Tag: قیدی

کراچی: سندھ حکومت نے جیلوں سے سزا یافتہ قیدیوں کو عارضی رہائی دینے کا فیصلہ کر لیا۔

تفصیلات کے مطابق محکمہ داخلہ سندھ کی تمام تجاویز وزیراعلیٰ سندھ مراد علی شاہ نے منظور کرلیں، صوبے کی جیلوں سے سزا یافتہ قیدیوں کو 4 ماہ کے لیے عارضی رہا کیا جائے گا۔

محکمہ داخلہ سندھ کی سمری کے مطابق سزا یافتہ قیدیوں کو ضمانتی بانڈ پر رہا کیا جائے گا، قیدیوں کو پینل کوڈ کی مختلف دفعات کے تحت عارضی طور پر رہا کیاجائے گا۔

سمری میں کہا گیا ہے کہ سندھ کابینہ کی منظوری کے بعد فیصلے پر عملدرآمد شروع ہوگا، فیصلے کا اطلاق منشیات ،نیب،معمولی جرائم میں ملوث سزا یافتہ قیدیوں پر ہوگا،فیصلے کا اطلاق بغاوت،قتل وغارت گری، دہشت گردی میں ملوث قیدیوں پر نہیں ہوگا۔

محکمہ داخلہ سندھ کا کہنا ہے کہ سندھ کی جیلوں میں گنجائش سے زیادہ قیدی موجود ہیں، سندھ کی جیلوں میں 16 ہزار 24 قیدی موجود ہیں۔

وزیراعلیٰ خیبرپختونخوا کا قیدیوں کے لیے بڑا اعلان

اس سے قبل گزشتہ ہفتے 16 مارچ کو وزیراعلیٰ خیبرپختونخوا محمود خان نے قیدیوں کی سزاؤں میں 2 ماہ کی کمی کی ہدایت کرتے ہوئے کہا تھا کہ کرونا وبا کی شکل اختیار کرگیا، قیدیوں کو بھی ریلیف دیں گے۔

واضح رہے کہ پاکستان میں بھی کرونا وائرس کی وبا تیزی سے پھیل رہی ہے اور متاثر افراد کی تعداد 1420 تک جا پہنچی ہے ، وائرس سے اب تک 12 افراد جاں بحق اور 29 مریض صحت یاب ہوچکے ہیں۔

پشاور: وزیراعلیٰ خیبرپختونخوا محمود خان نے قیدیوں کی سزاؤں میں 2 ماہ کی کمی کا اعلان کر دیا۔

تفصیلات کے مطابق وزیراعلیٰ خیبرپختونخوا محمود خان نے قیدیوں کی سزاؤں میں 2 ماہ کی کمی کی ہدایت کرتے ہوئے کہا کہ کرونا وبا کی شکل اختیار کرگیا، قیدیوں کو بھی ریلیف دیں گے۔

وزیراعلیٰ خیبر پختونخوا کا مزید کہنا تھا کہ سزائیں کم ہونے سے بیشتر قیدیوں کو رہائی مل جائے گی۔

دوسری جانب وزیر صحت خیبرپختونخوا کا کہنا ہے کہ کرونا وائرس کے کے پی میں 15 کیسز ڈی آئی خان کے ہیں، تمام افراد کی ٹریول ہسٹری ہے، تفتان سے آئے تھے

سندھ میں کرونا وائرس کے کیسز کی تعداد 103 ہوگئی جس کے بعد ملک بھر میں مجموعی تعداد 136 ہوگئی۔ ترجمان سندھ حکومت نے بتایا کہ تفتان سے سکھر آنے والے اب تک 76 افراد میں کرونا وائرس کی تصدیق ہوچکی ہے جبکہ 26 کیسز کراچی اور ایک کا تعلق حیدرآباد سے ہے۔

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 150 سے زائد ممالک میں پھیل چکا ہے۔ وائرس سے اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔

اسلام آباد: وزیر اعظم عمران خان نے کہا ہے کہ کسی فرد کو قید کرنے کا مقصد اسے بنیادی حقوق سے محروم کرنا نہیں ہے۔

وزیر اعظم نے سماجی رابطے کی ویب سائٹ پر ٹویٹ کرتے ہوئے کہا کہ حکومت کی جیل اصلاحاتی پیکج سے قیدیوں کا سماجی تحفظ اور ان کی بحالی یقینی بنانے میں مدد ملے گی۔

وزیر اعظم نے یہ بھی کہا کہ اگر کسی فرد کو جیل میں ڈالا جاتا ہے تو اس کا مقصد یہ نہیں ہے کہ اسے حقوق سے محروم کر دیا گیا ہے، یہ مجرموں کی مدد کا ایک ذریعہ ہے۔

Congratulations to Ali Zafar & mbrs of PM’s Prisoners Aid Committee, which finalised its reform package report for effective prison reform. It will ensure greater public safety & rehab of prisoners on the principle that a prison sentence does not imply deprivation of human rights

— Imran Khan (@ImranKhanPTI) February 11, 2020

انھوں نے قیدیوں کی معاونت کے لیے تشکیل کر دہ کمیٹی کے چیئرمین بیرسٹر علی ظفر اور دیگر ارکان کو مبارک باد دی، اور کہا کہ اس کمیٹی کے ارکان نے جیل اصلاحاتی پیکج رپورٹ کو حتمی شکل دی ہے، اس پیکج سے قیدیوں کی بحالی میں حکومت کو مدد ملے گی۔

یاد رہے کہ گزشتہ روز وزیر اعظم عمران خان نے وفاقی کابینہ کے اجلاس میں گیس اور بجلی کی قیمتیں بڑھانے کی مخالفت کرتے ہوئے 15 ارب ریلیف پیکج کی منظوری دی ہے، انھوں نے اجلاس میں واضح کیا کہ عوام پر مہنگائی کا پہلے ہی بوجھ ہے، حکومت مزید بوجھ نہیں ڈال سکتی۔ اجلاس میں مہنگائی کم کرنے کے لیے اور بھی فیصلے کیے گئے۔

وزیراعظم عمران خان نے گیس اور بجلی کی قیمتیں بڑھانے کی مخالفت کردی

وزیر اعظم نے چینی کے معاملے پر کہا کہ عوام کو پریشان نہیں ہونے دوں گا، ای سی سی کے چینی کی درآمد کے فیصلے کو منسوخ کرتے ہوئے انھوں نے چینی کی برآمد پر پابندی کے فیصلے کی توثیق کی، اجلاس میں دالوں پر امپورٹ ڈیوٹی ختم کرنے کا بھی فیصلہ کیا گیا، اس فیصلے سے ملک بھر میں دالوں کی قیمت کم ہو جائے گی جب کہ 50 ہزار نوجوانوں کو یوتھ اسٹورز کے لیے قرض دینے کی بھی منظوری دی گئی۔

کراچی: سندھ حکومت نے صوبے میں مزید 8 نئی جیلیں بنانے کا فیصلہ کیا ہے، نئے قیدیوں کی میڈیکل اسکریننگ کی جائے گی۔

تفصیلات کے مطابق جیل اصلاحات کے حوالے سے چیف سیکریٹری سندھ اور وفاقی محتسب کی سربراہی میں اہم اجلاس ہوا جس میں سیکریٹری داخلہ سندھ، پراسیکیوٹر جنرل سندھ، سینئر ایڈوائیز محتسب، آئی جی جیل سمیت دیگر متعلقہ افسران نے شرکت کی۔

اجلاس میں سیکریٹری داخلہ کو ضلع ملیر کے 100 اور ویست کے لیے 200 ایکڑ زمین کے لیے سمری بنانے کی ہدایت کی گئی، سندھ کے شہر ٹھٹھہ، نواب شاہ، قمبر شہداد، کندھ کوٹ، مٹھی، ملیر اور ضلعی ویسٹ میں نئی جیلیں بنائی جائیں گی صوبے کے جیلوں میں نئے آنے والے قیدیوں کی میڈیکل اسکریننگ کی جائے۔

آئی جی جیل نصرت حسین منگن نے اجلاس میں کہا کہ کراچی، لاڑکانہ اور شکارپور کی جیلوں میں گنجائش سے زیادہ قیدی ہیں اس وقت صوبے کی جیلوں کی گنجائش 13038 جبکہ 17239 قیدی ہیں، صوبے کی جیلوں میں 6886 قیدیوں کو پرائمری سے لے کر ماسٹرز تک کی تعلیم فراہم کی جا رہی ہے۔

وفاقی محتسب طاہر شہباز نے کہا کہ اس وقت تک جیل اصلاحات کے حوالے سے سپریم کورٹ میں 4 رپورٹس جمع کروائی ہیں، جنوری کے پہلے ہفتے میں بھی رپورٹ جمع کروائی جائے گی، سندھ حکومت نے جیل اصلاحات کے حوالے سے بہترین کام کیا ہے۔

اسلام آباد: پیپلزپارٹی نے ملک بھر کی جیلوں میں قید غریب قیدیوں کو رہاکروانے کا فیصلہ کیا ہے۔

تفصیلات کے مطابق ڈپٹی چیئرمین سینیٹ سلیم مانڈوی والا نے صوبوں کےآئی جی جیلز کو خط لکھا ہے جس میں جیلوں میں قیدغریب قیدیوں کا تمام ریکارڈ فراہم کرنے کا مطالبہ کیا گیا ہے۔

خط کے مطابق ایسے معمولی جرائم کے قیدی جو جرمانہ ادا نہ کرنے کے باعث سلاخوں کے پیچھے ہیں اور رہائی کے منتظر ہیں ان کی رہائی کے لیے تمام تفصیلات ارسال کی جائیں۔

یہ بھی پڑھیں: بااثرشخصیت کو قید میں سہولتیں اور غریب بنیادی سہولت سے محروم ہے ،چیف جسٹس اطہرمن اللہ

پیپلزپارٹی کی جانب سے یہ اقدام شریک چیئرمین پیپلزپارٹی و سابق صدر آصف علی زرداری کو طبی بنیادوں پر ضمانت ملنے کے بعد اٹھایا گیا ہے۔

دوسری جانب آج چیف جسٹس اطہرمن اللہ نے اڈیالہ جیل کے قیدی کےعلاج سے متعلق کیس میں ریمارکس میں کہا تھا کہ بااثر شخصیت کو قید میں سہولتیں غریب کو بنیادی سہولت تک نہیں ملتی، قوانین کے مطابق ریاست کو بیمار قیدی کو آزاد کرنے کا اختیار ہے۔