لاہور کی تاریخی سینٹرل جیل میں موجود قیدیوں کی کیا حالت ہے اور ان کی اصلاح اور سہولت کیلئے حکومتی سطح پر کیا اقدامات کیے گئے ہیں۔
اس حوالے سے اے آر وائی نیوز کے پروگرام سرعام کی ٹیم نے جیل کا دورہ کیا اور مختلف شعبہ جات کا معائنہ کرکے ناظرین کے سامنے حقائق پیش کرنے کی کوشش کی۔
پروگرام کے میزبان اقرار الحسن نے جیل کے نگراں افسر کے ہمراہ جیل کے باورچی خانے کا معائنہ کیا اس دوران وہاں کے انتظامات دیکھ کر تعریف کیے بغیر نہ رہ سکے جہاں کھانے پکانے کے دوران صفائی ستھرائی کا خاص خیال رکھا جاتا ہے، اس کی مثال یہ ہے کہ باورچی خانے میں ڈھونڈنے سے بھی ایک بھی لال بیگ نہیں ملا۔
اس حوالے سے پنجاب کے آئی جی جیل خانہ جات میاں فاروق نذیر نے بتایا کہ اس وقت جیلوں میں 65 ہزار قیدی موجود ہیں، ان کی اصلاح کیلئے انہیں مختلف ہنر سکھاتے ہیں تاکہ باہر جاکر وہ ایک بہتر شہری بن سکیں۔
