ARYNews.tv | Urdu – Har Lamha Bakhabar

Tag: قیمتوں میں اضافہ

  • پٹرول قیمتوں میں اضافہ انتہائی ظالمانہ اقدام ہے‘ آصف علی زرداری

    پٹرول قیمتوں میں اضافہ انتہائی ظالمانہ اقدام ہے‘ آصف علی زرداری

    کراچی : پیپلزپارٹی کے شریک چیئرمین اورسابق صدر آصف علی زرداری کا کہنا ہے کہ پیٹرول قیمتوں میں اضافہ انتہائی ظالمانہ اقدام ہے۔

    تفصیلات کے مطابق پیپلزپارٹی کے شریک چیئرمین اورسابق صدر آصف علی زرداری پٹرولیم مصنوعات کی قمیتوں میں اضافے پر ردعمل کا اظہار کرتے ہوئے کہا حکومت عوام کا خون نچوڑ رہی ہے۔

    آصف علی زرداری نے کہا کہ نااہل حکومت مہنگائی کے طوفان کو دعوت دے رہی ہے، انہوں نے کہا کہ حکومت کی غلط معاشی پالیسیوں کی سزا عوام کو مل رہی ہے۔

    شریف برادران عوام کےخون کا آخری قطرہ بھی چوس لینا چاہتے ہیں، بلاول بھٹو

    سابق صدر آصف علی زرداری نے پیپلزپارٹی کے ارکان قومی اسمبلی کو ہدایت کی ہے کہ پٹرولیم مصنوعات کی قیمتوں میں پر پارلیمنٹ میں سخت احتجاج کیا جائے۔

    دوسری جانب اپوزیشن لیڈر خورشید شاہ نے پٹرولیم مصنوعات کی قیمتوں میں اضافے پر ردعمل دیتے ہوئے کہا کہ قیمتوں میں بارباراضافے سے مہنگائی میں بے پناہ اضافہ ہوا۔

    خورشید شاہ نے کہا کہ حکومت اپنی خراب کارکردگی کا بدلہ عوام سے نہ لے، انہوں نے کہا کہ حکومت عوام سے جینے کا حق نہ چھینے۔

    اپوزیشن لیڈر نے حکومت پرتنقید کرتے ہوئے مطالبہ کیا کہ حکومت پٹرولیم مصنوعات کی قیمتوں میں اضافہ واپس لے۔

    حکومت نے پھر پیٹرولیم مصنوعات کی قیمتوں میں اضافہ کردیا

    خیال رہے کہ وفاقی حکومت نے پٹرولیم مصنوعات کی قیمتوں میں 5 روپے 94 پیسے تک کا اضافہ کردیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • حکومت نے پھر پیٹرولیم مصنوعات کی قیمتوں میں اضافہ کردیا

    حکومت نے پھر پیٹرولیم مصنوعات کی قیمتوں میں اضافہ کردیا

    اسلام آباد : عوام کو زلزلے کے بعد مہنگائی کا ایک اور جھٹکا لگ گیا، حکومت نے پیٹرول کی فی لیٹرقیمت میں دو روپے 98 پیسے کا اضافہ کردیا۔

    تفصیلات کے مطابق اوگرا کی جانب سے پیٹرولیم مصنوعات کی قیمتوں میں اضافے کے لئے بھیجی جانے والی سمری وزارت خزانہ نے کچھ ردو بدل کے بعد منظور کرلی۔

    وزارت خزانہ نے پیٹرولیم مصنوعات کی قیمتوں میں اضافے کا اعلامیہ جاری کردیا ہے، پیٹرول کی فی لیٹرقیمت میں 2 روپے 98 پیسے کا اضافہ کردیا گیا ہے جبکہ ڈیزل کی فی لیٹر قیمت میں پانچ روپے92 پیسے فی لیٹر اضافہ کیا گیا ہے۔

    مٹی کے تیل کی قیمت پانچ روپے94پیسے فی لیٹر اضافے کے بعد نئی قیمت70روپے26 پیسےہوگئی ہے، لائٹ ڈیزل کی فی لیٹرقیمت میں پانچ روپے 93 پیسے کا اضافے کے بعد نئی قیمت64روپے30 پیسے فی لیٹرہو گئی، پٹرولیم مصنوعات کی نئی قیمتوں کا اطلاق آج رات 12 بجے سے ہوگا۔

    عوام کی پریشانیوں کا رونے والے حکمرانوں کی جانب سے پیٹرولیم مصنوعات کی قیمتوں میں بھاری اضافہ کے بعد اس کا براہ راست اثر پبلک ٹرانسپورٹ کے کرایوں اور اشیائے خورونوش کی قیمتوں پڑے گا۔

    مزید پڑھیں: مہنگائی، بیروزگاری نواز شریف کا تحفہ ہیں، سراج الحق

    یاد رہے کہ گزشتہ روز بھیجی جانے والی سمری میں پیٹرول کی قیمت میں فی لیٹر2روپے98پیسے، ڈیزل کی قیمت10 روپے 25 پیسے، لائٹ ڈیزل کی قیمت میں11روپے72 پیسے اور مٹی کے تیل کی قیمت میں12روپے 74پیسے اضافے کی تجویز دی گئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • نئے سال کے آغازپرپیٹرولیم مصنوعات کی قیمتوں میں ہوشربا اضافہ

    نئے سال کے آغازپرپیٹرولیم مصنوعات کی قیمتوں میں ہوشربا اضافہ

    اسلام آباد : حکومت نے عوام پر ایک بار پھر پیٹرول بم گرادیا، پیٹرولیم مصنوعات کی قیمتوں میں ہوشربا اضافے کے باعث پیٹرول 81.53 پیسے فی لیٹر تک جا پہنچا۔

    تفصیلات کے مطابق حکومت نے پیٹرولیم مصنوعات کی قیمتوں میں ایک بار پھر اضافہ کرکے عوام کی مشکلات میں بھی اضافہ کردیا، مہنگائی کی چکی میں پسے ہوئے عوام اب پیٹرول مزید مہنگا خریدنے پر مجبور ہوگئے۔

    حکومت کی جانب سے سال نو کےآغاز میں ہی عوام پر پیٹرول بم گرا دیا گیا، پیٹرول کی فی لیٹر قیمت میں 4روپے6پیسے کا اضافہ کردیا گیا ہے۔

    مشیرخزانہ مفتاح اسماعیل نے کہا ہے کہ عالمی مارکیٹ میں پیٹرولیم مصنوعات کی بڑھتی ہوئی قیمتوں کے باعث پاکستان میں بھی پیٹرول کی قیمت میں اضافہ کیا گیا، بھارت،بنگلہ دیش اورترکی کے مقابلے میں پاکستان میں پٹرول کی قیمت ابھی بھی کم ہے۔

    مشیر خزانہ نے کہا کہ اب پیٹرول کی نئی قیمت 81.53 روپے فی لیٹر ہوگی، جبکہ ڈیزل کی قیمت میں 3روپے 96 پیسے فی لیٹر کا اضافہ کیا گیا ہے، ان کا مزید کہنا تھا کہ مٹی کے تیل کی قیمت فی لیٹر 6 روپے 74 پیسےکا اضافہ سے 64.30 روپےفی لیٹر ہوگئی ہے۔

    ہائی اسپیڈ ڈیزل کی قیمت میں 3 روپے 69 پیسے کا اضافہ کیا گیا ہے جس کے بعدا س کی نئی قیمت 89.91  روپےفی لیٹر ہوگی، لائٹ ڈیزل کی قیمت بھی بڑھادی گئی، نئی قیمت58.37 روپےفی لیٹر ہوگی، مٹی کے تیل کی قیمت6 روپے 79 پیسےاضافے سے 64.30 روپےفی لیٹر ہوگئی ہے۔

    واضح رہے کہ گزشتہ روز آئل اینڈ گیس ریگولیٹری اتھارٹی (اوگرا) کی جانب سے پیٹرولیم مصنوعات کی قیمتوں میں اضافے کی سمری وزارت پیٹرولیم کو ارسال کی گئی تھی جسے منظور کرلیا گیا۔ قیمتوں کا اطلاق آج رات بارہ بجے سے ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • نئےسال کی آمد ‘حکومت کا عوام پرپٹرول بم گرانے کا فیصلہ

    نئےسال کی آمد ‘حکومت کا عوام پرپٹرول بم گرانے کا فیصلہ

    اسلام آباد : حکومت نے نئے سال 2018ء میں عوام پر پٹرول بم گرانے کا فیصلہ کرلیا، پٹرولیم مصنوعات کی قیمتوں میں 12 روپے فی لیٹر اضافہ متوقع ہے۔

    تفصیلات کے مطابق نئے سال کی آمد پرعوام کو حکومت نے تحفہ دینے کے لیے حکومت نے منصوبہ بندی شروع کردی اور اس میں مد میں اوگرا نے پٹرولیم مصنوعات میں اضافے کی سفارش پیش کردی۔

    ذرائع کے مطابق آئل اینڈ گیس ریگولیٹری اتھارٹی نے قیمتوں میں اضافے کی سمری وزارت پٹرولیم کو ارسال کردی جس میں پٹرولیم مصنوعات کی قیمتوں میں اضافے کی سفارش کی گئی ہے۔

    اوگرا نے سمری میں پٹرول کی قیمت میں 4 روپے، مٹی کے تیل میں 13 روپے، ہائی اسپیڈ ڈیزل کے نرخوں میں 5 روپے 83 پیسے جبکہ لائٹ اسپیڈ ڈیزل کی قیمت میں 12 روپے 49 پیسے اضافے کی تجویز کی ہے۔

    واضح رہے کہ پٹرولیم مصنوعات کی قیمتوں میں اضافے کا حتمی فیصلہ وزارت خزانہ کی مشاورت کے بعد ہوگا جبکہ منظوری کی صورت میں نئی قیمتوں کا اطلاق یکم جنوری سے ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ماہ دسمبر 2017، پٹرول مصنوعات کی قیمتوں میں ایک بار پھر اضافہ

    ماہ دسمبر 2017، پٹرول مصنوعات کی قیمتوں میں ایک بار پھر اضافہ

    اسلام آباد : یکم دسمبر سے پٹرولیم مصنوعات کی قیمتی میں تبدیلی کرتے ہوئے پٹرول کی قیمت میں 1 روپے 48 پیسے فی لٹر کا اضافہ کردیا گیا ہے.

    پوری قوم جہاں جشن آمد رسول صلی اللہ علیہ وآلہ وسلم مکمل مذہبی عقیدت اور جوش و جذبے کے ساتھ منانے میں مشغول ہے وہیں حکومت نے ایک بار پھر عوام پر پٹرول بم گرا دیا ہے.

    اوگرا نے ماہ دسمبر کے لیے پٹرولیم مصنوعات کی قیمتوں میں اضافہ کرتے ہوئے پٹرول کو سابقہ قیمت سے 1 روپے 48 پیسے فی لیٹر مہنگا کردیا ہے جب کہ ہائی اسپیڈ ڈیزل کی قیمت میں 1 روپے 36 پیسے فی لیٹر اضافہ کیا گیا ہے۔

    اسی طرح مٹی کے تیل کی قیمت میں 4 روپے 39 پیسے فی لیٹر اور لائٹ ڈیزل کی قیمت میں 3 روپے 12 پیسے فی لیٹر کا اضافہ کیا گیا ہے جس سے ایک بار پھر مہنگائی کا طوفان امڈ آنے کا اندیشہ بڑھ گیا ہے جس سے اشیائے صرف کی قیمتیں آسمانوں کو چھونے لگیں گئی۔

    اوگرا کی جانب سے جاری کی گئی پیٹرولیم مصنوعات کی نئی قیمتوں کا اطلاق آج رات 12 بجےسے ہوگا جو کہ 31 دسمبر 2017 تک رہے گا اور پھر ماہ جنوری 2018 کے لیے نئی قیمتوں کا اعلان کیا جائے گا۔

  • پیٹرولیم مصنوعات کی قیمتوں میں اضافہ کردیا گیا

    پیٹرولیم مصنوعات کی قیمتوں میں اضافہ کردیا گیا

    اسلام آباد : حکومت نے عوام پر ایک بار پھر پیٹرول بم گرادیا، پیٹرولیم مصنوعات کی قیمتوں میں ہوشربا اضافہ کردیا گیا۔ پیٹرول 75.99 پیسے فی لیٹر تک جا پہنچا۔

    تفصیلات کے مطابق حکومت نے پیٹرولیم مصنوعات کی قیمتوں میں ایک بار پھر اضافہ کرکے عوام کی مشکلات میں بھی اضافہ کردیا، مہنگائی کی چکی میں پسی ہوئے شہری اب پیٹرول مزید مہنگا خریدنے پر مجبور ہوگئے۔

    آئل اینڈ گیس ریگولیٹری اتھارٹی (اوگرا) کی جانب سے قیمتوں میں اضافے کا باقاعدہ اعلان کردیا گیا ہے، پیٹرول کی قیمت میں2روپے 49 پیسےفی لیٹراضافہ اور ڈیزل کی قیمت میں5روپے 19 پیسےفی لیٹراضافہ کیا گیا ہے۔

    اس کے علاوہ مٹی کے تیل کی قیمت میں 5 روپےفی لیٹر اور لائٹ ڈیزل کی قیمت میں 3 روپے فی لیٹرکا اضافہ کیا گیا ہے۔ پیٹرولیم مصنوعات کی قیمتوں میں اضافے کا اطلاق آج رات بارہ بجے سے ہوگیا۔

    مزید پڑھیں: پیٹرولیم مصنوعات ایک بارپھرمہنگی کرنے کی تیاری

    قیمتوں میں اضافے کے بعد اب پیٹرول کی موجودہ قیمت 75.99 روپے فی لیٹر، ہوگئی ہے جس سے مہنگائی کے بوجھ تلے دبی عوام مزید مشکلات کا شکار ہوں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اوگرا کی پٹرولیم مصنوعات میں اضافے کی تجویز

    اوگرا کی پٹرولیم مصنوعات میں اضافے کی تجویز

    اسلام آباد : اوگرا نے پٹرولیم مصنوعات کی قیمتوں میں اضافے کی سمری وفاقی حکومت کو ارسال کردی۔

    تفصیلات کےمطابق اوگرا نے وزارت پٹرولیم کو یکم نومبر سے پٹرولیم مصنوعات کی قیمتوں میں اضافے کی سمری ارسال کی ہے جس میں پٹرول 2 روپے 49 پیسے فی لیٹر مہنگا کرنے کی سفارش کی گئی ہے۔

    سمری کے مطابق ہائی اسپیڈ ڈیزل کی قیمت میں 5 روپے 19 پیسے، لائٹ ڈیزل کی قیمت میں 12 روپے 63 پیسے جبکہ مٹی کا تیل 15 روپے 99 پیسے فی لیٹر اضافے کی تجویز دی گئی ہے۔

    پٹرولیم مصنوعات کی قیمتوں میں اضافے کا حتمی فیصلہ وزیراعظم شاہد خاقان عباسی کریں گے جس کے بعد نئی قیمتوں کا اعلان کیا جائے گا۔

    خیال رہے کہ گذشتہ ماہ بھی حکومت کی جانب سے پیٹرول کی قیمت میں 2 روپے اضافہ جبکہ مٹی کے تیل کی قیمت میں 4 روپے، لائٹ اسپیڈ اور ہائی اسپیڈ ڈیزل کی قیمت میں 2 روپے فی لیٹر کا اضافہ کیا گیا تھا۔

    خام تیل کی قیمت دو سال کی بلند ترین سطح پر

    یاد رہے کہ سعودی عرب اور روس کی جانب سے خام تیل کی پیداوار میں کمی کی حمایت کے بعد عالمی منڈیوں میں خام تیل کی قیمت 60 ڈالر فی بیرل تک پہنچ گئی ہے اور یہ دو سال کے دوران خام تیل کی بلند ترین قیمت ہے

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سبزی والے قصائی بن گئے، قیمتوں میں ہوشربا اضافہ

    سبزی والے قصائی بن گئے، قیمتوں میں ہوشربا اضافہ

    کراچی/ لاہور/ ملتان/ فیصل آباد : عید الاضحیٰ قریب آتے ہی سبزی والے بھی قصائی بن گئے، شہریوں کی کھال اتارنا شروع کردی، تیس روپے کلو والی پیاز60روپے کلو ہوگئی، لال ہرے ٹماٹروں نے شہریوں کو غصے سے لال پیلا کردیا۔

    تفصیلات کے مطابق ٹماٹر، پیاز، لہسن، ادرک سمیت کئی سبزیوں کی قیمتیں آسمان پر پہنچ گئیں، شہری سبزیوں کی قیمتیں بڑھنے سے پریشان ہوگئے۔

    عید الاضحیٰ پر قصائی تو چھریاں تیز کرتے ہی ہیں، اس بار سبزی والوں نے پہلے ہی شہریوں کی کھال اتارنا شروع کردی، ٹماٹرایک سو بیس روپے کلو تک جاپہنچے۔

    کراچی میں تیس روپے کلو والی پیاز ساٹھ روپے تک بک رہی ہے، لال اور ہرے ٹماٹروں نے شہریوں کو لال پیلا کردیا، چالیس روپے کلو تک بکنے والے ٹماٹر ایک سو بیس روپے کلو تک جاپہنچے۔

    لاہور ملتان اور فیصل آباد میں بھی سبزی کی قیمت کو پر لگے گئے، سبزی والوں نے موقع کا فائدہ اٹھاتے ہوئے ہرا دھنیا، ادرک، ہری مرچ، لہسن اور لیموں کی قیمتوں میں بھی من مانا اضافہ کردیا۔

    شہریوں کا مطالبہ ہے کہ انتظامیہ منافع خوروں کے خلاف سخت کارروائی کرے تاکہ عید قرباں شہریوں کی جیب پر بھاری نہ پڑے۔

  • پیٹرولیم مصنوعات کی قیمتوں میں اضافہ

    پیٹرولیم مصنوعات کی قیمتوں میں اضافہ

    اسلام آباد : حکومت نے پٹرولیم مصنوعات کی قیمتوں میں اضافہ کردیا، پیٹرول دو روپے 25 پیسے مہنگا کردیا گیا، حکومت نے پیٹرولیم مصنوعات کی قیمتوں میں ردوبدل کی مدت بھی خاموشی سے تبدیل کردی، قیمتوں میں اضافہ پندرہ روز کے لیے کیا گیا ہے،سی این جی بھی ایک ماہ میں ساڑھے 5 روپے فی کلو مہنگی کی گئی۔

    تفصیلات کے مطابق وفاقی وزیر خزانہ اسحاق ڈار نے پیٹرولیم مصنوعات کی قیمتوں میں اضافے کا اعلان کردیا جس کے تحت پیٹرول کی قیمت میں دو روپے 25 پیسے اضافہ کیا گیا ہے، 15 روزمیں پیٹرول اور ڈیزل کی قیمت میں دوسری مرتبہ اضافہ کیا گیا۔

    اضافے کے بعد پیٹرول کی نئی قیمت تقریباً 71 روپے فی لیٹر ہوجائے گی، اسحاق ڈار کا کہنا ہے کہ ہائی اسپیڈ ڈیزل کی قیمت میں دو روپے 26 پیسے فی لیٹرکا اضافہ کیا گیا ہے جبکہ مٹی کے تیل اور لائٹ ڈیزل کی قیمتیں برقرار رہیں گی۔اسحاق ڈار کا کہنا ہے کہ مذکورہ قیمتوں میں اضافہ 15 دن کے لیے کیا گیا ہے۔

    مزید پڑھیں : پیٹرول اورمٹی کے تیل کی قیمت میں ہوشربا اضافے کا امکان

    یاد رہے کہ قیمتوں کےتعین کا اختیار ملنے کے بعد صوبہ سندھ میں سی این جی پمپ مالکان صرف ایک ماہ میں سی این جی ساڑھے پانچ روپےفی کلو مہنگی کرچکےہیں۔

    واضح رہے کہ رواں ماہ بھی پٹرول کی قیمتوں میں اضافہ کیا گیاتھا، اوگرا نے گزشتہ روز وزارت پیٹرولیم کو سمری ارسال کی تھی جس میں پٹرولیم مصنوعات کی قیمتوں میں اضافہ کی تجویز دی گئی تھی۔

  • پٹرولیم مصنوعات کی قیمتوں میں اضافے کی سمری وزارت پٹرولیم کوارسال

    پٹرولیم مصنوعات کی قیمتوں میں اضافے کی سمری وزارت پٹرولیم کوارسال

    اسلام آباد: اوگرا نے یکم اکتوبر سے پٹرول سمیت دیگر پٹرولیم مصنوعات مہنگی کرنے کی سمری وزارت پٹرولیم کوبھیج دی ہے۔

    تفصیلات کےمطابق اوگرا نے پٹرول 10پیسے، مٹی کا تیل 2روپے اکہتر پیسے مہنگا کرنے، جبکہ ڈیزل کی قیمت میں 28پیسے فی لٹر کمی کی تجویز ہے۔

    ذرائع کے مطابق سمری میں یکم اکتوبر سے 10پیسے اضافے سے پٹرول کی نئی قیمت 64روپے 37پیسے فی لٹر،جبکہ ڈیزل کی قیمت میں 28پیسے کمی کے ساتھ نئی قیمت 72روپے24پیسے مقرر کرنے کی تجویز ہے۔

    مزید پڑھیں: اوگرا نے پٹرولیم مصنوعات مہنگی کرنے کی سمری ارسال کر دی

    مٹی کا تیل 2روپے 71پیسے اضافے سے نئی قیمت 45روپے 96پیسے فی لیٹر۔ایچ او بی سی3روپے 55پیسے اضافے سے نئی قیمت 76روپے 13پیسے فی لیٹر جبکہ لائٹ ڈیزل ایک روپے 81پیسے اضافے سےنئی قیمت 45روپے 15پیسے مقرر کرنے کی تجویزہے۔

    واضح رہے کہ پٹرولیم مصنوعات کی قیمتوں کا حتمی فیصلہ وزارت خزانہ وفاقی کابینہ کی منظوری سے کرے گی۔