Tag: قومی سلامتی کی پارلیمانی کمیٹی

اسلام آباد: اسپیکر قومی اسمبلی اسد قیصر کی زیر صدارت قومی سلامتی کی پارلیمانی کمیٹی کا اجلاس آج ہوگا، اجلاس میں عسکری حکام پارلیمانی قیادت کو اہم قومی امور پر بریفنگ دیں گے۔

تفصیلات کے مطابق قومی سلامتی کی پارلیمانی کمیٹی کا اجلاس آج قومی اسمبلی ہال میں ہوگا، اسپیکراسد قیصراجلاس کی صدارت کریں گے، اجلاس میں شرکا کو عسکری حکام کی جانب سے قومی سلامتی امورپر بریفنگ دی جائے گی۔

اس موقع پر پارلیمنٹ کے اطراف سیکیورٹی کے سخت انتظامات کئے گئے ہیں، غیر متعلقہ افراد اور میڈیا کے داخلے پر پابندی عائد ہے جبکہ پارلیمنٹ کے اسٹاف کا داخلہ بھی محدود کیا گیا ہے۔

اجلاس میں قائد حزب اختلاف شہباز شریف، شاہ محمود قریشی ، بلاول بھٹو، طارق بشیر چیمہ مدعو، اختر مینگل، خالد مقبول صدیقی،شیخ رشید، پرویز خٹک، اعجاز شاہ، علی امین گنڈاپور، شفقت محمود، اسد عمر، شبلی فراز بھی شرکت کریں گے۔

قومی سلامتی کی پارلیمانی کمیٹی کے اجلاس میں چاروں صوبائی وزراء اعلی، صدر اور وزیر اعظم آزاد کشمیر،وزیر اعلیٰ گلگت بلتستان کو بھی خصوصی شرکت کی دعوت دی گئی ہے۔

قومی اسمبلی سیکرٹریٹ نے قومی سلامتی کا اجلاس بلانے کیلئے نوٹس جاری کردیا ہے۔

اسلام آباد : قومی سلامتی کی پارلیمانی کمیٹی کا بند کمرہ اجلاس آج ہوگا، جس میں افغانستان،بھارت اورمقبوضہ کشمیرسےمتعلق امور سے آگاہ کیا جائے گا۔

تفصیلات کے مطابق قومی سلامتی کی پارلیمانی کمیٹی کاان کیمرہ اجلاس آج سہہ پہر تین بجے ہوگا، آرمی چیف جنرل قمر جاوید باجوہ اور ڈی جی آئی ایس آئی پارلیمانی کمیٹی میں شرکت کریں گے جبکہ پارلیمانی جماعتوں کے نمائندے بھی شریک ہوں گے۔

اجلاس میں ڈی جی آئی ایس آئی لیفٹیننٹ جنرل فیض حمید شرکا کو بریفنگ دیں گے، اجلاس میں ملک کی داخلی صورتحال سمیت افغانستان،بھارت اورمقبوضہ کشمیرسےمتعلق امور پر بریفنگ دی جائے گی۔ جبکہ امریکا کی جانب سے فضائی اڈوں کے مطالبے اور خطے کے امور کا بھی تفصیلی جائزہ لیا جائے گا۔ م

یاد رہے گذشتہ روز وزیراعظم عمران خان نے قومی اسمبلی میں امریکا کے’’ڈومور‘‘پر ’’نو مور‘‘ کا دوٹوک جواب دیتے ہوئے کہا تھا کہ امریکا کی جنگ کا حصہ بن کرستر ہزارجانیں قربان کردیں ، اڈے مانگنے والے امریکا نے کیا ہماری قربانیاں تسلیم کیں؟ الٹا ہمیں دوغلے پن کے طعنے دیے اور افغانستان میں اپنی ناکامی کاذمہ دار بھی ٹھہرایا۔

عمران خان کا کہنا تھا کہ ہم امن میں تو اتحادی ‏ہوسکتے ہیں کسی تنازع میں نہیں، اپنی خودمختاری اور سالمیت پر سمجھوتہ نہیں کرنا، امریکاکی جنگ میں کہتاتھاکہ ‏ہمارااس سے کیا تعلق ہے، میں کہتاتھاکہ القاعدہ افغانستان میں موجودہے پاکستان میں نہیں ہمارا کیا ‏کام ہے کسی اورکی جنگ میں شامل ہوں۔