Tag: قومی سلامتی

اسلام آباد : پیپلزپارٹی کے رہنما سینیٹر اعتزاز احسن کا کہناہے کہ پرویز رشید کو قربانی کا بکرا بنایا گیا،اصل میں خبردینے والوں کو بے نقاب ہوناچاہیے۔

تفصیلات کےمطابق سپریم کورٹ کےا نتخابات کے موقع پر میڈیا سے گفتگو کرتےہوئے کہناتھا کہ مسلم لیگ ن نے ہمیشہ کمزوروں کو قربانی کا بکرا بنایا ہے،پرویز رشید سے قبل مشاہداللہ کو قربانی کا بکرا بنایا گیاتھا۔

انہوں نے کہا کہ مسلم لیگ (ن) میں قومی سلامتی کی باتیں کچھ زیادہ ہوتی ہیں جبکہ ہم نے کبھی قومی سلامتی کے نام پر کسی کوگرفتار نہیں کیا۔

اعتزاز احسن کا کہناتھا کہ خبر دینے والاضرور خبر روکنے والے سے طاقتور وزیر تھا اور اگر پرویز رشید خبر رکواتے تو ان سے یہ کہا جاتا کہ آپ نے خبر کیوں رکوائی ہے۔

پیپلزپارٹی کے رہنماکا کہناتھا کہ حکومت کی جانب سے اقتدار بچانے کےلیے ظلم کیا جا رہا ہے اور خیبرپختونخواہ کا راستہ روک کر گھناؤنی سازش کی گئی ہے۔

اعتزازاحسن کا کہناتھاکہ ہمارے خلاف میمو گیٹ اسکینڈل کھڑا کیا گیا اور پھر ایک خط نہ لکھنے پر ہمارے وزیراعظم کو ڈی سیٹ کر دیا گیا لیکن ان کا نام تو پانامہ لیکس میں آیا ہے اور پانامہ لیکس میں نام آنے والوں کو حکمرانی کا کوئی حق نہیں ہے۔

واضح رہے کہ پیپلزپارٹی کے رہنما اعتزازاحسن کا کہناتھا کہ نواز شریف نے جس سال زیرو انکم ٹیکس دیا اس سال اربوں کی جائیداد خریدی گئی۔

لندن: پیپلزپارٹی کے شریک چیرمین آصف زرداری کا کہنا ہے کہ پیپلز پارٹی قومی سلامتی پر کوئی سمجھوتہ نہیں کر سکتی۔سابق صدر آصف زرداری نےسیکیورٹی لیکس کے ذمے داروں کےخلاف کارروائی کامطالبہ کردیا۔

تفصیلات کےمطابق لندن میں رحمان ملک نے آصف زرداری سے ملاقات کی جس میں سیکورٹی لیکس کے معاملے کے بعد ملک میں پیدا ہونے والی سیاسی صورت حال پر تفصیلی مشاورت کی گئی۔

رحمان ملک نے ملاقات میں موجود صورتحال پر سابق صدر آصف علی زرداری کو بریفنگ دی۔دونوں رہنماؤں نے بگڑتے حالات پر تشویش کا اظہار کیا۔اس کے علاوہ کوئٹہ میں پولیس ٹریننگ سینٹر پر ہونے والے حملے اور کراچی میں فائرنگ کی بھی شدید الفاظ میں مذمت کی گئی۔

اس موقع پر سابق صدر آصف زرداری کا کہنا تھا کہ پیپلز پارٹی قومی سلامتی پر کوئی سمجھوتہ نہیں کر سکتی،انہوں نے پورے ملک میں دہشت گردوں کے خلاف بلا امتیازکارروائی کا بھی مطالبہ کیا۔

مزید پڑھیں: پیپلز پارٹی کا وزیر داخلہ سے مستعفی ہونے کا مطالبہ

واضح رہے کہ گزشتہ روز پاکستان پیپلز پارٹی کے رہنمائوں اعتزاز احسن، خورشید شاہ، فرحت اللہ بابر، شیری رحمن، خورشید شاہ، قمر زماں کائرہ اور دیگر نے بلاول بھٹو کے زیر صدارت اجلاس کے بعد پریس کانفرنس کرتےہوئےوزیر داخلہ چوہدری نثار سے مستعفی ہونے کا مطالبہ کیاتھا۔

راولپنڈی:آرمی چیف جنرل راحیل شریف سے وزیراعلیٰ پنجاب شہباز شریف،وزیرداخلہ چوہدری نثار اور وزیرخزانہ اسحاق ڈار نے ملاقات کی جس میں ملک کی صورت حال پر تبادلہ خیال کیا گیا۔

آئی ایس پی آر کے مطابق پاک فوج کے سربراہ جنرل راحیل شریف سے وزیراعلیٰ پنجاب شہباز شریف نے آرمی ہاؤس میں ملاقات کی جس میں وفاقی وزیرداخلہ چوہدری نثار علی خان اور وفاقی وزیرخزانہ اسحاق ڈار بھی شریک تھے۔

حکومتی وفد نے آرمی چیف کو قومی سلامتی کے خلاف خبر پربریف کیا،حکومتی وفد کی جانب سے پاک فوج کے سربراہ جنرل راحیل شریف سے ملاقات شام چار سےساڑھے پانچ کے درمیان ہوئی۔

آئی ایس پی آر کےمطابق آرمی چیف جنرل راحیل شریف سے حکومتی وفد کی ملاقات میں ڈی جی آئی ایس آئی لیفٹیننٹ جنرل رضوان اختر بھی شریک تھے

یاد رہےکہ سیکورٹی سے متعلق متنازع خبر انگریزی اخبار میں چھپی تھی جس پر حکومت نے صحافی سرل المیڈا کا نام ای سی ایل میں ڈال کر نکال دیاتھا۔

مزید پڑھیں:کور کمانڈر کانفرنس، متنازع خبر قومی سلامتی کے منافی قرار

واضح رہے کہ 14اکتوبرکوآرمی چیف کی زیر صدارت کورکمانڈر اجلاس میں قومی سلامتی کے خلاف من گھڑت خبر شائع کرنے پر تشویش کا اظہار کیا گیاتھا۔