Tag: قیام امن

نیویارک: اقوام متحدہ میں پاکستانی مندوب ملیحہ لودھی کا کہنا ہے کہ پاکستان نے ہمیشہ افغانستان میں امن کےحصول کی حمایت کی ہے۔

تفصیلات کے مطابق پاکستانی سفیر ملیحہ لودھی نے افغانستان پر مباحثے میں خطاب کرتے ہوئے سلامتی کونسل کو افغان مذاکراتی عمل میں پاکستانی کردارسے آگاہ کیا۔

ملیحہ لودھی نے کہا کہ پاکستان نے ہمیشہ افغانستان میں امن کے حصول کی حمایت کی ہے، عالمی برادری نے بھی پاکستان کے مثبت کردار کو سراہا ہے۔

پاکستانی سفیر نے کہا کہ قیام امن کی کوششوں کے لیے درپیش چیلنجزکو نظر انداز نہیں کیا جا سکتا، تمام شراکت داروں کو مذاکرات سے دیرپا امن قائم کرتے دیکھنا چاہتے ہیں۔

انہوں نے مزید کہا کہ افغانستان میں امن اور استحکام خطے کے وسیع ترمفاد میں ہے، افغانستان کے مسائل کا حل فوجی مہم جوئی میں نہیں ہے۔

دنیا مان گئی ہےکہ افغان مسئلےکاحل فوجی مہم جوئی میں نہیں، ملیحہ لودھی

یاد رہے کہ گزشتہ سال 7 ستمبرکو پاکستانی مندوب ملیحہ لودھی کا کہنا تھا کہ وزیراعظم عمران خان نے ہمیشہ افغان مسئلے کے سیاسی حل کی بات کی، دنیا مان گئی ہے کہ افغان مسئلے کا حل فوجی مہم جوئی میں نہیں ہے۔

ملیحہ لودھی کا کہنا تھا کہ افغانستان میں امن کا قیام پاکستان کے مفاد میں ہے، افغانستان میں بدامنی سے پاکستان کو بھی شدید نقصان پہنچا۔

نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ امن مشنزکی حفاظت کے لیے ٹریننگ، لاجسٹک نظام کوبہتربنایا جائے۔

تصیلات کے مطابق نیویارک میں امن مشنزکارکردگی اورشراکت داروں کے درمیان تعاون پر اجلاس پاکستان، چین، مراکش، انڈونیشیا اورمصرکی جانب سے بلایا گیا۔

پاکستان اقوام متحدہ میں امن مشن میں دستے بھیجنے والے ممالک کے گروپ کا کوچیئر ہے، پاکستان نے اقوام متحدہ کے امن مشنزکومحفوظ اورمؤثربنانے پرزوردیا۔

اقوام متحدہ میں پاکستانی سفیر ڈاکٹرملیحہ لودھی نے اجلاس سے خطاب کرتے ہوئے کہا کہ پاک فوج، پولیس نے امن مشنزمیں اہم خدمات سرانجام دیں، اقوام متحدہ پاکستان اوردیگرممالک کے تجربات سے فائدہ اٹھائے۔

ڈاکٹرملیحہ لودھی نے اجلاس کے دوران کہا کہ امن مشنزکی حفاظت کے لیے ٹریننگ، لاجسٹک نظام کو بہتربنایا جائے۔

امن مشنزکے بجٹ میں کمی سے قیام امن کی کوششوں پرمنفی اثرپڑے گا‘ ملیحہ لودھی

یاد رہے کہ گزشتہ ماہ 12 فروری کو پاکستانی سفیر ملیحہ لودھی کا کہنا تھا کہ پاکستان کی 15 فیصد خواتین مبصرین اور اسٹاف آفیسرز کے فرائض سرانجام دے رہی ہیں۔

ملیحہ لودھی کا کہنا تھا کہ امن مشن میں فوجی دستے بھیجنے والے ممالک کے تجربات سے فائدہ اٹھانا چاہتے ہیں، پاکستانی فوجی دستے یو این کے قیام امن کی کوششوں میں سب سے آگے ہیں۔