لاہور: ندا ڈار کو قومی خواتین کرکٹ ٹیم کا کپتان مقرر کر دیا گیا۔
تفصیلات کے مطابق پاکستان کرکٹ بورڈ نے خواتین کی قومی کرکٹ ٹیم کی ذمہ داری ندا ڈار پر ڈال دی، مارک کولز خواتین کرکٹ ٹیم کے ہیڈ کوچ ہوں گے۔
پی سی بی کے مطابق سابق ٹیسٹ کرکٹر سلیم جعفر خواتین ٹیم کی سلیکشن کمیٹی کے چیئرمین مقرر کر دیے گئے، یہ تقرریاں منیجمنٹ کمیٹی کے چیئرمین نجم سیٹھی کی منظوری کے بعد کی گئیں ہیں۔
Nida named captain, Coles reappointed coach, Saleem to head selection panel in Pakistan women's cricket shake-up
Read more ➡️ https://t.co/GLN0NPpUet pic.twitter.com/K8Jj6ElGFA
— PCB Media (@TheRealPCBMedia) April 6, 2023
ندا ڈار 2021 میں پی سی بی وومن کرکٹر آف دی ایئر کا اعزاز جیت چکی ہیں، کپتانی کی ذمہ داری سونپے جانے کے بعد ندا ڈار نے اس پر تبصرہ کرتے ہوئے کہا ’’کپتان بننا میرے لیے اعزاز کی بات ہے، کپتانی سونپنے پر پی سی بی کی شکر گزار ہوں۔‘‘
Thank you @TheRealPCB and everyone who always believes in us and always part of women’s cricket success 🤲 https://t.co/27SggYr9h1
— Nida Dar (@CoolNidadar) April 6, 2023
ہیڈ کوچ مارک کولز نے کہا کہ ٹیم میں باصلاحیت کھلاڑی موجود ہیں، امید ہے کھلاڑی عالمی سطح پر اچھا کھیل پیش کریں گی۔