Tag: قومی ایئرلائن

کراچی: قومی ایئر لائن میں اصلاحات اور احتساب کا عمل جاری ہے، گزشتہ ماہ پی آئی اے نے 54 ملازمین کے خلاف ایکشن لیا۔

تفصیلات کے مطابق پی آئی اے نے ستمبر میں 54 ملازمین کے خلاف ایکشن لیا ہے، شعبہ ہیومن ریسورس نے ملازمین کے خلاف کارروائیوں کی فہرست بھی جاری کر دی۔

پی آئی اے نے جعلی تعلیمی اسناد کے حامل 7 ملازمین کوفارغ کیا، بغیر اطلاع ایک عرصے سے غیر حاضر 8 ملازمین کو بھی نوکریوں سے فارغ کر دیا گیا۔

پی آئی اے نے کمپنی کے اثاثہ جات کو نقصان پہنچانے پر 2 ملازمین کو فارغ کیا، سرکاری معلومات غیر قانونی طور پر افشا کرنے پر ایک ملازم بر طرف کیا گیا، بدعنوانی اور غبن میں ملوث 6 ملازمین کو برخاست کیا گیا۔

کراچی : پی آئی اے کو لاکھوں ڈالر کا نقصان پہنچانے والوں کے گرد گھیرا تنگ

منشیات کی نقل وحمل اور اسمگلنگ میں ملوث 2 ملازمین برطرف، سرکاری دستاویزکی چوری، ریکارڈ کو نقصان پہنچانے پر 2 ملازم برخاست، کام سے انکار پر ایک ملازم کو نوکری سے فارغ کیا گیا۔

ایس او پیز کی خلاف ورزی پر 5 ملازمین کے انکریمنٹ میں بطور سزا کٹوتی کی گئی، احکامات کے مطابق عمل نہ کرنے پر 9 ملازمین کی تنزلی کی گئی، 10 ملازمین ضابطے کی کارروائی کے بعد بے قصور پائے گئے، جب کہ اچھی کارکردگی پر 13 کو تعریفی اسناد، اور 7 ملازمین کو کیش ایوارڈ دیےگئے۔

کراچی: قومی ایئر لائن نے فرانس سے مسافروں کی وطن واپسی کے سلسلے میں خوش خبری دیتے ہوئے کہا ہے کہ مسافروں کے لیے متبادل انتظامات کر لیے گئے ہیں۔

اے آر وائی نیوز کے مطابق یورپی سیفٹی ایجنسی کی جانب سے پی آئی اے کی پروازوں کی بندش کے معاملے کے بعد پی آئی اے نے فرانس سے مسافروں کو وطن لانے کے لیے متبادل انتظامات کر لیے۔

پی آئی اے نے اپنے مسافروں کو سہولیات فراہم کرنے کے لیے 15 اگست سے پیرس سے پاکستان کے لیے پروازیں چلانے کا فیصلہ کیا ہے، پی آئی اے کے مسافر متبادل ذریعے سے پیرس سے براہ راست پاکستان کے لیے سفر کر سکیں گے۔

ترجمان پی آئی اے نے کہا ہے کہ قومی ایئر لائن خصوصی چارٹر پروازوں کے ذریعے پیرس سے مسافروں کو وطن لائے گی، اس سلسلے میں 15 اگست کو پیرس سے اسلام آباد کے لیے پرواز آپریٹ کی جائے گی، 16 اگست کو اسلام آباد سے مسافر پیرس کے لیے روانہ ہوں گے، 29 اگست کو پیرس سے اسلام آباد کے لیے پرواز آپریٹ کی جائے گی جب کہ 30 اگست کو اسلام آباد سے پرواز پیرس روانہ ہوگی۔

ترجمان کا کہنا تھا پی آئی اے کے فرانس کا جی ایس اے خصوصی پروازیں آپریٹ کر رہا ہے، اس سے پی آئی اے کے بکنگ کے حامل مسافروں کو سہولت میسر ہوگی، قومی ایئر لائن خصوصی چارٹر پروازوں کے ذریعے اٹلی اور دیگر یورپی ممالک کے مسافروں کو بھی ان کے وطن پہنچائے گی۔

کراچی: قومی ایئر لائن نے یورپ اور برطانیہ کے لیے متبادل انتظامات شروع کر دیے، پی آئی اے ترکی کی فضائی کمپنی سے مسافروں کو برطانیہ اور یورپ پہنچائے گی۔

ذرایع کا کہنا ہے کہ پی آئی اے نے ترکی کی فضائی کمپنی سے مسافروں کو برطانیہ اور یورپ پہنچانے کے لیے انتظامات شروع کر دیے، اس سلسلے میں پی آئی اے اور ترکی ایئر لائن پیگاسس ایئر لائنز کا 31 جنوری 2020 کو کوڈ شیئرنگ کا معاہدہ ہے۔

کوڈ شیئرنگ کو مزید فعال کرنے کے لیے بات چیت آخری مراحل میں داخل ہو گئے ہیں، پی آئی اے مسافروں کو پہلے ترکی کے صبیحہ گوچن ایئر پورٹ استنبول پہنچائے گی، پھر 2 گھنٹے بعد مسافروں کو پیگاسس ایئرلائن سے برطانیہ اور یورپ کے ان شہروں میں پہنچایا جائے گا جہاں پی آئی اے آپریٹ کرتی تھی۔

یورپین یونین ایئر سیفٹی ایجنسی کی پابندی ، پی آئی اے کی مشکلات میں ممکنہ اضافے کا خدشہ

ذرایع کا کہنا ہے کہ قومی ایئر لائن یورپ اور برطانیہ کے دوسرے 25 مقامات سے بھی اپنا شیڈول فائنل کر رہی ہے، پی آئی اے یورپ کے لیے خصوصی چارٹر پروازوں کے ذریعے بھی مسافروں کو پہنچائے گی، اس سلسلے میں فرانس کی ایک نجی چارٹر طیارہ کمپنی سے بات چیت جاری ہے۔

خیال رہے کہ پائلٹس کے جعلی لائسنس کے مسئلے پر پی آئی اے پروازوں کی یورپ میں پابندی کے باعث بڑی تعداد میں پاکستانی مسافر پریشانی کا شکار ہو گئے ہیں، یورپ میں مقیم بڑی تعداد میں پاکستانی سفارت خانوں سے رابطے کرنے لگے ہیں۔

گزشتہ روز بارسلونا سفارت خانے کی درخواست پر پاکستانیوں کے لیے خصوصی پرواز کی اجازت دی گئی تھی، سی اے اے کا اس سلسلے میں کہنا تھا کہ یہ پرواز 20 جولائی کو بارسلونا سے اسلام آباد روانہ ہوگی، اس پرواز کے لیے قطر ایئر ویز کا طیارہ 19 جولائی کو دوحا سے بارسلونا پہنچے گا۔

اسلام آباد: قومی ایئر لائین کی پرواز میں دوران سفر عملے اور مسافر کے درمیان ہاتھا پائی ہو گئی، مسافر کو حراست میں لے لیا گیا۔

تفصیلات کے مطابق مانچسٹر سے اسلام آباد آنے والی پی آئی اے کی پرواز پی کے 702 میں مسافر اور جہاز کے عملے کے درمیان خوب ہاتھا پائی ہوئی، جہاز کے لینڈ ہوتے ہی مسافر کو پولیس کے حوالے کر دیا گیا۔

اے آر وائی نیوز کے مطابق مسافر نعمان واجد اکانومی کلاس سے فرسٹ کلاس میں جا بیٹھا تھا، فلائٹ اسٹیورڈ نبیل عالم نے مسافر کو واپس اکانومی کلاس میں جانے کا کہا تاہم مسافر نے فلائٹ اسٹیورڈ سے ہاتھا پائی شروع کر دی۔

بعد ازاں، پائلٹ نے اسلام آباد پہنچتے ہی اے ایس ایف کو طلب کر لیا، ذرایع ایئر پورٹ کا کہنا ہے کہ مذکورہ مسافر کو تھانہ ایئرپورٹ چوکی پولیس کے حوالے کر دیا گیا ہے۔

یہ بھی پڑھیں:  پی آئی اے کی پرواز میں ذہنی مریضہ نے مسافروں میں کھلبلی مچا دی

یاد رہے گزشتہ ماہ پی آئی اے کی مانچسٹر سے اسلام آباد آنے والی پرواز میں ایک ذہنی مریضہ نے اپنی مشکوک اور احمقانہ حرکتوں سے مسافروں میں کھلبلی مچا دی تھی، شازیہ نامی مسافر خاتون پر دوران پرواز اچانک نفسیاتی پن کے دورے پڑنا شروع ہو گئے تھے۔

فضائی میزبان مسافر خاتون کو بار بار سمجھاتے رہے لیکن مسافر خاتون نے کسی کی نہ سنی، بعد ازاں فلائٹ عملے نے ایک مسافر ڈاکٹر کی معاونت سے ذہنی سکون کا انجکشن لگا کر مریضہ کو قابو میں کیا۔