Tag: قومی کرکٹ ٹیم

لاہور: پاکستان کرکٹ ٹیم کے ہیڈ کوچ مکی آرتھر نے کہا ہے کہ محمد عامر کے ریٹائرمنٹ کے فیصلے سے انہیں کوئی حیرانگی نہیں ہوئی ہے۔

تفصیلات کے مطابق قومی کرکٹ ٹیم کے ہیڈ کوچ مکی آرتھر نے میڈیا سے گفتگو کرتے ہوئے کہا کہ محمد عامر ریٹائرمنٹ کے بارے میں ایک سال سے سوچ رہے تھے، ان کی ریٹائرمنٹ کے فیصلے سے کوئی حیرانگی نہیں ہوئی ہے۔

انہوں ںے کہا کہ ٹیسٹ میچز میں عامر کو فٹنس مسائل کا سامنا تھا، اس میں کوئی شک نہیں کہ عامر دورہ حاضر کے بہترین بولروں میں سے ایک ہیں اور ہمیشہ اپنا لوہا منوانے میں کامیاب رہے ہیں۔

مکی آرتھر نے کہا کہ خوشی ہوتی ہے اگر عامر ٹیسٹ میچز میں بھی اپنا کیریئر جاری رکھتے لیکن عامر کے فیصؒے کی عزت کرتا ہوں۔

مزید پڑھیں: مکی آرتھر کی کرکٹ بورڈ حکام سے ملاقاتیں، کارکردگی رپورٹ جمع کرادی

یاد رہے کہ گزشتہ روز ہیڈ کوچ مکی آرتھر نے ورلڈ کپ، انگلینڈ سیریز پر رپورٹ ڈائریکٹر انٹرنیشنل کو جمع کرائی تھی، ہیڈ کوچ کی رپورٹ کرکٹ کمیٹی اجلاس میں زیر بحث آئے گی۔

مکی آرتھر نے اپنی رپورٹ میں کہا تھا کہ بدقسمتی سے ورلڈ کپ کا آغاز اچھا نہیں کرسکے، پاکستان ٹیم نے آخری چار میچز میں اچھا کم بیک کیا۔

ہیڈ کوچ کا کہنا تھا کہ پاکستانی ٹیم فیلڈنگ مسائل کا شکار ہے جسے بہتر کرنے کی ضرورت ہے، نوجوان کھلاڑیوں کو مواقع دینے سے قومی ٹیم کو فائدہ ہوا۔

علاوہ ازیں ہیڈ کوچ مکی آرتھر نے کرکٹ ٹیم کے انڈر 19 کھلاڑیوں کے کیمپ کا دورہ کیا تھا اور کھلاڑیوں کی کارکردگی کا جائزہ لیا۔

لاہور: قومی ٹیم کے منیجر طلعت علی نے گرین شرٹس کے دورہ انگلینڈ اور ورلڈ کپ کی رپورٹ پی سی بی کو بھجوادی۔

تفصیلات کے مطابق قومی کرکٹ ٹیم کے منیجر طلعت علی نے دورہ انگلینڈ اور ورلڈ کپ 2019 کی علیحدہ علیحدہ رپورٹس بورڈ کو بھجوادیں جس میں کہا گیا ہے کہ ورلڈ کپ اور دورہ انگلینڈ کے درمیان ٹیم کا ڈسلپن مثالی رہا۔

ذرائع کے مطابق ٹیم منیجر طلعت نے اپنی رپورٹ میں کہا ہے کہ آن دی فیلڈ، آف دی فیلڈ کھلاڑیوں نے بہترین روئیے کا مظاہرہ کیا کسی قسم کا کوئی ناخوشگوار واقعہ پیش نہیں آیا۔

رپورٹ میں کہا گیا ہے کہ ٹیم میں کسی قسم کی کوئی گروپنگ یا اختلاف نہیں تھا، ورلڈ کپ میں مشکل وقت میں ٹیم نے بہترین کم بیک کیا، بدقسمتی سے سیمی فائنل میں پہنچنے میں ناکام رہے۔

مزید پڑھیں: قومی کرکٹ ٹیم کے کپتان سرفراز احمد کھلاڑیوں پر برس پڑے

واضح رہے کہ ورلڈ کپ میں بھارت کے ہاتھوں شکست پر کپتان سرفراز احمد کے حوالے سے خبریں موصول ہوئی تھیں جس میں سرفراز کا کہنا تھا کہ کوئی سمجھتا ہے میں گھر چلا جاؤں گا تو یہ اس کی بھول ہے، اکیلا نہیں جاؤں گا پھر اور لوگ بھی جائیں گے۔

یاد رہے کہ ورلڈ کپ بھارت سے شکست کے بعد قومی ٹیم نے کم بیک کرتے ہوئے چار مسلسل میچز میں کامیابی حاصل کی تھی اور جنوبی افریقہ، نیوزی لینڈ، افغانستان، بنگلہ دیش کو شکست کا سامنا کرنا پڑا تھا۔

پاکستان اور نیوزی لینڈ کے پوائنٹس 11، 11 تھے لیکن نیوزی لینڈ نے بہتر رین ریٹ کی وجہ سے ورلڈ کپ کے سیمی فائنل کے لیے کوالیفائی کرلیا تھا۔

لاہور: پاکستان میں ٹیسٹ کرکٹ کی واپسی رواں سال اکتوبر میں ہوگی، سری لنکا نے پاکستان میں ٹیسٹ میچ کھیلنے کی ہامی بھرلی۔

تفصیلات کے مطابق شائقین کرکٹ کے لیے خوشخبری ہے کہ 2009 کے بعد پاکستان میں ٹیسٹ کرکٹ کا میدان سجے گا، سری لنکن ٹیم اکتوبر میں لاہور میں ایک ٹیسٹ میچ کھیلے گی۔

پاکستان اور سری لنکا کے درمیان دوسرا ٹیسٹ میچ دبئی میں کھیلا جائے گا، دسمبر اور جنوری میں سری لنکا سے تین ون ڈے اور تین ٹی ٹوینٹی میچز کی سیریز شیڈول ہے۔

قومی ٹیم جنوری میں ہی بنگلہ دیش کے خلاف دو ٹیسٹ اور تین ٹوینٹی میچز بھی کھیلے گی۔

پاکستان اور سری لنکا کے درمیان یہ مقابلے آئی سی سی ورلڈ ٹیسٹ چیمپئن شپ کے درمیان ہوں‌ گے، ورلڈ ٹیسٹ چیمپئن شپ میں 9 ممالک کی ٹیمیں مدمقابل ہوں گی. حکام کی کوشش ہے کہ سری لنکا کے بعد بنگلا دیش بھی پاکستان کا دورے کرے.

خیال رہے کہ پاکستان میں انٹرنیشنل کرکٹ کی بحالی میں‌ پی ایس ایل نے کلیدی کردار ادا کیا، دنیا کو یہ پیغام دیا کہ پاکستان کرکٹ کے لیے ایک محفوظ ملک ہے.

یاد رہے پاکستان سپر لیگ کے آٹھ میچز کراچی میں‌ ہوئے تھے، جن میں‌ انٹرنیشنل کرکٹ کے بڑے ستاروں نے شرکت کی تھی۔

راولپنڈی: قومی ٹیم کے آل راؤنڈر عماد وسیم نے ٹیم میں گروپ بندی کی افواہوں کو مسترد کردیا، شاداب خان نے کہا کہ سیمی فائنل میں نہ پہنچنے کا دکھ ہے۔

تفصیلات کے مطابق راولپنڈی کرکٹ اسٹیڈیم میں آل راؤنڈر عماد وسیم اور شاداب خان نے مشترکہ پریس کانفرنس کی، عماد وسیم نے کہا کہ ورلڈ کپ میں پوری ٹیم ایک ہوکر پاکستان کے لیے کھیل رہی تھی، کپتانی کی دوڑ میں شامل نہیں ہوں۔

عماد وسیم نے کہا کہ ٹیم نے آخری چار میچز میں اچھا پرفارم کیا، ٹیم میں گروپ بندی ہوتی تو میں بھی نہ کھیلتا، ورلڈ کپ میں اسپنرز کی کارکردگی بری نہیں تھی۔

آل راؤنڈر عماد وسیم کا کہنا تھا کہ بھارت سے میچ کے بعد ٹیم نے اچھا کم بیک کیا، کرکٹ پر بات کرنی چاہئے ذاتیات پر حملہ نہیں کرنا چاہئے، بھارت سے میچ کو لوگ جنگ کی طرح لیتے ہیں۔

مزید پڑھیں: کپتانی چھوڑنے کا ارادہ نہیں، حتمی فیصلہ بورڈ کرے گا، سرفراز احمد

انہوں نے کہا کہ میرے سرفراز کے ساتھ اچھے تعلقات ہیں، بھارت سے میچ کے بعد سرفراز احمد نے میٹنگ بلائی سب نے اپنی رائے دی تھی، میٹنگ میں سرفراز نے کہا ہمیں کم بیک کرنا ہے۔

عماد وسیم نے کہا کہ افغانستان کے میچ میں پیش آنے والا واقعہ افسوسناک تھا، رن ریٹ کا زیادہ فرق نہ ہوتا تو سیمی فائنل میں ہوتے، 400 رنز کا فرق ختم کرنا مشکل تھا، نیوزی لینڈ کے خلاف میچ میں رن ریٹ بہتر کرنے کا موقع تھا۔

دوسری جانب لیگ اسپنر شاداب خان نے کہا کہ میگا ایونٹ میں ہماری کارکردگی اچھی رہی، سیمی فائنل میں نہ پہنچنے کا دکھ ہے، ہم نے دو سیمی فائنلسٹ ٹیموں کو ہرایا، آسٹریلیا ٹائٹل جیتنے کے لیے فیوریٹ ہے۔