Tag: قومی کرکٹ ٹیم

کراچی : قومی کرکٹ ٹیم کے نامور کھلاڑی شعیب ملک نے اپنے لیے سب سے بڑے خطاب کے بارے میں بتا دیا۔

تفصیلات کے مطابق سماجی رابطے کی ویب سائٹ ٹویٹر پر قومی کرکٹ ٹیم کے سابق کپتان شعیب ملک نے اپنے پیغام میں کہا کہ انہیں سالوں کے دوران کئی خطابات ملے لیکن ‘بابا’ کا خطاب سب سے پسندیدہ ہے۔

انہوں نے اپنے پیغام میں لکھا کہ اس خطاب کے لیے اس چھوٹے بچے اذہان کا شکریہ۔ شعیب ملک نے اپنے پیغام کے ساتھ ویڈیو بھی شیئر کی جس میں انہیں اپنے بیٹے اذہان کے ساتھ کھیلتے ہوئے دیکھا جا سکتا ہے۔

– "Of all the titles, I’ve been blessed with over the years, ‘Baba’ has always been my favorite and its all thanks to this little guy! Love you, Izhaan!…” ~ Shoaib Malik pic.twitter.com/XV11aG5buZ

— Shoaib Malik 🇵🇰 (@realshoaibmalik) September 9, 2020

یاد رہے کہ پاکستانی کرکٹر شعیب ملک اور بھارتی ٹینس اسٹار ثانیہ مرزا کے ہاں 30 اکتوبر 2018 کو بیٹے کی پیدائش ہوئی تھی۔

شعیب ملک اور ثانیہ مرزا نے اپریل 2010 میں شادی کی تھی،شادی کے بعد دونوں نے مشترکہ طور پر دبئی میں رہنے کا فیصلہ کیا تھا، تاہم دونوں نے کئی دن بھارت اور پاکستان میں بھی ایک ساتھ گزارے ہیں۔

لاہور: چیف سلیکٹر قومی کرکٹ ٹیم مصباح الحق نے کہا ہے کہ کرکٹ بحالی کے لیے انگلینڈ کا دورہ ضروری تھا، دورہ انگلینڈ میں بہت سی مثبت چیزیں سامنے آئیں، بہت سی بہتر چیزیں کر سکتے تھے اور کر سکتے ہیں، سیریز میں نتائج توقع کے مطابق نہیں تھے جس کا افسوس رہے گا۔

ان خیالات کا اظہار آج ہیڈ کوچ اینڈ چیف سلیکٹر قومی کرکٹ ٹیم مصباح الحق نے لاہور میں پریس کانفرنس کے دوران کیا، انھوں نے کہا انگلینڈ میں ہم درست راہ پر تھے، کو وِڈ 19 کے بعد دورہ انگلینڈ اہم تھا، ہمیں ٹیم کو طویل عرصے کے لیے مستحکم کرنے کی کوشش کرنی ہے، ہمیں ابھی مطلوبہ نتائج نہیں مل رہے لیکن طریقہ کار سے مطمئن ہوں۔

انھوں نے کہا اس دورے کی وجہ سے توجہ ڈومیسٹک کرکٹ پر نہیں رہی تھی، اب توجہ دوں گا، ٹیم نیچے کی طرف آ رہی تھی، سب کو اندازہ ہے کہ ایسا کیوں ہوا، ہم کوشش کر رہے ہیں کہ نئے لڑکوں کو درست سمت میں لے کر جائیں۔

مصباح الحق کا کہنا تھا ایک میچ کی بنیاد پر کسی کھلاڑی کے مستقبل کا فیصلہ نہیں ہوتا، سرفراز نے اچھی کیپنگ کی، سائیڈ میچز میں بھی پرفارم کیا، کیپنگ میں نمبر وَن انتخاب رضوان اور دوسرا سرفراز ہے، ہماری کوشش رہتی ہے کہ بابر اعظم کو پورا اختیار دیں، جتنی جلدی ہم اپنے فیصلوں سے سیکھتے ہیں کسی اور چیز سے نہیں سیکھتے۔

پاکستان نے انگلینڈ‌ کو شکست دے دی، سیریز 1-1 سے برابر

چیف سلیکٹر نے کہا ٹیم کی ضرورت کے مطابق تبدیلی کر رہے ہیں، کسی ایک شخص کی بات نہیں، جو ٹیم کمبی نیشن میں فٹ ہوگا وہی کھلاڑی ٹیم کا حصہ ہوگا، غلطیاں تجربے کار کپتان بھی کرتے ہیں، بابر ابھی سیکھ رہا ہے، محمد حفیظ اور شعیب ملک اچھی بیٹنگ کر رہے ہیں، 11 ویں نمبر کے کھلاڑی کو بھی بیٹنگ پریکٹس کرنی ہے، نسیم شاہ اور دیگر نوجوان بولرز ٹیم کا مستقبل ہیں، لیکن نسیم شاہ سے جیمز اینڈرسن جیسی بولنگ کی توقع نہیں رکھ سکتے۔

مصباح نے کہا ہماری کوشش ہے کہ ورلڈ کپ پلان کے مطابق ہر ایک کو حصہ دیں، وہاب، حفیظ اور شعیب ملک پلان کا حصہ ہیں۔

ہیڈ کوچ نے مزید کہا کہ کوئی بھی کھیل کھیلتے ہیں تو جیتنے کے لیے کھیلتے ہیں، ناتجربہ کار بولنگ کو پختہ ہونے کے لیے وقت دینا ہوگا، نوجوان کھلاڑیوں کو تسلسل کے ساتھ مواقع دیں گے، جب چیزیں حق میں نہ جا رہی ہوں تو افسوس ہونا فطری ہے، کبھی ساری چیزیں حق میں ہوتی تو موسم خلاف ہو جاتا ہے۔

لندن: برطانوی اخبار ٹائمز نے پاکستان کرکٹ ٹیم کو ہیروز آف دی ویک قرار دے دیا۔

تفصیلات کے مطابق برطانوی اخبار ٹائمز نے قومی کرکٹ ٹیم کی تعریف کرتے ہوئے کہا کہ مشکل حالات میں برطانیہ کا دورہ کرکے پاکستان ٹیم نے کرکٹ کی مدد کی۔

برطانوی اخبار نے پاکستانی کرکٹ ٹیم کو ہیروز آف دی ویک قرار دیتے ہوئے کہا کہ انگلینڈ کرکٹ ہی نہیں دنیائے کرکٹ پاکستان ٹیم کی شکر گزار ہے۔

اخبار کے مطابق فیملیز کے بغیر صرف گراؤنڈ اور ہوٹل میں رہنا مشکل تھا لیکن انہوں نے کوئی شکایت نہ کی۔ پاکستانی ٹیم نے مشکل حالات میں سنسنی خیز کرکٹ کھیلی۔ پاکستان کے دورے سے انگلینڈ بورڈ بڑے مالی نقصان سے بچ گیا۔

انگلینڈ کرکٹ بورڈ پاکستان کا مشکور

اس سے قبل کرونا کے مشکل حالات میں انگلینڈ کا دورہ کرنے پر انگلش کرکٹ بورڈ نے پاکستان کا شکریہ ادا کیا تھا۔

یاد رہے کہ پاکستان نے حیدر علی اور محمد ‌حفظی کی عمدہ بیٹنگ کی بدولت انگلینڈ کو تیسرے ٹی 20 میچ میں 5 رنز سے شکست دے کر سیریز 1-1 سے برابر کی تھی۔

قومی کرکٹ ٹیم کو میزبان ٹیم انگلینڈ کے خلاف تین میچوں پر مشتمل ٹیسٹ سیریز میں 0-1 سے ناکامی کا سامنا کرنا پڑا تھا۔

لاہور: قومی کرکٹ ٹیم کے سینٹرل کنٹریکٹ کھلاڑیوں کے یویو ٹیسٹ مکمل ہوگئے، فٹنس ٹیسٹ دو گروپس میں لیے جارہے ہیں۔

تفصیلات کے مطابق قومی کرکٹ ٹیم کے سینٹرل کنٹریکٹ کھلاڑیوں کے یویو ٹیسٹ مکمل ہوگئے ہیں، نان سینٹرل کنٹریکٹ کھلاڑیوں کے فٹنس ٹیسٹ جاری ہیں۔

ذرائع کے مطابق سینٹرل کنٹریکٹ کھلاڑیوں کے گروپ میں وکٹ کیپر محمد رضوان نے ٹاپ کیا ہے، انہوں نے یویو ٹیسٹ میں 19.2 پوائنٹس حاصل کیے ہیں۔

ٹیسٹ کرکٹر اسد شفیق اور شان مسعود نے بھی یویو ٹیسٹ پاس کرلیا ہے، دونوں کھلاڑیوں نے 19.1 پوائنٹس حاصل کیے ہیں۔

ترجمان پاکستان کرکٹ بورڈ کے مطابق قومی کرکٹ ٹیم کے کھلاڑیوں کے فٹنس ٹیسٹ کل تک جاری رہیں گے۔

مزید پڑھیں: پری سیزن کیمپ، پی سی بی نے 20 کھلاڑیوں کو این سی اے طلب کرلیا

واضح رہے کہ پری سیزن کیمپ اور فٹنس ٹیسٹ کے لیے پاکستان کرکٹ بورڈ نے 20 کھلاڑیوں کو این سی اے طلب کیا تھا۔

قومی کرکٹ ٹیم کے سابق کپتان مصباح الحق کیمپ کمانڈنٹ ہیں، اظہر علی انگلش کاؤنٹی سمر سیٹ سے معاہدہ مکمل کرنے کے بعد کیمپ جوائن کریں گے۔

پی سی بی کے مطابق بابراعظم، فخر زمان، عماد وسیم، محمد عباس، محمد عامر کو کاؤنٹی کرکٹ کھیلنے کے باعث کیمپ میں شرکت سے چھوٹ دی گئی ہے۔

یاد رہے کہ فاسٹ بولر حسن علی کو پی سی بی نے شادی کی وجہ سے ایک ہفتے کی چھٹی دے دی ہے، حسن علی اور شاداب خان کا ٹیسٹ بعد میں لیا جائے گا۔

لاہور: قومی کرکٹ ٹیم کے سابق کپتان مصباح الحق کو پی سی بی کی جانب سے دہری ذمہ داری دئیے جانے کا امکان ہے۔

تفصیلات کے مطابق پاکستان کرکٹ بورڈ قومی کرکٹ ٹیم کے سابق کپتان مصباح الحق کو نیوزی لینڈ کے سسٹم کی طرح ہیڈ کوچ اور چیف سلیکٹر بنانا چاہتا ہے۔

ذرائع کے مطابق مصباح الحق نے قومی انڈر نائنٹین ٹیم کے ہیڈ کوچ بننے کی پیشکش پر معذرت کی تھی۔

تجزیہ کاروں کا کہنا ہے کہ مصباح الحق کو کوچنگ اور سلیکشن کا تجربہ نہیں ہے ایسے میں ان کو دو اہم ذمہ داریاں دینا ایک بڑا فیصلہ ہوگا۔

ذرائع کا کہنا ہے کہ ہیڈ کوچ کی ذمہ داری کے لیے معین خان اور وقار یونس کے ساتھ کئی سابق کھلاڑی بھی درخواست دے سکتے ہیں۔

مزید پڑھیں: پری سیزن کیمپ، پی سی بی نے 20 کھلاڑیوں کو این سی اے طلب کرلیا

واضح رہے کہ پی سی بی کی جانب سے مصباح الحق کے کوچنگ کیریئر کی بنیاد رکھ دی گئی ہے، سابق کپتان قومی کرکٹرز کے کنڈیشننگ کیمپ کی نگرانی کریں گے۔

یاد رہے کہ پی سی بی نے پری سیزن کیمپ کے لیے 20 کھلاڑیوں کو این سی اے طلب کیا ہے، سینٹرل کنٹریکٹ میں شامل 14 کرکٹرز سمیت 20 کھلاڑی طلب کیے گئے ہیں۔

پی سی بی کے مطابق کھلاڑی 19 اگست کو این سی اے میں رپورٹ کریں گے، فٹنس ٹیسٹ کے بعد کھلاڑی 7 ستمبر تک کنڈیشننگ کیمپ میں شرکت کریں گے۔