Tag: قیدی فرار

کراچی (13 اگست 2025): گزشتہ روز ڈسٹرکٹ ملیر جیل سے قیدی محمد جاوید کے فرار کے واقعے کا مقدمہ درج ہو گیا۔

تفصیلات کے مطابق ملیر جیل کے قیدی کے فرار ہونے کے واقعے کا مقدمہ شاہ لطیف ٹاؤن تھانے میں کورٹ پولیس کے اے ایس آئی طلعت انور کی مدعیت میں درج کر لیا گیا ہے۔

مقدمے میں گرفتار 2 پولیس کانسٹیبلز محمد خالد اور نور احمد کو ایف آئی آر میں نامزد کیا گیا ہے، مدعی مقدمہ کے مطابق قیدی محمد جاوید سٹی کورٹ پیشی کے وقت پولیس حراست سے اچانک غائب ہو گیا تھا۔

اے ایس آئی نے بتایا ’’میں سٹی کورٹ سے پرانے 14 قیدی اور 24 نئے قیدی جمع کرنے کے لیے ڈسٹرکٹ جیل ملیر کے گیٹ پر پہنچا تھا، میں پرانے 14 قیدیوں کو میں جیل کے اندر جمع کرانے چلا گیا، اور نئے 24 قیدیوں کو گیٹ کے باہر بٹھایا اور ان قیدیوں کو پر ڈیوٹی کے لیے پولیس کانسٹیبل محمد خالد اور نور احمد کو مامور کیا۔‘‘

خاتون بینک ملازم کو کریڈٹ کارڈ بنوانے کے لیے دھوکے سے بلا کر زیادتی

مدعی نے بتایا ’’جب میں قیدی جمع کروا کر واپس باہر آیا اور قیدیوں کی گنتی کی تو ایک قیدی کم تھا، وہاں 23 قیدی موجود تھے، معلومات کرنے پر ملزمان نے بتایا کہ ایک قیدی ہتھکڑی نکال کر بھاگ گیا ہے۔‘‘

اے ایس آئی کے مطابق فرار ہونے والے قیدی کو کافی تلاش کیا لیکن اس کا کچھ پتا نہیں چل سکا، تحقیق کرنے پر یہ پتا چلا کہ قیدی محمد جاوید کو کینٹ ریلوے پولیس نے چوری کے مقدمے میں گرفتار کیا تھا۔

خیال رہے کہ گزشتہ روز قیدی کے فرار ہونے پر کورٹ پولیس کے 2 اہلکاروں کو گرفتار کیا گیا تھا، جنھیں اب ایف آئی آر میں نامزد کیا گیا ہے۔

کراچی: ملیر جیل سے فرار ہونے والے قیدیوں کی دوبارہ گرفتاری کے لیے پولیس کی جانب سے مساجد سے اعلانات کیے جا رہے ہیں۔

تفصیلات کے مطابق گزشتہ رات ملیر جیل سے زلزلے کی وجہ سے بیرکس سے باہر بیٹھے ہوئے مجموعی طور پر 213 قیدی فرار ہو گئے تھے، جنھیں دوبارہ پکڑنے کے لیے پولیس مختلف ذرائع استعمال کر رہی ہے۔

پولیس کی جانب سے ملیر کے مختلف علاقوں میں فرار قیدیوں کی گرفتاری کے لیے مساجد سے اعلانات بھی کیے گئے، ایک ویڈیو سامنے آئی ہے جس میں ایک اہلکار ملیر کی ایک مسجد سے اعلان کر رہا ہے۔ اعلان میں عوام سے مشتبہ افراد کی موجودگی کی اطلاع تھانہ سکھن یا 15 پر دینے کی اپیل کی گئی۔

واضح رہے کہ ملیر جیل سے گزشتہ رات مجموعی طور پر 213 قیدی فرار ہوئے ہیں، جن میں سے 78 کو پکڑ لیا گیا ہے، تقریباً 138 کے قریب قیدی اب بھی مفرور ہیں، آئی جی سندھ غلام نبی میمن کے مطابق قیدی دیوار توڑ کر نہیں بلکہ جیل کے گیٹ سے فرار ہوئے تھے تاہم رات بھر یہ افواہ اڑی رہی کہ قیدی جیل کی دیوار توڑ کر فرار ہوئے، جو زلزلے کے باعث کم زور ہو گئی تھی۔

’’ایسے لوگ نفسیاتی مریض ہوتے ہیں‘‘ آئی جی سندھ کا ملیر جیل کے قیدیوں سے متعلق بیان

پولیس حکام کا کہنا ہے کہ مفرور قیدیوں کے خلاف الگ مقدمہ درج ہوگا، جس میں جیل توڑنے اور اہلکاروں پر حملے کی دفعات شامل کی جائیں گی، مفرور اور دوبارہ پکڑے جانے والے قیدیوں کا ٹرائل کیا جائے گا۔

سپرنٹنڈنٹ جیل ارشد شاہ کا کہنا تھا کہ سرکل نمبر 4 اور 5 سے 600 سے زائد قیدی بیرک سے باہر تھے، جیل سے دو سو سولہ قیدی فرار ہوئے، اور 80 قیدیوں کو دوبارہ پکڑ لیا گیا، جب کہ 135 سے زائد قیدیوں کی تلاش جاری ہے، اس ہنگامہ میں ایک قیدی ہلاک اور 3 زخمی ہوئے، واقعے میں 2 ایف سی، 2 پولیس اہلکار بھی زخمی ہوئے ہیں۔

کراچی: آئی جی سندھ غلام نبی میمن نے آج صبح سویرے ملیر جیل کا دورہ کیا، جہاں انھوں نے میڈیا سے گفتگو کرتے ہوئے کہا کہ جیل میں زیادہ تر منشیات کے قیدی ہوتے ہیں۔

تفصیلات کے مطابق آئی جی سندھ نے کہا کہ ’’ملیر جیل میں زیادہ تر منشیات کے قیدی ہوتے ہیں، ایسے لوگ نفسیاتی مریض ہوتے ہیں، ایسے قیدی جلدی پکڑے جاتے ہیں۔‘‘

غلام نبی میمن نے کہا سینئر لیول پر اس معاملے کی مکمل تحقیقات کی جائے گی، اور ایک تحقیقاتی کمیٹی بنائی جائے گی جس میں پولیس اور دیگر اداروں کے افسران شامل ہوں گے۔

ملیر جیل سے قیدیوں کا فرار کیسے ممکن ہوا؟ اندرونی کہانی

واضح رہے کہ گزشتہ رات ملیر جیل سے سیکڑوں قیدی فرار ہو گئے تھے، جیل سپرنٹںڈنٹ ارشد شاہ کے بیان کے مطابق جیل سے 216 قیدی فرار ہوئے، 80 قیدیوں کو پکڑ لیا گیا، اور 135 سے زائد قیدیوں کی تلاش جاری ہے، واقعے میں ایک قیدی ہلاک، 3 زخمی ہوئے، 2 ایف سی، 2 پولیس اہلکار زخمی ہوئے، زخمیوں کو جناح اسپتال منتقل کیا گیا۔ ان کا کہنا تھا کہ فرار کے وقت سرکل نمبر 4 اور 5 سے 600 سے زائد قیدی بیرک سے باہر تھے۔

ملیر جیل سے سینکڑوں قیدی دیوار توڑ کر فرار، علاقے میں شدید فائرنگ

ڈی آئی جی جیل خانہ جات حسن سہتو نے اے آر وائی نیوز سے ٹیلی فون پر گفتگو میں بتایا کہ جیل میں ہزاروں قیدی تھے، زلزلے کے جھٹکوں کا خوف تھا، قیدیوں نے ایک نہیں 2 سے 3 جگہوں کو توڑنے کی کوشش کی، جو قیدی فرار ہوئے وہ نشے کے عادی بتائے جا رہے ہیں۔