اسلام آباد : وزیراعظم عمران خان کی زیرصدارت قومی رابطہ کمیٹی کااجلاس میں پنجاب حکومت نے 14روز کے لئے مکمل لاک ڈاؤن لگانے کی تجویز دے دی۔
تفصیلات کے مطابق وزیراعظم عمران خان کی زیرصدارت قومی رابطہ کمیٹی برائےکوویڈکااجلاس ہوا ، جس میں وفاقی وزرا اور اعلی صوبائی حکام نے شرکت کی جبکہ وزرائےاعلی ویڈیو لنک کے ذریعے اجلاس میں شریک ہوئے۔
اجلاس میں کورونا پابندیاں مزید سخت کرنے کے حوالے سے مشاورت کی گئی جبکہ صوبےوفاقی حکومت کی پابندیوں میں سختی کی تجاویزپر رائے دی۔
اجلاس میں لاہورمیں کورونا کی بڑھتی شرح سے متعلق پنجاب حکومت کی اہم تجاویز دیتے ہوئے کہا لاہور میں 14 روز کے لئے مکمل لاک ڈاؤن لگایا جائے۔
پنجاب حکومت کا کہنا ہے کہ مکمل لاک ڈاؤن نہ کرنے کی صورت میں لاک ڈاؤن سخت کرنےکی تجویز دیتے ہوئے کہا ہے کہ مارکیٹ کا وقت شام 6بجے تک برقرار رکھا جائے گا۔
وزیراعلیٰ سندھ مراد علی شاہ نے این سی سی اجلاس میں تبادلہ خیال کرتے ہوئے کہا ہم نے آج کوویڈ19 سے متعلق صوبائی ٹاسک فورس کا اجلاس کیا ، ہم اب اجلاس ہفتے میں دو بار کریں گے، 31مارچ کو این سی سی اجلاس کےوقت سندھ میں صورتحال بہتر تھی ، اب سندھ میں صورتحال خراب ہو رہی ہے۔
مراد علی شاہ کا کہنا تھا کہ میری بین الصوبائی ٹرانسپورٹ بندکرنےکی تجویزپراتفاق نہ ہوسکا، ہمیں سخت فیصلے کرنے ہوں گے ، سندھ ٹاسک فورس کی سفارش ہے کہ انٹرسٹی ،انٹرپراونس ٹرانسپورٹ بندکی جائے۔
وزیراعلیٰ سندھ نے مزید کہا کہ ہیلتھ ورکرز کیلئے ویکسین لازمی ہے، پولیس اورضلعی انتظامیہ کی بھی ویکسی نیشن کی جائے۔
