ARYNews.tv | Urdu – Har Lamha Bakhabar

Tag: قومی ایئرلائن

  • وزیراعظم شاہد خاقان عباسی لندن سےوطن واپس پہنچ گئے

    وزیراعظم شاہد خاقان عباسی لندن سےوطن واپس پہنچ گئے

    لاہور: وزیراعظم شاہد خاقان عباسی لندن کے نجی دورے کے بعد قومی ایئرلائن کی پرواز کے ذریعے وطن واپس پہنچ گئے۔

    تفصیلات کے مطابق وزیراعظم شاہد خاقان عباسی پی آئی اے کی لندن سے لاہور کی براہ راست پرواز پی کے758 کے ذریعے آج صبح وطن واپس پہنچے۔

    وزیراعظم پاکستان کے لندن میں دیے گئے بیان کے مطابق وہ ایک دن کی چھٹی لے کر نجی دورے کے لیے لندن گئے تھے۔

    لندن میں وزیراعظم شاہد خاقان عباسی نے مسلم لیگ ن کے صدر اور سابق وزیراعظم نواز شریف سے بھی ملاقات کی اور ان سے ملکی و سیاسی صورت حال پر تبادلہ خیال کیا۔

    ذرائع کے مطابق مانچسٹر سے اسلام آباد کی پرواز تاخیر کا شکار ہونے کی وجہ سے وزیراعظم شاہد خاقان عباسی نے اسلام آباد کی بجائے دستیاب پرواز کے ذریعے لاہور پہنچنے کا فیصلہ کیا۔

    مائنس نواز مارمولا، شہباز شریف، وزیراعظم اور کابینہ کی لندن دوڑیں

    یاد رہے کہ گزشتہ روز لندن میں میڈیا سے گفتگوکرتے ہوئے وزیراعظم شاہد خاقان عابسی کا کہنا تھا کہ فیئر ٹرائل نہ ہونے کے باوجود نواز شریف پاکستان جا کراحتساب عدالت کے سامنے پیش ہوں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم کی وطن واپسی کیلئےخصوصی بوئنگ طیارہ آج رات روانہ ہوگا

    وزیراعظم کی وطن واپسی کیلئےخصوصی بوئنگ طیارہ آج رات روانہ ہوگا

    کراچی: وزیر اعظم کی لندن سے واپسی کے لیے سواری تیار ہوگئی، پی آئی اے کا بوئنگ ٹرپل سیون وزیر اعظم کو لندن لینے جائے گا۔

    وزیراعظم کولندن سے وطن واپس لانے لانے کے لئے پی آئی اے کا بوئنگ طیارہ سجناشروع ہوگیا، بوئنگ ٹرپل سیون خالی ہی لندن اڑان بھرے گا پاکستان انٹر نیشنل ائیرلائنزکےانجینئرزکودو بوئنگ طیاروں کو وی آئی پی بنانے کی ہدایت مل گئی۔انتظامیہ کوکھانا بھی وی آئی پی بنانےکے انتظامات کرنےکی ہدایت آئی ہے۔

    گزشتہ رات وزیر اعظم کی شاہی سواری کو تیار کرنے کیلئے قومی ایئرلائن کے عملے کی دوڑیں لگی رہیں، پی آئی اے کے بوئنگ ٹرپل سیون کی تمام سیٹیں نکال کر رات بھر جراثیم کش اسپرے کا عمل جاری رہا، جبکہ طیارے میں 24 وی آئی پی سیٹیں لگادیں گئیں۔

    وزیراعظم کی وطن واپسی کیلئے قومی ایئرلائن کے دو طیاروں کا انتخاب کیا گیا ہے ایک بوئنگ طیارے اسٹینڈ بائی پر رہے گا جبکہ دوسرا خصوصی طیارہ کراچی سے آج رات برطانیہ کے اسٹینسٹڈ ایئرپورٹ روانہ ہوگا، جس کے باعث پی آئی اے فیول کی مد میں لاکھوں ڈالر کے اخراجات برداشت کرے گا۔

    قومی ایئرلائن کے دو بوئنگ طیاروں کے ریزرو کرنے کی وجہ سے نیویارک ، ٹورنٹو ، پیرس جانے والی پروازوں کا شیڈول بری طرح متاثر ہوگا،جس کے باعث امریکہ کینیڈا اور پیرس کے مسافروں کی تقریبا 24 گھنٹے بعد واپسی ہوگی۔ ،

    ذرائع کا کہنا ہے وزیر اعظم اپنی شاہی سواری میں نو جولائی کواہلخانہ کے ہمراہ لندن کے وقت کے مطابق صبح آٹھ بجے لاہور کے لیے روانہ ہونگے۔

    وزیر اعظم کی شاہی سواری کو تیار کرنے کے لئے قومی ایئرلائن کو کروڑوں ڈالر کا نقصان برداشت کرنا پڑے گا تاہم پی آئی اے پہلے ہی بڑے خسارے سے دوچار ہے۔

    واضح رہے کہ وزیراعظم نواز شریف بائیس مئی کو علاج کے لیے لندن گئےتھے جہاں ہارلے اسٹریٹ اسپتال میں 31 مئی کوان کے دل کی سرجری ہوئی۔

  • پی آئی اے میں مزید غیرملکی افسران کی تعیناتی کاامکان

    پی آئی اے میں مزید غیرملکی افسران کی تعیناتی کاامکان

    کراچی: پی آئی اے میں غیرملکیوں کیلئے نوکری کے مواقعے، چیف فنانشل افسراورڈائریکٹر کسٹمرکئیرسمیت دیگرپوسٹوں کیلئے بیرون ملک سے افسران درآمد کئے جانے کاامکان ہے۔

    قومی ایئرلائن کے جرمن سی او او ہلڈن برینڈ پی آئی اے میں ہم وطنوں کی تعیناتی کے خواہاں ہیں، ذرائع کے مطابق پی آئی اے میں سی او او کے بعد دیگراہم پوسٹوں پربھی غیرملکی بھرتی کئے جانے امکان ہے۔

    ذرائع کے مطابق غیرملکیوں کو ڈائریکٹرزکی چار اہم پوسٹوں پر بھرتی کیاجائے گا، جن میں چیف فنانشل افسر،ڈائریکٹر کسٹمرکئیر، ایگزیکٹو ڈائریکٹر مارکیٹنگ اور ایگزیکٹو ڈائریکٹر ایچ آر شامل ہیں۔

    پی آئی اے ہیڈ آفس میں کرسٹینا نامی خاتون کو ڈائریکٹر کسٹمر کیئر لگائے جانے کی بازگشت ہے، ذرائع نے بتایا کہ کرسٹینا کا تعلق بھی جرمنی سے ہے۔

  • سعودی ایوی ایشن نے قومی ایئرلائن پر دس ہزار ریال کاجرمانہ عائد کردیا

    سعودی ایوی ایشن نے قومی ایئرلائن پر دس ہزار ریال کاجرمانہ عائد کردیا

    اسلام آباد: قومی ایئرلائن کی سعودی عرب جانیوالی پروازوں کا شیڈول شد یدبدنظمی کا شکارجدہ سے لاہور جانیوالی پرواز اٹھارہ گھنٹے تاخیر کا شکار ہونے پر سعودی ایوی ایشن نے قومی ایئرلائن پر دس ہزار ریال کاجرمانہ عائد کردیا۔

    سعودی ایوی ایشن نے پی آئی اے کو ہدایت کی گئی ہے کہ اس کی ادائیگی چوبیس گھنٹے کے اندر کی جائے بصورت دیگر پی آئی اے کی پروازوں پر پابندی بھی عائد ہوسکتی ہے ذرائع کے مطابق جدہ سے لاہور جانیوالی پی آئی اے کی پرواز پی کے760طیارہ نہ ہونے کی وجہ سے اٹھارہ گھنٹے سے زائد تاخیر کا شکار ہوئی۔

    ایئرپورٹ پر مسافروں کی پریشانی کو دیکھتے ہوئے سعودی عرب نے جرمانہ عائد کیا ہے جبکہ اسلام آباد سے جدہ جانیوالی پروازپی کے741بھی سترہ گھنٹے سے زائد تاخیر کا شکار ہے بوئنگ 777طیارے میں خرابی کی وجہ سے پروازاسلام آباد سے روانہ نہیں ہوسکی تھی مسافروں کو کئی گھنٹے سخت سردی میں ایئرپورٹ پر رہنے کے بعد مسافروں کے احتجاج پر ہوٹل منتقل کیا گیا۔

    پی آئی اے کے انجینئرنگ کی جانب سے طیارے کے مرمتی کام نہ ہونے کی وجہ سے پرواز روانہ نہ ہوسکی۔

  • پی آئی اے کا فلائٹ آپریشن مسلسل بدنظمی کا شکار

    پی آئی اے کا فلائٹ آپریشن مسلسل بدنظمی کا شکار

    کراچی :پی آئی اے کا فلائٹ آپریشن مسلسل بدنظمی کا شکار ہے، اندورن اور بیرون ملک جانیوالی پروازوں کی روانگی میں دو تا آٹھ گھنٹے سے زائد تاخیر معمول بن گئی ہے۔

    چند دہائی قبل تک دنیا بھر میں پاکستان کیلئے باعث فخر ایئرلائن پی آئی اے اب شرمندگی کا سبب بن گئی ہے، پروازوں میں تاخیر، منسوخی، تیکنیکی خرابی اور دیگر وجوہات روز کا معمول ہیں، جدہ سے کراچی آنیوالی پرواز سیون زیرو ٹو سکس بھی سات گھنٹے تاخیر کے بعد منسوخ کردی گئی ہے۔

    کراچی سے دہلی جانے والی پرواز پی کے ٹو سیون ٹو نے تین گھنٹے تاخیر کے بعد اڑان بھری، کراچی سے لاہور جانے والی پرواز پی کے تھری زیرو ٹو، دو گھنٹے سے زائد تاخیر کا شکار ہوگئی ہے۔

    کراچی سے دہلی جانے والی پرواز پی کے ٹو سیون ٹو، تین گھنٹے سے زائد، لاہور سے کراچی آنیوالی پرواز دس گھنٹے سے زائد تاخیر کا شکار ہوگئی جبکہ کراچی سے ملتان جانیوالی پرواز پی کے تھری تھری زیرو اور ملتان سے کراچی آنیوالی پرواز پی کے تھری تھری ون، کراچی سے رحیم یارخان جانیوالی پرواز پی کے تھری فور ایٹ اور رحیم یارخان سے کراچی آنیوالی پرواز منسوخ کر دی گئی ہے۔

  • خراب موسم اور شدید دھند ، قومی ایئرلائن کا شیڈول بدستور متاثر

    خراب موسم اور شدید دھند ، قومی ایئرلائن کا شیڈول بدستور متاثر

    کراچی :ملک بھر میں خراب موسم اور شدید دھند کے باعث پی آئی اے کی پروازیں بھی متاثر ہوئیں ہیں، کئی پروازوں کے اوقات میں تبدیلی کر دئیے گئے ہیں۔

    قومی ایئرلائن کا شیڈول موسم اور انتظامیہ کی نااہلی کے باعث بدستور متاثر ہے ، جدہ سے لاہور جانیوالی فلائٹ موسم کی خرابی کے باعث کراچی ایئرپورٹ پر اتارلی گئی۔

    کراچی ایئرپورٹ پر سافروں کو دو گھنٹے تک جہاز میں روکے رکھا گیا، جدہ سے پشاور جانیوالی پرواز دو گھنٹے تاخیر کے بعد چار بجے روانہ ہوگی جبکہ ملک سے بھر جانے والی پروازیں دو سے تین گھنٹے تاخیر کا شکار ہیں۔

    دھند اور انتظامیہ کی غفلت کے باعث فلائٹ شیڈول متاثر ہونے سے مسافروں کو شدید مشکلات کا سامنا ہے۔

  • قومی ایئرلائن، ناقص حکمت عملی کے باعث ادارے کا خزانہ خالی

    قومی ایئرلائن، ناقص حکمت عملی کے باعث ادارے کا خزانہ خالی

    کراچی : قومی ایئرلائن انتظامیہ کی ناقص حکمت عملی کے باعث ادارے کا خزانہ خالی ہوگیا ہے، ملازمین کو تنخواہیں دینے کیلئے بھی پیسے نہیں، پرووڈنٹ فنڈ بھی استعمال کرلیا گیا ہے۔

    ذرائع کے مطابق پی آئی اے کا مالی بحران شدت اختیار کرگیا ہے، ادارے کے پاس بینکوں کو قرضے کی مد میں سود ادا کرنے کیلئے بھی پیسے نہیں، پی آئی اے ہر ماہ بینکوں کو چار ارب روپے سے زائد سود ادا کرتا ہے، ناقص حکمت عملی کے باعث پی آئی اے کا ریونیو گراف نیچے گرنا شروع ہوگیا ہے۔

    ماہ نومبر میں پی آئی اے کی تاریخ کا سب سے کم روینیو 4.8ارب روپے رہا، چیئرمین پی آئی اے کی ناقص حکمت عملی اور طیاروں کے اضافے کے باوجود روینیو حاصل کرنے میں کمی قومی ایئرلائن کا 2013ء تک ہر ماہ 13ارب روپے روینیو حاصل کرتی تھی۔ قومی ایئرلائن کا خزانہ خالی ہونے کے باوجود ملازمین کا پرووڈنٹ فنڈ بھی استعمال کرلیا گیا ہے، اگر یہی صورتحال رہی 2015ء میں ملازمین کو تنخواہیں دینے کے لئے بھی پیسے نہیں ہیں۔

    دوسری جانب پی آئی اے نے فیول کمپنی کے بھی واجبات ادا نہیں کئے،پی ایس اونے واجبات کی عدم ادائیگی پر پی آئی اے کو فیول کی فراہمی مکمل طور پر بند کردی ہے پی ایس او ترجمان کے مطابق پی آئی اے نے 11دسمبر کو دو ارب روپے دینے کا وعدہ کیا تھا تاہم واجبات ادا نہیں کئے گئے، پی آئی اے کو مکمل طور پر فیول کی فراہمی بند کردی گئی ہے، دوسری جانب ابو ظہبی اور سعودی عرب کی فیول کمپنیوں نے بھی پی آئی اے سے واجبات طلب کرلئے۔

    ذرائع کے مطابق پی آئی اے نے چھ ملین ڈالر سے زائد واجبات ادا نہیں کئے ہیں، فیول بند کرنے کی دھمکی دیدی، دبئی اور سعودی عرب جانیوالی پروازوں کا شیڈول بھی متاثر ہونے کا خدشہ ہے۔

  • قومی ایئرلائن کی بدنظمی انتہا کو پہنچ گئی

    قومی ایئرلائن کی بدنظمی انتہا کو پہنچ گئی

    لاہور: ایئرپورٹ پر قومی ایئرلائن کی پرواز منسوخ ہونے پر مسافروں نے شدید احتجاج کیا اور گو نواز گو کے نعرے لگائے۔

    لاہور ایئرپورٹ پر پی آئی اے کی بار سلونا جانے والی پرواز سیون نائن فائیو کو منسوخ کرکے مسافروں کو طیارے سے آف لوڈ کر دیا گیا، جس پر مسافروں نے ایئرپورٹ پر احتجاج کیا اور گو نواز گو اور پی آئی اے کیخلاف نعرے لگائے۔

    دوسری جانب اسلام آباد ایئر پورٹ پر پی آئی اے کے طیارے کے ہائیڈرولک سسٹم میں فنی خرابی کے باعث اسلام آباد ائیرپورٹ کو عارضی طور پر بند کردیا گیا تاہم طیارے کو رن وے سے ہٹانے کے بعد ائیرپورٹ کو دوبارہ کھول دیا گیا ہے۔

    کراچی ایئرپورٹ پر بھی لاہور جانے والی پرواز بدنظمی کا شکار ہوگئی، پی آئی اے نے جہازکے مسافروں کی اورلوڈنگ کردی، جہاز کے پائلٹ نے اوور لوڈنگ پر پرواز لے جانے سے انکار کردیا۔

    اداکارہ روبینہ اشرف بھی طیارے میں سوار تھیں، روبینہ اشرف نے اے آر وائی نیوز سے خصوصی گفتگو کرتے ہوئے کہا کہ مسافروں کو جہازسے اتار دیا گیا اور کچھ دیر میں روانگی کا کہا ہے، پی آئی کی بدنظمی کی وجہ سے مسافروں کی پریشانی کا سامنا کرنا پڑ رہا ہے۔

  • حج آپریشن، ناقص حمکت عملی کے سبب بری طرح ناکام

    حج آپریشن، ناقص حمکت عملی کے سبب بری طرح ناکام

    کراچی :قومی ایئرلائن کا حج آپریشن ناقص حمکت عملی کے سبب بری طرح ناکام ہوگیا، اب تک آنے والی پندرہ پروازوں میں سے کوئی بھی وقت پر نہیں پہنچی۔

    قومی ایئرلائن کاعملہ اپنے نعرے پر مکمل عمل پیرا ہے لیکن کچھ اس طرح کے عوام کو اذیت کے سوا کچھ نہ دے، پی آئی اے کا پوسٹ حج آپریشن حسب سابق بری طرح ناکام ہوگیا۔

    پالپا نے حساس وقت کو موقع غنیمت جانتے ہوئے اپنے مطالبات پیش کردیئے، مطالبات کی منظوری تک کپتانوں نےاحتجاج کا اعلان کردیا، بیشتر پائلٹ بیماری کا بہانہ کرکے چھٹی پرجاچکے ہیں۔

    دوسری جانب اب تک حجازِ مقدس سے پانچ ہزار چار عازمین خوش قسمتی سے وطن واپس پہنچ گئے لیکن کوئی بھی پرواز مقررہ وقت پر مسافروں کو منزل مقصود پر پہنچانے میں کامیاب نہ ہوسکی۔

  • پی آئی اے کیلئے انتہائی مہنگے کرائے پر طیارے حاصل

    پی آئی اے کیلئے انتہائی مہنگے کرائے پر طیارے حاصل

    کراچی : موجودہ حکومت کا ایک اور کارنامہ  سامنے آگیا، خسارے میں ڈوبے ہوئے ادارے پی آئی اے کیلئے انتہائی مہنگے داموں پر طیارے کرائے پر حاصل کرلئے گئے ہیں۔

    وزیرِاعظم کے معاون خصوصی شجاعت عظیم کی ہدایت پر قومی ایئرلائن نے ایئر بس اے تھری ٹوئنٹی طیارے انتہائی مہنگے داموں کرائے پر  حاصل کرلئے ہیں، ان طیاروں کا کرایہ ستائیس سو ڈالر فی گھنٹہ ہے۔

    ایویشن ذرائع کے مطابق نجی ایئرلائن نے یہی طیارے اسی کمپنی سے سولہ سو ڈالر فی گھنٹہ کے کرائے پر طیارے حاصل کئے ہیں، قومی ایئرلائن اربوں روپے زائد کرائے کی مد میں ادا کررہی ہے۔

    اس ضمن میں بورڈ آف ڈائریکٹر کے اجلاس میں ممبران نے شدید تحفظا ت کا اظہار کرتے ہوئے اس معاملے پر تحقیقات کرانے کا مطالبہ کیا ہے، ان طیاروں سے بارہ گھنٹے فلائنگ کے بجائے صرف چھ گھنٹے فلائنگ کرائی جارہی ہے جب کہ کرایہ بارہ گھنٹے کا ادا کیا جارہا ہے۔