Tag: قومی ایئرلائن

کراچی: یورپ اور برطانیہ جانے والے پاکستانیوں کے لئے بڑی خوشخبری آگئی ، پی آئی اے طیاروں میں دوران سفر جدید سہولت ملے گی۔

تفصیلات کے مطابق قومی ایئرلائن (پی آئی اے) نے مسافروں کو دوران پرواز بین الاقوامی معیار کی سہولتیں دینے کا فیصلہ کرلیا۔

ذرائع کا کہنا تھا کہ قومی ایئرلائن نے بوئنگ 777 ساختہ طیاروں میں نئی جدید نشستیں لگائی جائیں گی، بوئنگ طیاروں میں اکنامی اور بزنس کلاس کی نشستوں کو تبدیل کیا جائے گا۔

بوئنگ طیاروں میں نیاان فلائٹ انٹرٹینمنٹ سسٹم لگانے کا بھی فیصلہ کیا گیا ہے ، یورپ اور برطانیہ کے مسافروں کو قومی ایئرلائن کے طیاروں میں دوران سفر جدید سہولت ملے گی۔

قومی ایئرلائن کو برطانیہ ،امریکا میں پروازوں کی بحالی کی امید ہے، اس حوالے سے بین الاقوامی سطح پر بڈز طلب کرلی گئیں ہیں۔

خیال رہے ذرائع نے بتایا تھا پاکستان انٹرنیشنل ایئر لائن (پی آئی اے) کی نجکاری نومبر 2025 تک مکمل ہونے کا امکان ہے۔

ذرائع کے مطابق حکومت پاکستان قومی ایئرلائن کے پچاس فیصد شیئرز فروخت کرنے کا منصوبہ بنا رہی ہے، ملکی اور بین الاقوامی گروپوں نے پی آئی اے کے شیئرز خریدنے میں دلچسپی ظاہر کی ہے۔

یاد رہے پاکستان انٹرنیشنل ایئر لائنز ہولڈنگ کمپنی کے کلاس بی کے حصص کی قدر میں غیر معمولی اضافہ دیکھا گیا تھا۔

کراچی : پی آئی اے کا طیارہ ٹیکسی وے سے واپس آگیا، قومی ایئرلائن کی پرواز پی کے 300 کو صبح 7 بجے روانہ ہونا تھا۔

تفصیلات کے مطابق پی آئی اے کی کراچی سے اسلام آباد کی پرواز پی کے 300 میں فنی خرابی پیدا پوئی ، جس کے بعد طیارہ ٹیکسی وے سے واپس آگیا، ذرائع نے بتایا کہ پی کے 300 کو صبح 7 بجے روانہ ہونا تھا تاہم طیارہ کو دوبارہ برج سے لگا دیا گیا ہے۔

ذرائع کا کہنا تھا کہ فنی خرابی کے باعث پرواز ڈیڑھ گھنٹے سے زائد تاخیر کا شکار رہی ، جس پر مسافروں نے احتجاج کیا۔

قومی ایئرلائن کے ترجمان نے بتایا کہ طیارہ فنی خرابی کی وجہ سے رمپ سے واپس آیا، فنی خرابی دور ہو گئی ہے، پرواز اسلام آباد کیلئے روانہ ہو جائے گی۔

اسلام آباد : قومی ایئر لائن پی آئی اے کی نجکاری اگست کی بجائے ستمبر میں ہونے کا امکان ہے ، نجکاری میں حسابات کی جانچ پڑتال مکمل نہ ہوسکی ہے۔

تفصیلات کے مطابق قومی ایئرلائن پی آئی اے کی نجکاری میں مزید تاخیر کا خدشہ بڑھ گیا، قومی ایئرلائن کی نجکاری اگست کی بجائے ستمبر میں ہونے کا امکان ہے۔

ذرائع نے بتایا کہ نجکاری میں دلچسپی لینے والی کمپنیوں کی جانچ پڑتال مکمل نہیں ہوسکی، تمام کمپنیاں کا ڈیو ڈیلیجنس ابھی جاری ہے۔

ذرائع نے کلہا کہ دلچسپی لینے والی کمپنیوں کا کہنا ہے یورپ کے روٹس فعال ہوں تو مالیت کا درست اندازہ ہوگا تاہم حکومت پاکستان پی آئی اے کی یورپ فلائٹس فعال کرنے کی کوشش کرے گی۔

اس سلسلے میں نائب وزیر اعظم اسحاق ڈار، وزیر نجکاری عبدالعلیم خان سمیت حکومت وزرا کردار ادا کریں گے۔

کراچی : قومی ایئرلائن کا قبل از حج آپریشن کا آغاز کل ہوگا، پی آئی اے کے سی ای او عازمین حج کو رخصت کریں گے۔

تفصیلات کے مطابق قومی ایئرلائن کا قبل از حج آپریشن جمعرات 9 مئی سے شروع کررہا ہے، جو 10 جون تک جاری رہے گا، پہلی حج پروازپی کے 717 لاہور سے مدینہ کیلئے صبح 8 بجکر 35 منٹ پر 333 عازمین حج کو لیکر روانہ ہوگی۔

اسلام آباد سے حج پرواز713مدینہ کیلئےشام 7بجکر10منٹ پر 327عازمین حج کو لیکر روانہ ہوگی، ترجمان پی آئی اے نے کہا کہ اسلام آباد ایئرپورٹ پر پی آئی اے کے سی ای او عازمین حج کو رخصت کریں گے۔

ملتان سے مدینہ کیلئے پرواز پی کے 715 مدینہ کیلئے 10 مئی کو روانہ ہوگی جبکہ کراچی سے پی آئی اے کی پرواز پی کے 743 مدینہ کیلئے اللصبح 3 بجکر45 منٹ پر مدینہ روانہ ہوگی۔

کوئٹہ سے مدینہ کیلئے پرواز پی کے 1326 براستہ کراچی مدینہ 11مئی کو روانہ ہوگی، پی آئی اے کی پرواز پی کے 717سیالکوٹ سے مدینہ کیلئے 19مئی کو حجاز کرام کو لیکر مدینہ روانہ ہوگی۔

اسلام آباد اور کراچی سے عازمین حج روڈ ٹو مکہ منصوبے کے تحت مدینہ روانہ ہوں گے، پی آئی اے مجموعی طور پر34ہزار عازمین حج کو 170 پروازوں کے ذریعے حجاز مقدس پہنچائے گی۔

پی آئی اے اس سال 19ہزار سرکاری حج اسکیم اور15ہزار پرائیوٹ حجاز پی آئی اے کے ذریعے سفر کریں گے۔

پی آئی اے حج فلائٹ آپریشن کے دوران بوئنگ777 اور ایئر بس 320 طیارے استعمال کرے گا۔

کراچی : سال دوہزار تیئس قومی ایئرلائن ( پی آئی اے) کیلئے اچھا ثابت نہیں ہوا، ادارے کو 120 ارب روپے سے زائد خسارے کا سامنا رہا لیکن انتظامیہ کا دعویٰ ہے کہ پی آئی اے نے ریکارڈ بزنس کیا۔

تفصیلات کے مطابق قومی ایئرلائن ( پی آئی اے) کی شاہانہ اڑان کو انتظامیہ کی بدنظمی اور ناقص حکمت عملی لے ڈوبی، سال 2023ء میں قومی ایئرلائن اپنے تاریخ کے سنگین ترین مالی مشکلات کا شکار رہا۔

ایف بی آر اور پی ایس او کے ساتھ واجبات کے جھگڑوں نے ادارے شدید مالی نقصان سے دوچار کیا اور غیر یقینی صورتحال کے باعث پی آئی اے کو ہونیوالی ادائیگیاں بھی متاثر ہوئیں۔

سال 2023ء میں قومی ایئرلائن کے بوئنگ 777، A320 طیارے کئی دنوں تک گراونڈ رہے جبکہ قومی ایئرلائن ایف بی آر اور پی ایس او کو اربوں روپے کے واجبات ادا کرنے میں بھی قاصر رہا۔

دوسری جانب پی آئی اے انتظامیہ کا دعویٰ ہے کہ سال 2023ء میں ریکارڈ ریونیو حاصل کیا۔

سال 2023ء میں حکومت کی جانب سے قومی ایئرلائن کی نجکاری کے عمل میں تیزی آئی تو ملازمین نے ادارے کی نجکاری کیخلاف احتجاجی تحریک بھی شروع کی۔

سال کے آخری ماہ میں یورپی سیفٹی ایجنسی نے پی آئی اے کا آڈٹ بھی کیا، جس کے بعد پی آئی اے انتظامیہ نے امید ظاہر کی ہے کہ سال 2024ء میں پی آئی اے کا برطانیہ اور یورپ کیلئے فلائٹ آپریشن بحال ہوگا۔

کراچی: قومی ایئرلائن پر ہوا بازوں کی کمی کا بحران منڈلانے لگا ، ہوا بازوں کے جانے سے قومی ایئرلائن ایک نئے بحران میں مبتلا ہوجائے گی۔

تفصیلات کے مطابق فضاؤں کا سینا چیرتے ہوئے پی آئی اے کے جہاز کبھی پاکستانیوں کے مکمل اعتماد اور دنیا بھر میں پاکستانی وقار کی علامت سمجھے جاتے تھے ، مگر شاہانہ اڑان کو انتظامیہ کی بدنظمی اور ناقص حکمت عملی لے ڈوبی۔

پی آئی اے کے ہوا بازوں کی تنخواہوں پر بھاری ٹیکسزنافذ کرنے پردو درجن سے زائد کپتانوں نے ایئر لائن کو خیرباد کہہ دیا۔

ترجمان پی آئی اے عبداللہ خان کا کہنا ہے کہ پاکستان سمیت خطہ میں ایئربس 320 کے ہوا بازوں کی ڈیمانڈ میں بہت اضافہ ہوچکا ہے۔

پالپا کے جنرل سیکریٹری کیپٹن ناریجو نے کہا کہ پی آئی اے کے کپتانوں نے قومی ایئرلائن کو ہر ماہ لاکھوں روپے فیول کی بچت کرکے دی ہے لیکن اس کے باوجود انتظامیہ کا رویہ غیر مناسب ہے۔

ان کا کہنا تھا کہ پہلے سے مشکلات کا دوچار قومی ایئرلائن سے ہوا بازوں کے جانے سے مزید بحران ادارے کیلئے نئی مشکل کھڑی کردے گا۔