں 22 پولیو کیسز سامنے آچکے ہیں۔

    سندھ

    صوبہ سندھ کے دارالحکومت کراچی کے علاقے بلدیہ ٹاؤن میں رورل ہیلتھ مرکز پر بچوں کو انسداد پولیو کے قطرے پلا کر، سندھ میں پولیو مہم کا آغاز کردیا گیا۔ کراچی میں سپر ہائی رسک یو سیز پرخصوصی توجہ دی جائے۔

    صوبہ سندھ میں رواں برس 22 پولیو کیسز ریکارڈ کیے جاچکے ہیں۔

    بلوچستان

    صوبہ بلوچستان کے بھی تمام 33 اضلاع میں انسداد پولیو مہم کا آغاز کردیا گیا، 25 لاکھ بچوں کو پولیو سے بچاؤ کے قطرے پلانے کا ہدف مقرر کیا گیا ہے۔

    صوبے میں انسداد پولیو مہم میں 10 ہزار 585 ٹیمیں حصہ لے رہی ہیں، رواں سال بلوچستان میں پولیو کے 19 کیسز رپورٹ ہوچکے ہیں۔

    پنجاب

    پنجاب میں ہونے والی انسداد پولیو مہم میں 2 کروڑ سے زائد بچوں کو قطرے پلانے کا ہدف مقرر کیا گیا ہے، انسداد پولیو مہم میں 44 ہزار ٹیمیں حصہ لے رہی ہیں۔

    پنجاب پولیو پروگرام کا کہنا ہے کہ پولیو مہم میں طویل وقفوں سے وائرس بڑے شہروں میں پھیل رہا ہے۔ پنجاب میں رواں سال ریکارڈڈ پولیو کیسز کی تعداد 9 ہو چکی ہے۔

    خیال رہے کہ ملک بھر میں رواں برس پولیو کے 72 کیسز رپورٹ ہو چکے ہیں۔ قومی انسداد پولیو پروگرام کی جانب سے کہا گیا ہے کہ والدین بچوں کو پولیو سے بچاؤ کے قطرے ضرور پلوائیں۔

    5 روزہ انسداد پولیو مہم کے دوران کرونا وائرس ایس او پیز پر سختی سے عملدر آمد ہوگا۔

  • حکومت کا قومی انسداد پولیو مہم رواں ماہ چلانے کا فیصلہ

    حکومت کا قومی انسداد پولیو مہم رواں ماہ چلانے کا فیصلہ

    اسلام آباد: حکومت نے قومی انسداد پولیو مہم رواں ماہ چلانے کا فیصلہ کرلیا، مہم 21 سے25 ستمبر تک جاری رہے گی ، اس دوران 3 کروڑ 96 لاکھ بچوں کی قطرے پلائے جائیں گے۔

    تفصیلات کے مطابق حکومت نے قومی انسداد پولیو مہم رواں ماہ چلانے کا فیصلہ کرلیا ، ذرائع وزارت صحت کا کہنا ہے کہ قومی انسداد پولیو مہم 21 سے25 ستمبر تک چلائی جائےگی، مہم 3دن چلائی جائےگی جبکہ 2دن کیچ اپ ڈیز ہوں گے۔

    قومی انسداد پولیو مہم آزادکشمیر، گلگت بلتستان ورچاروں صوبوں میں چلائی جائےگی ، مہم کے دوران 3 کروڑ 96 لاکھ بچوں کی ویکسی نیشن ہو گی اور 2 لاکھ 70 ہزار ورکرز حصہ لیں گے۔

    ذرائع کے مطابق انسداد پولیو مہم کے دوران کورونا ایس او پیز پر سختی سے عملدرآمد ہو گا۔

    یاد رہے معاون خصوصی صحت کی زیرصدارت پولیوصورتحال پراجلاس میں سربراہ نیشنل ایمرجنسی آپریشن سینٹربرائے پولیو ڈاکٹرصفدررانا نے بریفنگ میں بتایا تھا کہ کورونا کے باعث انسداد پولیو سرگرمیاں 4 ماہ معطل رہیں، جولائی،اگست کےدوران کامیاب انسدادپولیو مہم چلائی گئیں۔

    ڈاکٹر صفدررانا کا کہنا تھا کہ رواں ماہ ملک میں قومی سطح پرانسدادپولیو مہم کی تیاری ہے، قومی انسدادپولیو مہم میں4کروڑ بچوں کو قطرے پلانے کا ہدف ہے۔

    معاون خصوصی صحت ڈاکٹرفیصل سلطان نے کہا تھا کہ حکومت انسداد پولیو کیلئے موثر، مربوط اقدامات یقینی بنارہی ہے اور ملک سے پولیو کے مکمل خاتمے کیلئے پرعزم ہے، انسدادپولیو ورکرزقومی ہیروزہیں، صوبوں کے تعاون سے انسداد پولیو حکمت عملی میں بہتری لائیں گے۔

  • قومی انسداد پولیو مہم کی کامیابی کا تناسب 100.3 فی صد رہا: رپورٹ

    قومی انسداد پولیو مہم کی کامیابی کا تناسب 100.3 فی صد رہا: رپورٹ

    اسلام آباد: ملک گیر قومی انسداد پولیو مہم مکمل ہو گئی ہے، اس سلسلے میں ترتیب دی جانے والی رپورٹ میں کہا گیا ہے کہ پولیو مہم کی کامیابی کا تناسب 100.3 فی صد رہا۔

    اے آر وائی نیوز کے مطابق انسداد پولیو مہم کے نتائج کی رپورٹ وزارت قومی صحت کو موصول ہو گئی ہے، رپورٹ میں کہا گیا ہے کہ پولیو مہم سو فی صد سے بھی زیادہ کامیاب رہا، مہم میں مقررہ سے ایک لاکھ 24 ہزار زائد بچوں کو پولیو ویکسین دی گئی۔

    رپورٹ کے مطابق پنجاب میں انسداد پولیو مہم نے مقررہ ہدف سے زائد نتائج حاصل کیے، صوبے میں پولیو مہم کی شرح 102.4 فی صد رہی، سندھ میں پولیو مہم کی شرح 100.07 فی صد رہی، اور 63493 اضافی بچوں کو پولیو ویکسین دی گئی، آزاد کشمیر میں انسداد پولیو مہم کی شرح 100.1 فی صد رہی، وفاقی دارالحکومت میں پولیو مہم کی شرح 99.8 فی صد رہی، اسلام آباد میں مقررہ 699 بچے پولیو ویکسین سے محروم رہے۔

    ملک گیر قومی انسداد پولیو مہم، یو این جنرل سیکریٹری بھی حصہ لیں‌ گے

    خیبر پختون خوا میں قومی انسداد پولیو مہم کی شرح 97.1 فی صد رہی، کے پی میں 2 لاکھ کے قریب بچے پولیو ویکسین سے محروم رہے، گلگت بلتستان میں پولیو مہم کی شرح 96.5 فی صد رہی، جب کہ 7899 بچے ویکسین سے محروم رہے، بلوچستان میں قومی انسداد پولیو مہم کی مجموعی شرح 91 فی صد رہی، جب کہ 2 لاکھ 13 ہزار بچے پولیو ویکسین سے محروم رہے

    مجموعی طور پر قومی انسداد پولیو مہم میں 4 لاکھ 18 ہزار بچے ویکسین سے محروم رہے۔