Tag: قیصر احمد شیخ

لاہور : قائمہ کمیٹی خزانہ کے سربراہ اور سینئر ن لیگی رہنما قیصر احمد شیخ نے ن لیگ اور پیپلزپارٹی کو ایک صوبے کی جماعتیں قرار دے دیا۔

تفصیلات کے مطابق قائمہ کمیٹی خزانہ کے سربراہ اور سینئر ن لیگی رہنما قیصراحمدشیخ نے اے آر وائی نیوز کو خصوصی انٹرویو دیتے ہوئے کہا کہ چارٹرآف اکانومی یہی ہے کہ ن لیگ نے سندھ اور پیپلزپارٹی نےپنجاب نہیں آنا۔

قیصراحمد شیخ کا کہنا تھا کہ ملک تب آگےبڑھتاہےجب سیاسی جماعت کےووٹ ہرصوبےمیں ہوں، ملک کو ہم نےآگےبڑھانا ہےتوہماری پارٹیوں میں جمہوریت ہونی چاہیے۔

سینئر ن لیگی رہنما نے کہا کہ کسی بھی پارٹی میں جمہوریت نہیں اورعوام کےپاس آپشن بھی کیاہیں، جوسندھ کی جماعت ہے اس کے ووٹ سندھ کے ہی ہیں، دوسرےصوبوں میں نہیں، اسی طرح جوپنجاب کی پارٹی ہےوہ سندھ میں کوئی سیٹ نہیں لےسکتی۔

ان کا کہنا تھا کہ میں کراچی رہتا ہوں اور اپنی جماعت کو بہت کہتا ہوں کراچی آئیں، اپنی پارٹی کوکہتا ہوں کراچی میں آپ کے لیے موقع ہے اس لیے یہاں آئیں لیکن شاید کوئی انڈراسٹینڈنگ ہے پیپلزپارٹی سے کہ یہاں ن لیگ کوشش نہیں کرتی۔

سربراہ قائمہ کمیٹی خزانہ نے مزید کہا کہ ن لیگ کی سندھ میں کوئی دلچسپی نہیں حالانکہ کراچی اتنابڑا شہر ہے ، مریم نواز سے کہا ہے آپ کراچی آئیں ہم یہاں سے نشستیں نکال سکتے ہیں۔

لاہور : مسلم لیگ (ن) کے رہنما اور قائمہ کمیٹی خزانہ کے چیئرمین قیصر احمد شیخ نے حکومت کو معاشی ٹیم میں تبدیلی کا مشورہ دیتے ہوئے کہا اسحاق ڈار کسی سے مشورہ نہیں کرتے۔

تفصیلات کے مطابق مسلم لیگ(ن)کے رہنما اور قائمہ کمیٹی خزانہ کے چیئرمین قیصر احمد شیخ نے اے آر وائی نیوز کو انٹرویو دیتے ہوئے کہا کہ ہم ڈیفالٹ کے دہانےپرکھڑے ہیں اور آئی ایم ایف آپ کو انکار کررہاہے۔

سینئر ن لیگی رہنما کا کہنا تھا کہ ہم لڑائی کرتےرہے تو معیشت ٹھیک نہیں ہوسکتی، حکومت کو چاہیے اپنی معاشی ٹیم تبدیل کرے۔

قائمہ کمیٹی خزانہ کے چیئرمین نے کہا کہ سارے اپنے رشتےداروں پر توجہ رکھے ہوئے ہیں، جب انہوں نے ہر چیز اپنے ہاتھ میں رکھنی ہے تو پھر یہی ہونا ہے۔

اسحاق ڈار کے حوالے سے قیصر احمد شیخ نے بتایا کہ اسحاق ڈار کا مسئلہ یہ ہےکہ وہ کسی سےمشورہ نہیں کرتے، وزیرخزانہ اسحاق ڈار ایک سال سے قائمہ کمیٹی خزانہ میں نہیں آئے۔

مہنگائی سے متعلق انھوں نے کہا کہ اصل مسئلہ مہنگائی ہےجوتاریخ کی بلندسطح پرہےاورکم ہونےکا رحجان بھی نہیں۔

سیاسی جاعتوں پر پابندی کے سوال پر سینئر ن لیگی رہنما کا کہنا تھا کہ سیاسی جماعتوں پر پابندی بالکل بھی نہیں لگنی چاہیے، سیاسی جماعتوں میں جمہوریت ہونی چاہیے، یہ سیاسی جماعتیں نہیں ، یہ جمہوریت نہیں کہ باپ کے بعد بیٹا یا بیٹی آجائے۔