Tag: قومی کرکٹ ٹیم

فاسٹ بولر محمد عامر بھی قومی کرکٹ ٹیم کے نوجوان کھلاڑیوں کے حق میں سامنے آگئے۔

نیوزی لینڈ نے پاکستان کو5 ٹی ٹوئنٹی میچوں کی سیریز کے چوتھے میچ میں بھی بری طرح شکست دے کر سیریز میں چار صفر کی برتری حاصل کرلی۔

bhai jaan khud 4 saal maze kiye hain bachon k 4 matches k failure se khuch hurt ni hwa jab different cheezen try ki jati hain un ko time dena parta hai bara simple hai 🤗.#PakistanCricket

— Mohammad Amir (@iamamirofficial) January 20, 2024

سابق کپتان بابر اعظم کی کپتانی سے دستبرداری کے بعد قومی ٹیم شاہین شاہ آفریدی کی قیادت میں ابھی تک ایک میچ بھی جیتنے میں کامیاب نہیں ہو سکی ہے ۔

تاہم محمد عامر شاہین آفریدی اور دیگر نئے نوجوان پلئیرز کا نام لیے بغیر ان کی حمایت کی ہے، محمد عامر نے سوشل میڈیا پر پیغام جاری کیا ہے۔

انہوں نے لکھا کہ ’ بھائی جان 4 سال مزے کیے ہیں، بچوں کے 4 میچ میں ناکامی سے کسی کو کوئی تکلیف نہیں ہوا‘۔

فاسٹ بولر محمد عامر نے کہا ‘ آسان سی بات یہ ہے کہ ،جب مختلف چیزیں ٹرائی کی جاتی ہیں تو انہیں ٹائم دینا پڑتا ہے‘۔

واضح رہے کہ نیوزی لینڈ سے چوتھے ٹی 20 میں شکست کے بعد میڈیا سے گفتگو کرتے ہوئے وکٹ کیپر بیٹر محمد رضوان نے ناکامیوں کی ایک وجہ ٹاپ آرڈر میں تبدیلی قرار دے دی۔

انہوں نے کہا تھا کہ بابر اعظم اور میری اوپننگ اچھی جارہی تھی، بابر اعظم نے بڑے دل کا مظاہرہ کرکے اپنی جگہ چھوڑ دی ہے۔

قومی کرکٹ ٹیم اور پرائم منسٹر الیون کی ٹیمیں اتوار سے پرتھ میں ڈیرے ڈالیں گی، دونوں ٹیمیں 14 دسمبر سے شروع ہونے والے ویسٹ ٹیسٹ میں شرکت کریں گی۔

تفصیلات کے مطابق تین میچز پر مشتمل سیریز کا پہلا ٹیسٹ پرتھ اسٹیڈیم میں کھیلا جائے گا، پیٹ کمنز کی قیادت میں آسٹریلیا کرکٹ ٹیم کل پرتھ پہنچے گی۔

سیریز کے لیے پرائم منسٹر الیون کی ٹیم اتوار سے تربیتی سیشن کا آغاز کرے گی، ہیڈ کوچ اینڈریو میکڈونلڈ سیشن کے بعد میڈیا کانفرنس میں شرکت کریں گے۔

دوسری جانب پاکستانی اسکواڈ اتوار کو کینبرا سے پرتھ روانہ ہوگا، قومی ٹیم  پیر سے ٹریننگ کا آغاز کرے گی، پاکستانی اسکواڈ کا ایک رکن پریکٹس سیشن کے بعد میڈیا سے بات چیت کے لیے دستیاب ہوگا۔

ویسٹ ٹیسٹ کی خاص بات یہاں ٹیسٹ سیریز لانچ کا انعقاد ہے، جو پیر کو منعقد ہوگا، بارہ دسمبر کو اسٹیو اسمتھ پریکٹس سیشن سے قبل پرتھ اسٹیڈیم میں میڈیا سے گفتگو کریں گے۔

پاکستانی ٹیم دوپہر کو یہاں اپنی ٹریننگ کا آغاز کرے گی، تیرہ دسمبر کو دونوں کپتان بینو قادر ٹرافی کے فوٹو شوٹ میں شرکت کریں گے، ٹرافی شوٹ کے بعد دونوں کپتان پریس کانفرنس میں شرکت کریں گے۔

آسٹریلیا میں پاکستانی ہائی کمشنر زاہد حفیظ چوہدری نے قومی کرکٹ ٹیم کے اعزاز میں عشائیہ دیا۔

آسٹریلیا میں پاکستانی ہائی کمشنر زاہد حفیظ چوہدری نے پاکستان ہاؤس کینبرا میں تقریب منعقد کی جہاں انہوں نے قومی کھلاڑیوں کو خوش آمدید کہا۔

ہائی کمشنر زاہد حفیظ چوہدری نے اس موقع پر نیک خواہشات کا اظہار کرتے ہوئے کہا کہ ٹیم آسٹریلیا میں اچھی کارکردگی کا مظاہرہ کرے گی اور کھیلوں کے سفیر کے طور پر یہ بہترین مثال قائم کرے گی۔

قومی ٹیسٹ ٹیم کے کپتان شان مسعود نے ٹیم کو مدعو کرنے پر پاکستانی ہائی کمشنر کا شکریہ ادا کیا۔

یاد رہے کہ آسٹریلوی وزیر اعظم اینتھونی البانیز  پانچ دسمبر کو شاہینوں کے اعزاز میں تقریب سجائیں گے۔

واضح رہے کہ پاکستان اور آسٹریلیا کے درمیان ٹیسٹ سیریز کا آغاز 14 دسمبر کو ہوگا، قومی ٹیم کی قیادت شان مسعود کریں گے جنہیں پہلی مرتبہ کپتانی کی ذمے داریاں سونپی گئی ہیں۔

قومی کرکٹ ٹیم کے سابق کپتان سرفراز احمد نے وزیر اعلیٰ سندھ کے معاون خصوصی برائے کھیل ارباب لطف اللہ سے ان کے کیمپ آفس میں ملاقات کی۔

 اس موقع پر ارباب لطف اللہ نے کہا قومی ٹیم کو دیکھ کر لگتا ہے سندھ میں کرکٹ کا کوئی وجود نہیں، ملک کی سب کرکٹ نرسری ہونے کے باوجود ٹی ٹوئنٹی اور ونڈے ٹیم میں سندھ کی نمائندگی نہیں ہے۔

انہوں نے کہا کہ پاکستان کرکٹ بورڈ کے چیئرمین نجم سیٹھی کو لکھے گئے خط میں پوچھا ہے کہ بتایا جائے سندھ کا قصور کیا ہے، کھلاڑیوں کو منتخب کرنے کا پیمانہ کیا ہے۔ چیئرمین سے سوال کیا ہے کہ کیا سندھ کا کوئی کھلاڑی ونڈے اور ٹی ٹوئنٹی ٹیم میں ملک کی نمائندگی کی اہلیت نہیں رکھتا؟

ارباب لطف اللہ نے کہا سابق کپتان سرفراز احمد قومی ہیرو ہیں چیمپئن ٹرافی جیتنا اور ٹی ٹوئینٹی میں قومی ٹیم کو نمبر ون بنانا سرفراز احمد کا ناقابل فراموش کارنامہ ہے، اس موقع پر انہوں نے متعلقہ افسران کو سرفراز احمد اکیڈمی کو جدید سہولت فراہم کرنے کے ساتھ فلٹ لائٹ کی تنصیب کے لئے ہدایت جاری کیں۔

انہوں نے سیکریٹری اسپورٹس حافظ عبدالہادی بلو کو متعلقہ ڈپٹی کمشنر اور آئی جی سندھ کے ساتھ مل کر سرفراز اکیڈمی کو مکمل تحفظ فراہم کرنے کی ہدایت کی۔

سابق کپتان سرفراز احمد نے اکیڈمی کے لئے اقدامات کرنے پر ارباب لطف اللہ کا شکریہ ادا کیا ان کا کہنا تھا کہ صوبے بھر میں کرکٹ سمیت دیگر کھیلوں کے انفراسٹرکچر کی سہولت فراہم کرنے میں سندھ حکومت کا کردار نمایاں ہے۔

سابق کپتان سرفراز نے کہا کہ جناح کالج کے جس میدان میں ہم کرکٹ کھیلا کرتے تھے اب محکمہ کھیل اور ارباب لطف اللہ صاحب کی خصوصی توجہ کے باعث جدید سہولت سے آراستہ ہوگیا ہے جس سے کالج کے طلباء کو معیاری کرکٹ کھیلنے کا موقع ملے گا۔

 سرفراز احمد نے مزید کہا کہ سندھ پریمئر لیگ اور صوبے بھر میں اکیڈمیز کے قیام کا منصوبہ بہت زبردست ہے، ایس پی ایل اور اکیڈمیز سے قومی سطح پر نیا ٹیلنٹ سامنے آئے گا۔

ملاقات کے دوران صوبے میں کرکٹ کے فروغ، اکیڈمیز کے قیام اور سندھ پریمئر لیگ کے انعقاد پر تبادلہ خیال کیا گیا۔

کراچی: قومی کرکٹ ٹیم کے وکٹ کیپر و بیٹسمین محمد رضوان  نے کہا کہ پانچویں نمبر کی پوزیشن پر کھیلنے  میں خوش نہیں ہوں۔

کراچی میں نیوز کانفرس کرتے ہوئے قومی کرکٹ ٹیم کے وکٹ کیپر و بیٹسمین محمد رضوان نے کہا کہ ہر میچ ہمارے لیے اہم ہے، اگر کوئی غلطی ہوتی ہیں تو بھلا کر آگے بڑھتے ہیں، ہمارا فوکس صرف سیریز جیتنے پر ہے۔

محمدرضوان کا کہنا تھا کہ ہم سب پروفیشنل ہیں اس لیے ہر پوزیشن پر کھیلنے کیلئے تیار رہنا چاہئے، ہر پوزیشن پر کھلاڑی کی ڈیمانڈ ہوتی ہے۔

انہوں نے کہا کہ پانچویں نمبر کی پوزیشن پر کھیلنے میں خوش نہیں ہوں، میں چوتھے نمبر پر کھیلنا چاہتا ہوں لیکن اس سے کوئی فرق نہیں پڑتا کیونکہ ہماری ٹیم چاہتی ہے کہ میں پانچویں نمبر پر بیٹنگ کروں، ضروری نہیں کہ جو میں چاہتا کپتان اور کوچ بھی وہ ہی چاہیں ۔

وکٹ کیپر کا مزید کہنا تھا کہ کراچی کی وکٹ مختلف بنی ہوئی ہیں، ہمارا مقصد صرف جیت ہے، سب جانتے ہیں ون ڈے میں زیادہ رنز بن رہے ہیں، کنڈیشنز کو سمجھنا ہمارے لیے اہمیت رکھتا ہے۔

قومی کرکٹ ٹیم کے کھلاڑی کا کہنا تھا کہ تنقید کرنے والوں پر خوشی ہوتی ہے، میں کسی سے کوئی گلہ  شکوہ نہیں کرتا۔