Tag: قومی کرکٹ ٹیم

کراچی: پاکستان کے مایہ ناز بیٹسمین  یونس خان کا کہنا ہے کہ  ورلڈ کپ 2014 میں اگر ہم ایک اکائی اور یکجحتی سے ساتھ کھیلے تو ورلڈ کپ جیت سکتے ہیں۔

ورلڈ ٹی 20 چیمپئن کا ٹائٹل پاکستان کے نام کروانے والے پاکستان کرکٹ ٹیم کے سینئر کھلاڑی یونس خان نے اس عزم کا اظہار کیا کہ میگا ایونٹ میں یکجحتی کا مظاہرہ کیا گیا تو ورلڈ کپ جیتنے سے کوئی نہیں روک سکتا ہے ۔

یونس خان نےپاکستانی قوم اور اپنے چاہنے والوں سے اپیل کی کہ پاکستان ٹیم کی کامیابی کے لئے دعا کریں ، انہوں نے اس بات پر زور دیا کہ ہمیں ایک اکائی کے ساتھ کھیلنا ہوگا۔

یونس خان سابق کپتان کا کہنا تھا کہ پاکستان ورلڈ کپ جیتنے کی پوری صلاحیت رکھتا ہے، ٹیم میں ٹیلنٹ کی کمی نہیں، پاکستانی ٹیم کہیں بھی کچھ بھی کرسکتی ہے۔

واضح رہے کہ حال ہی میں ابوظہبی ٹیسٹ میں آسڑیلیا کے خلاف یونس خان نے شاندار کارکردگی کا مظاہرہ کرتے ہوئے تضربے کار بیٹسمین ہونے کا ثبوت دیا تھا۔

لاڑکانہ: پاکستان کے سابق کپتان اور مایہ ناز بیٹسمین یونس خان نے کہا ھے کہ ورلد کپ میں بھارت سے میچ ضرور جیتیں گے۔

لاڑکانہ پریس کلب میں میڈیا سے بات کر رتے ہوئے یونس خان کا کہنا تھا کہ بانوے ہو یا چھیانوے،نناوے ہو یادو ہزار تین یا دو ہزار گیارہ پاکستان کبھی بھی ورلڈ کپ میں بھارت کو نہیں ہرا سکا ہے،ان کا کہنا تھا کہ اس بار پندرہ فروری کو پاکستان ورلڈ کپ کے پہلے میچ میں بھارت کو ہرائے گا۔

یونس خان نے قومی ٹیم میں اختلافات کے حوالے سے کہا کہ اختلافات ہر جگہ ہوتے ہیں، پر انکی اہمیت نہیں، یونس خان نے کہا کہ جب تک فٹ ہیں پاکستان کے لئے کھیلتے رہیں گے، لاڑکانہ پریس کلب کے صدر ایس بابو اقبال نے حالیہ شاندار کارکردگی پرشاباش اور ورلڈ کپ میں اچھی کارکردگی کی دعا کے ساتھ یونس خان کو کلب کی تاحیات ممبر شپ بھی دی۔

کراچی: قومی ٹیم کے تجربہ کار بیٹسمین یونس خان کا کہنا ہے کہ سانحہ پشاور پر بہت دکھ ہوا، کوشش کریں گے ورلڈ کپ میں قوم کو جیت کا تحفہ دیں تو بہت خوشی ہوگی۔

کراچی میں میڈیا سے گفتگو کرتے ہوئے یونس خان کا کہنا تھا کہ سانحہ پشاور نے پوری ٹیم کو افسردہ کردیا، پوری قوم لواحقین کے غم میں برابر کی شریک ہے۔

 یونس خان سابق کپتان کا کہنا تھا کہ پاکستان ورلڈ کپ جیتنے کی پوری صلاحیت رکھتا ہے، ٹیم میں ٹیلنٹ کی کمی نہیں، پاکستانی ٹیم کہیں بھی کچھ بھی کرسکتی ہے، ایک سوال پر یونس خان کا کہنا تھا کہ ورلڈ کپ کے بعدانہیں کیا کرنا ہے اس کے لئے وہ پلان بناچکے ہیں۔

دبئی: قومی کرکٹ ٹیم کے بلے باز یونس خان نے تمام ٹیسٹ کھیلنے والے ملکوں کیخلاف سنچریاں بنانے والے پہلے پاکستانی کھلاڑی کا اعزاز حاصل کرلیا اور ساتھ ہی آسٹریلیا کیخلاف سنچری بنا کر انضام الحق کا 25 ٹیسٹ سنچریوں کا ریکارڈ بھی برابر کر دیا ہے۔

  اس اعزاز پر بیحد خوشی ہے اور فخر ہے کہ میں پہلا پاکستانی ہوں جس نے تمام ملکوں کے خلاف سنچریاں بنائیں، 36 سالہ یونس خان نے سات رنز دو کھلاڑی آؤٹ کی نازک صورتحال پر پہلے ٹیسٹ میچ کے پہلے روز کھیل کو سنبھالا اور اختتام تک اسے 219 رنز4 کھلاڑی آؤٹ تک پہنچا دیا۔

دبئی اسٹیڈیم میں آسٹریلیا کے خلاف یونس خان کی یہ پہلی سنچری تھی، جس کے بعد وہ دنیا کے 12ویں بیٹسمین بن گئے ہیں، جنہوں نے تمام ٹیسٹ ملکوں کیخلاف سنچریاں بنائیں، یہ ان کی 25ویں سنچری تھی، جس سے وہ انضمام الحق کے برابر پہنچ گئے ہیں۔

اس سے قبل جنوبی افریقہ کے گیری کرسٹن اور جیک کیلس، سری لنکا کے مارون اتاپتو، مہیلا جے وردھنے اور کمار سنگاکارا، آسٹریلیا کے سٹیووا، رکی پونٹنگ اور ایڈم گلکرسٹ، بھارت کے سچن ٹنڈولکر اور راہول ڈریورڈ جبکہ ویسٹ انڈیز کے برائن لارا یہ اعزاز حاصل کر چکے ہیں۔

یونس خان نے کہا کہ جب میں نے سری لنکا میں 177رنز بنائے اور محمد یوسف کا 24 سنچریوں کا ریکارڈ برابر کر دیا تو میرے ذہن میں آیا کہ میں نے آسٹریلیا کے خلاف کوئی سنچری نہیں بنائی اور مجھے انضمام الحق کا ریکارڈ برابر کرنا چاہئے، یہ میرے لئے بڑے فخر کی بات ہوگی۔

انہوں نے کہا کہ تین ایک روزہ میچوں کی سیریز مکمل طور پر ہارنے کے بعد یہ میچ آسان نہیں تھا، میں ہمیشہ ملک کیلئے کھیلا ہوں اور جب بھی ٹیم کو میری ضرورت ہوتی ہے میں مثبت کرکٹ کھیلتا ہوں، میرے ذہن میں صرف یہی ہوتا ہے کہ اگر میں اچھی کارکردگی کا مظاہرہ کروں گا تو ایک بافخر پاکستانی بنوں گا۔

انہوں نے کہا کہ آسٹریلیا کے خلاف ہمیں کم از کم 400رنز بنانے ہوں گے لیکن یہ کام آسان نہیں، آسٹریلیا بہت مشکل ٹیم ہے۔

دوسری جانب آسٹریلیا کے فاسٹ باؤلر مچل جانسن نے بھی یونس خان کو مبارکباد دیتے ہوئے کہا ہے کہ ہم نے شروع میں دو وکٹیں حاصل کر لی تھیں لیکن یونس خان نے بہت اچھی بیٹنگ کی اور صبر وتحمل سے کھیلے اور اپنا مطلوبہ ہدف حاصل کرلیا ہے۔