Tag: قومی مفاد

  • ’گزشتہ حکومت نے پیٹرول کی قیمت نہ بڑھا کر سیاسی مفاد کیلئے قومی مفاد کو قربان کیا‘

    ’گزشتہ حکومت نے پیٹرول کی قیمت نہ بڑھا کر سیاسی مفاد کیلئے قومی مفاد کو قربان کیا‘

    استحکام پاکستان پارٹی کی ترجمان فردوس عاشق اعوان نے کہا ہے کہ گزشتہ حکومت نے پیٹرول کی قیمت نہ بڑھا کر سیاسی مفاد کیلئے قومی مفاد کو قربان کیا۔

    تفصیلات کے مطابق ترجمان استحکام پاکستان پارٹی فردوس عاشق اعوان نے پروگرام باخبرسویرا میں گفتگو کرتے ہوئے کہا کہ پیٹرولیم مصنوعات کی قیمتوں میں اضافےکا ملبہ نگراں حکومت پر نہیں ڈالنا چاہیے، گارڈ آف آنر لے کر جانیوالوں نے کہا ہم نے ملک کو ڈیفالٹ سے بچایا۔

    فردوس عاشق کا کہنا تھا کہ شہباز حکومت فیصلے کر کے گئی ہے، معیشت کو وینٹی لیٹر پر رکھا اور ابھی تک معیشت آپریشن تھیٹر سے باہر نہیں آئی، مصنوعی سانسوں پر ہے۔

    ترجمان استحکام پاکستان پارٹی نے کہا کہ ذاتی مفاد کے لئے قومی مفاد کو قربان کیا گیا، سارا ملبہ نگراں حکومت پر ڈال دیا، الیکشن کا عمل آئینی و قانونی تقاضا ہے، ہرحال میں ہونے ہیں۔

    فردوس عاشق اعوان کا کہنا تھا کہ قومی ایشوز پیچھے رہ گئے ہیں، ہر کوئی اپنی مفاد کی جنگ لڑ رہا ہے، ملک میں مڈل کلاس کا نام و نشان مٹتا جارہا ہے، اشرافیہ کو پٹرول کی قیمت سے کوئی فرق نہیں پڑتا، عوام کےلیے پٹرول کی قیمت ایک امتحان ہے۔

  • اسرائیل سے زمین واپس لینا اردن کے قومی مفاد میں ہے، شاہ عبداللہ

    اسرائیل سے زمین واپس لینا اردن کے قومی مفاد میں ہے، شاہ عبداللہ

    عمان : اردن کے بادشاہ شاہ عبداللہ دوّم نے عوامی مطالبے کو منظور کرتے ہوئے 25 برس قبل امن معاہدے کے تحت اسرائیل کو دی گئے علاقوں کی لیز میں اضافے سے انکار کا کردیا ہے۔

    تفصیلات کے مطابق اردن کے بادشاہ شاہ عبداللہ دوّم نے 25 برس قبل غاصب صیہونی ریاست اسرائیل کو لیز پر دی گئی اردن کی زمین واپس لینے کا اعلان کردیا۔

    غیر ملکی خبر رساں ادارے کا کہنا تھا کہ اردن کی حکومت نے سماجی رابطے کی ویب سائٹ ٹوئٹر پر شاہ عبداللہ دوّم کے اعلان کے متعلق بتایا کہ شاہ عبداللہ نے اسرائیل کو لیز پر دئیے گئے علاقے الباقورہ اور غمرہ کو امن معاہدوں سے نکالنے کا فیصلہ کیا ہے۔

    شاہ عبداللہ دوّم کا کہنا ہے کہ الباقورہ اور غمرہ ہماری ترجیحات کا اوّلین حصّہ ہے اور ان زمینوں کا اسرائیل سے واپس لینا ہماری عوام کے قومی مفاد میں ہے۔

    خیال رہے کہ صیہونی ریاست اسرائیل کی حکومت نے 25 برس قبل امن معاہدے کے نام پر اسرائیل اور اردن کے سرحدی علاقوں الباقورہ اور غمرہ کو لیز پر لیا تھا جو 25 اکتوبر کو اختتام ہوجائے گی۔

    شاہ عبداللہ کے بیان پر اسرائیل کے انتہا پسند وزیر اعظم نیتن یاہو نے کہا ہے کہ اردن سے لیز پر حاصل کے گئے علاقوں کی لیز میں توسیع کے لیے مذاکرات کیے جائیں گے۔

    غاصب صیہونی ریاست کے وزیر اعظم نیتن یاہو کا کہنا تھا کہ خطے میں امن و استحکام کےلیے مصر اور اردن کے ساتھ ہونے والا معاہدہ بہت اہمیت کا حامل ہے۔

    واضح رہے کہ اردن کے ارکان 87 پارلیمنٹ نے اسرائیل کو دی گئے علاقے واپس لینے کےلیے پٹیشن دائر کررکھی ہے، بادشاہ شاہ عبداللہ نے اراکین پارلیمنٹ کے دباؤ میں آکر لیز پر دی گئی زمینیں واپس لینے کا فیصلہ کیا ہے۔

    غیر ملکی خبر رساں ادارے کا کہنا تھا کہ اردن میں شہری اسرائیل کے ساتھ طے ہونے والے امن معاہدے کے خلاف گزشتہ کئی روز سے سراپا احتجاج ہیں اور شاہ عبداللہ سے مطالبہ معاہدے میں توسیع کرنے سے منع کررہے ہیں

    یاد رہے کہ اردن اور اسرائیل کے درمیان طے ہونے والا امن معاہدہ سنہ 1994 نومبر میں شاہ عبداللہ کے والد شاہ حسین اور اسرائیلی وزیر اعظم اسحاق رایبن کے درمیان طے ہوا تھا جس کے تحت الباقورہ اور غمرہ کی زمین 25 سال کے لیے اسرائیل کو لیز پر دی گئی تھیں۔

  • ملک کے قومی مفاد پر کوئی سمجھوتہ نہیں کیا جائے گا، وزیرِ اعظم عمران خان

    ملک کے قومی مفاد پر کوئی سمجھوتہ نہیں کیا جائے گا، وزیرِ اعظم عمران خان

    اسلام آباد: وزیرِ اعظم عمران خان نے کہا ہے کہ پاکستان کے قومی مفاد پر کوئی سمجھوتہ نہیں کیا جائے گا، خارجہ پالیسی میں پاکستان کے مفاد کو ترجیح دی جائے گی۔

    ان خیالات کا اظہار انھوں نے وزارتِ خارجہ کے دورے کے موقع پر دفترِ خارجہ میں منعقد ہونے والے اہم اجلاس سے خطاب کرتے ہوئے کیا، یہ اجلاس وزیرِ اعظم کی زیرِ صدارت ہوا۔

    وزیرِ اعظم کو اجلاس کے دوران وزارتِ خارجہ کے معاملات کے سلسلے میں تفصیلی بریفنگ دی گئی، عمران خان نے دفترِ خارجہ کو بیرون ملک سفارت خانوں کی کارکردگی بہتر بنانے کی ہدایت کی۔

    عمران خان نے کہا ’خارجہ پالیسی میں پاکستان کے مفاد کو ترجیح دی جائے گی، پاکستان کے قومی مفاد پر کوئی سمجھوتہ نہیں کیا جائے گا، بیرونِ ملک پاکستان کا مثبت تاثر اجاگر کیا جائے۔‘

    اس موقع پر وزیرِ اعظم کی جانب سے وزارتِ خارجہ کے حکام کو پالیسی گائیڈ لائن بھی دی گئی، وزیرِ اعظم کی ہدایات سے متعلق وزیرِ خارجہ شاہ محمود قریشی آج شام کو میڈیا بریفنگ دیں گے۔


    یہ بھی پڑھیں:  وزیر اعظم نے آج قومی اسمبلی کے اسپیکر سے بھی ملاقات کی


    قبل ازیں، آج جب وزیرِ اعظم عمران خان تمام محکمہ جات کے دوروں کے سلسلے میں دفترِ خارجہ پہنچے تو شاہ محمود قریشی اور سیکریٹری خارجہ تہمینہ جنجوعہ نے ان کا استقبال کیا۔

    ایک گھنٹے سے زائد جاری رہنے والے اس اہم اجلاس میں وزیرِ اعظم کو دیگر ممالک سے تعلقات، بالخصوص پاک بھارت تعلقات اور مقبوضہ کشمیر کی صورتِ حال کے حوالے سے بریف کیا گیا، ذرائع کے مطابق وزیرِ اعظم کو افغانستان، ایران، امریکا اور چین سے تعلقات پر اعتماد میں لیا گیا۔