ARYNews.tv | Urdu – Har Lamha Bakhabar

Tag: قیمتوں میں کمی

  • حکومت نے پٹرولیم منصوعات کی قیمتوں میں کمی کردی

    حکومت نے پٹرولیم منصوعات کی قیمتوں میں کمی کردی

    حکومت کی جانب سے پٹرولیم منصوعات کی نئی قیمتوں کا اعلان کردیا گیا، پٹرول کی قیمت میں ایک روپیہ فی لیٹر کی کمی کی گئی ہے۔

    پٹرولیم مصنوعات کی قیمتوں میں کمی کا نوٹیفکیشن جاری کردیا گیا ہے، پٹرول کی فی لیٹر نئی قیمت 256 روپے 13 پیسے فی لیٹر مقرر کی گئی ہے، جاری کردہ نوٹیفکیشن کے مطابق ڈیزل کی قیمت میں 4 روپے فی لیٹر کی کمی کی گئی ہے۔

    پٹرول خریدنے والے شہریوں کےلیے خوشخبری

    آئندہ ماہ کی پہلی تاریخ تک ڈیزل کی نئی قیمت 263 روپے 95 پیسےفی لیٹر ہوگی، مٹی کے تیل کی قیمت میں 3 روپے 20 پیسے فی لیٹر کمی کی گئی۔

    نوٹیفکیشن میں بتایا گیا ہے کہ لائٹ ڈیزل آئل کی قیمت میں 5 روپے 25 پیسے فی لیٹر کمی کی گئی ہے، لائٹ ڈیزل کی فی لیٹر قیمت 155 روپے 81 پیسے مقرر کی گئی ہے۔

    مٹی کے تیل کی قیمت میں 3 روپے 20 پیسے فی لیٹر کمی ہوئی، مٹی کےتیل کی نئی قیمت 171 روپے 65 پیسے فی لیٹر ہوگی، پیٹرولیم مصنوعات کی قیمتوں کا اطلاق 16 فروری سے ہوگا۔

    https://urdu.arynews.tv/fares-reduced-petroleum-products-prices-reduction/

  • پٹرولیم مصنوعات کی قیمتوں میں کمی کے بعد کرایوں میں کمی کردی گئی

    پٹرولیم مصنوعات کی قیمتوں میں کمی کے بعد کرایوں میں کمی کردی گئی

    پشاور: ٹرانسپورٹ اتھارٹی خیبر پختونخوا کی جانب سے کرایوں میں کمی کردی گئی، ٹرانسپورٹ اتھارٹی نے نیا کرایہ نامہ جاری کردیا۔

    پٹرولیم مصنوعات کی قیمتوں میں کمی کے بعد ٹرانسپورٹ اتھارٹی خیبر پختونخوا نے کرایوں میں کمی کردی ہے، ٹرانسپورٹ اتھارٹی کی جانب سے پبلک ٹرانسپورٹ کا نیا کرایہ نامہ جاری کیا گیا ہے۔

    حکومت نے گزشتہ دنوں پیٹرولیم مصنوعات کی قیمتوں میں کمی کرتے ہوئے پیٹرول کی قیمت میں 2 روپے 7 پیسے فی لیٹر کمی کی تھی، اب پیٹرول کی نئی قیمت 247 روپے 3 پیسے ہوگئی ہے۔

    ہائی اسپیڈ ڈیزل کی قیمت میں 3 روپے 40 پیسے فی لیٹر کمی گئی تھی جس کے بعد ڈیزل کی نئی قیمت 249 روپے 69 پیسے سے کم ہوکر 246 روپے 29 پیسے ہوگئی۔

    حکومت نے لائٹ ڈیزل کی قیمت میں 1 روپے 3 پیسے فی لیٹر کم کی تھی، لائٹ ڈیزل کی قیمت 141 روپے 93 پیسے سے کم ہوکر 140 روپے 90 پیسے فی لیٹر ہوگئی، پیٹرولیم مصنوعات کی نئی قیمتوں کا اطلاق یکم اکتوبر رات 12 بجے سے ہوا تھا۔

    یکم جون سے یکم اکتوبر تک پیٹرول کی قیمت میں مجموعی طور پر 21 روپے 23 پیسے فی لیٹر تک کمی کی گئی ہے جبکہ ڈیزل کی قیمت 18 روپے 67 پیسے کم ہوئے ہیں۔

    اس سے قبل چند ہفتوں قبل پیٹرولیم مصنوعات کی قیمتوں میں کمی کے بعد پنجاب کے مختلف شہروں میں بھی ٹرانسپورٹ کے کرایوں میں کمی کی گئی تھی۔

  • متحدہ عرب امارات: پیٹرولیم مصنوعات کی قیمتوں میں کمی

    متحدہ عرب امارات: پیٹرولیم مصنوعات کی قیمتوں میں کمی

    متحدہ عرب امارات میں پیٹرولیم مصنوعات کی قیمتوں میں کمی کا اعلان کردیا گیا، عالمی منڈی میں ایندھن کی قیمتیں کم ہونے کے باعث قیمتوں میں کمی کی گئی۔

    یکم اکتوبر سے لاگو ہونے والی نئی قیمتیں حسب ذیل ہیں:

    ستمبر میں تیل کی عالمی سطح پر قیمتوں میں کمی کے باعث قیمتوں میں کمی متوقع تھی۔ برینٹ آئل کی قیمتیں اگست میں 78.63 ڈالر کے مقابلے میں اوسطاً 73 ڈالر فی بیرل رہی، جس کی وجہ سپلائی میں اضافہ اور سعودی عرب کے پیداوار کو بڑھانے جیسے منصوبے ہیں۔

    واضح رہے کہ متحدہ عرب امارات میں 2015 میں پیٹرول کی قیمتوں کو ڈی ریگولیشن کیا گیا تھا، جس کے بعد یو اے ای کی فیول پرائس کمیٹی ہر ماہ ریٹیل فیول قیمتوں کا جائزہ لیا کرتی ہے اور اسے عالمی نرخوں کے ساتھ ہم آہنگ کرنے کے لیے ایڈجسٹ کرتی ہے۔

    متحدہ عرب امارات: شیخ محمد بن زید النہیان کا بڑا اعلان

    امکان ظاہر کیا جارہا ہے کہ پیٹرولیم مصنوعات کی قیمتوں میں کمی سے صارفین کو ریلیف ملے گا اور امارات کی اقتصادی ترقی میں مدد ملے گی۔

  • انٹرنیشنل مارکیٹ میں خام تیل کی قیمتوں میں بڑی کمی!

    انٹرنیشنل مارکیٹ میں خام تیل کی قیمتوں میں بڑی کمی!

    انٹرنیشنل مارکیٹ میں مندی کے بعد خام تیل کی قیمتوں میں مسلسل کمی کا رجحان جاری ہے۔

    تفصیلات کے مطابق عالمی مارکیٹ میں خام تیل کی قیمتوں گراوٹ کا شکار ہیں۔ برینٹ کروڈ کی قیمت میں 3 فیصد کمی واقع ہوئی ہے جس کے بعد برینٹ کروڈ 73 ڈالر فی بیرل پر آگیا ہے۔

    اس کے علاوہ عالمی منڈی میں ڈبلیو ٹی آئی کروڈ کی قیمت بھی کمی ہوئی ہے اور یہ 69 ڈالر فی بیرل میں فروخت ہورہا ہے۔

    پچھلے مہینے عالمی مارکیٹ میں خام تیل کی قیمتوں میں مسلسل کمی کے باعث قیمتیں 3 ماہ کی کم ترین سطح پر آگئی تھیں۔

    اس حوالے سے ذرائع کا کہنا تھا کہ قیمتوں میں مسلسل کمی کا سبب چین کی جانب سے سپلائی میں کمی اور سعودی عرب اور روس کی جانب سے پیداوار میں کٹوتی میں توسیع کے اثرات بھی ہیں۔

    خبر رساں ادارے کی رپورٹ کے مطابق اس سے قبل عالمی مارکیٹ میں ڈبلیو ٹی آئی کروڈ 77.24 ڈالر فی بیرل پر آگیا تھا جبکہ برینٹ کروڈ 81.65 ڈالر پر ٹریڈ ہورہا تھا۔

    تجزیہ کاروں کا اس حوالے سے کہنا ہے کہ عالمی معیشت میں سست روی اور کم طلب کے خدشات پر بین الاقوامی منڈی میں خام تیل کی قیمتوں میں نمایاں کمی آئی ہے۔

  • پیٹرولیم مصنوعات کی قیمتیں کم ہوں گی یا نہیں؟ اہم خبر

    پیٹرولیم مصنوعات کی قیمتیں کم ہوں گی یا نہیں؟ اہم خبر

    عالمی مارکیٹ میں خام تیل کی قیمت میں فی بیرل 5 ڈالر کمی ہونے کے پیشِ نظر پاکستان میں یکم نومبر سے پیٹرولیم مصنوعات کی قیمتوں میں کمی کی خبریں زیر گردش تھیں تاہم اب اس کا امکان اب کافی حد تک کم ہوگیا ہے۔

    اس حوالے سے ذرائع کا کہنا ہے کہ آئندہ 15 روز کیلئے قیمتوں میں معمولی کمی یا پھر برقرار رکھے جانے کا امکان ہے۔

    دستاویز کے مطابق عالمی مارکیٹ میں مصنوعات کی قیمتوں کی اوسطاً شرح 90.88 ڈالر فی بیرل ہے،16اکتوبر سے ملکی سطح پر روپے کی قدر مستحکم ہونے کی بجائے کمزور ہوئی۔

    16اکتوبر کو ایکسچینج ریٹ کے تحت روپیہ کی قدر 276 روپے 75 پیسے تھی، 30اکتوبر کو روپے کی قدر 281 روپے سے زائد پر ٹریڈ کر رہی ہے۔

    ایکسچینج ریٹ اور عالمی مارکیٹ کے باعث قیمتوں میں بڑا ریلیف نہیں بنتا، اوگرا قیمتوں سے متعلق ورکنگ 31 اکتوبر کو حکومت کو بجھوائے گا۔

    پیٹرولیم مصنوعات کی قیمتوں سے متعلق حتمی فیصلہ نگراں وزیراعظم کریں گے، وزارت خزانہ وزیر اعظم کی مشاورت کے بعد کل قیمتوں کا تعین کرے گی۔

    اس سے قبل ذرائع کا کہنا تھا کہ یکم نومبر سے پیٹرول کی قیمت میں 15 سے 20 روپے فی لیٹر، جبکہ ہائی اسپیڈ ڈیزل کی قیمت میں بھی 10 سے 16 روپے کی فی لیٹر کمی کا امکان ہے۔

    ذرائع کے مطابق لائٹ ڈیزل آئل اور مٹی کے تیل کی قیمت بھی یکم نومبر سے کمی کا امکان ظاہر کیا گیا تھا جس کے لیے اوگرا نے قیمتوں کا مسودہ تیار کرلیا تھا۔

  • ڈالر، پاؤنڈ، درہم اور ریال کی قیمتوں میں کمی

    ڈالر، پاؤنڈ، درہم اور ریال کی قیمتوں میں کمی

    کراچی: ایک ہفتے کے دوران ڈالر، پاؤنڈ، درہم اور ریال کی قیمتوں میں معمولی کمی آئی ہے۔

    تفصیلات کے مطابق ڈالر اور کرنسی مارکیٹ کی ہفتہ وار رپورٹ جاری ہو گئی، ایک ہفتے میں اوپن مارکیٹ میں ڈالر 1 روپے 60 پیسے سستا ہوا۔

    رپورٹ کے مطابق ایک ہفتے میں انٹر بینک میں ڈالر 5 پیسے مہنگا ہو کر 170.53 روپے پر بند ہوا، ہفتے میں انٹربینک میں ڈالر کی بلند ترین سطح 171 روپے اور کم سطح 170.50 روپے رہی۔

    اسٹیٹ بینک کے اقدامات کے بعد انٹربینک اور اوپن مارکیٹ میں ڈالر کی قیمت کا فرق کم ہوگیا ہے، ایک ہفتے میں اوپن مارکیٹ میں ڈالر 1 روپے 60 پیسے سستا ہوا، ہفتے میں اوپن مارکیٹ میں ڈالر 172.60 روپے سے کم ہو کر 171 روپے کا ہوا۔

    ایک ہفتے میں اوپن مارکیٹ میں یورو 2 روپے سستا ہو کر 198.50 روپے کا ہوگیا، ہفتے میں برطانوی پاؤنڈ 50 پیسے کم ہو کر 234 روپے کا ہوگیا۔

    ایک ہفتے میں امارتی درہم 30 پیسے کمی سے 47.90 روپے کا ہوگیا، اور سعودی ریال 50 پیسے سستا ہو کر 45.40 روپے کا ہو گیا۔

  • پیٹرولیم مصنوعات کی قیمتوں میں کمی کا اعلان، پیٹرول کی نئی قیمت 92.43فی لیٹرمقرر

    پیٹرولیم مصنوعات کی قیمتوں میں کمی کا اعلان، پیٹرول کی نئی قیمت 92.43فی لیٹرمقرر

    اسلام آباد : حکومت نے پٹرولیم مصنوعات کی قیمتوں میں کمی کا اعلان کردیا، پیٹرول فی لیٹر2.41پیسے کم کردیا گیا، قمیتوں کا اطلاق آج رات بارہ بجے سے ہوگا۔

    تفصیلات کے مطابق حکومت نے پٹرولیم مصنوعات کے صارفین کو خوشخبری سنادی، مہنگائی سے بے حال عوام کو ریلیف دینے کے لیے پیٹرولیم مصنوعات کی قیمتوں میں کمی کا اعلان کردیا، جس کے بعد اب پیٹرول دو روپے41 پیسے کم ہونے کے بعد 92.83 روپے فی لیٹر پر دستیاب ہوگا جبکہ لائٹ اسپیڈ ڈیزل کی قیمت46پیسے کم ہونے کے بعد 106روپے57پیسے تک پہنچ گئی۔

    اس کے علاوہ ہائی اسپیڈ ڈیزل کی قیمت میں6روپے37پیسےکی کمی کی گئی ہے، مٹی کے تیل کی قیمت میں46پیسے کی کمی، مٹی کے تیل کی نئی قیمت83روپے50پیسے ہوگئی۔

    وزارت خزانہ کے مطابق پیٹرولیم مصنوعات کی قیمتوں میں کمی کا اطلاق آج رات سے ہوگا۔

    واضح رہے کہ گزشتہ روز اوگرا نے پیٹرول کی قیمت دو روپے اور ڈیزل چھ روپے فی لیٹر سستا کرنے کی تجویز دی تھی، اس کے علاوہ پیٹرولیم مصنوعات پر لیوی ٹیکس ختم کرنے کی تجویز بھی زیر غور ہے، جس سے پیٹرولیم مصنوعات مزید سستی ہونے کا امکان ہے۔

  • پیٹرولیم مصنوعات کی قیمتوں میں کمی کا امکان

    پیٹرولیم مصنوعات کی قیمتوں میں کمی کا امکان

    اسلام آباد : عالمی منڈیوں میں خام تیل کی گرتی قیمتوں کے باعث پاکستان میں بھی تیل مصنوعات ڈھائی سےساڑھے چار روپے فی لیٹر تک سستی ہونےکا امکان ہے۔

    اُوگرا ذرائع کے مطابق یکم اپریل سے پیٹرولیم مصنوعات کی قیمتوں میں کمی کا امکان ہے جس کی وجہ عالمی منڈیوں میں خام تیل کی گرتی قیمتیں ہیں۔

    اُوگرا ذرائع کےمطابق پیٹرول کی قیمت میں 2روپے45 پیسےفی لیٹرکمی کا امکان ہے۔ہائی اسپیڈ ڈیزل کی قیمت3روپے 10 پیسےفی لیٹرکم کی جاسکتی ہے۔

    اسی طرح مٹی کےتیل 3 روپے ،،ہائی اوکٹین 4 روپے50 پیسےاور لائٹ اسپیڈ ڈیزل 2روپے77پیسےفی لیٹر سستا کئےجانےکا امکان ہے۔

  • اشیائے صرف کی قیمتوں میں گزشتہ سال مسلسل اضافہ ریکارڈ

    اشیائے صرف کی قیمتوں میں گزشتہ سال مسلسل اضافہ ریکارڈ

    کراچی : پیڑولیم مصنوعات کی قیمتوں میں کمی،روپے کی قدر میں استحکام اور مسلسل کم ہوتی افراط زر کی شرح کے باوجود سال دو ہزار چودہ میں زور مرہ استعمال کی اشیاء کی قیمتیں میں مسلسل اضافے ریکارڈ کیاگیا۔

    سال دو ہزار چودہ کے آغاز پر مہنگائی کی شرح سات اعشاریہ چار فیصد پر تھی جو سال کے اختتام پر کم ہوکر چار اعشاریہ تین فیصد ہوگئی مگر شہریوں تک اس کے ثمرات منتقل نہیں ہوئے۔

    آٹے کی قیمت میں کمی ہوئی تو گیس کی قیمت میں اضافے سے تندوری روٹی دس روپے کی ہوگئی۔ دالوں کی قیمت میں دس سے چھتیس روپے فی کلو کا اضافہ ہوا۔ بکرے کا گوشت سو روپے اور گائے کا گوشت چالیس روپے مہنگا ہوا۔

    شہری انتظامیہ اور پرائس کنٹرول اتھارٹی کی نااہلی کے باعث زیادہ تر شہروں میں دودھ مقررہ قیمت سے چودہ روپے تک مہنگا فروخت ہوااور ٹیٹرا پیک کمپنیوں کو تو کوئی پوچھنے والا ہی نہیں۔

    ایک سال میں پچیس روپے فی لیٹر مہنگا کیا گیا۔ سبزیاں بھی بحرانو ں کا شکار رہیں ۔ کبھی پیاز ستر روپے کلو ہوگئی، ٹماٹردوسوروپےکلو اور کبھی آلو سو روپے کلو میں فروخت ہوا۔

  • یوٹیلیٹی اسٹورزپرگھی ودالوں کی قیمتوں میں کمی

    یوٹیلیٹی اسٹورزپرگھی ودالوں کی قیمتوں میں کمی

    اسلام آباد : یکم جنوری سے یوٹیلٹی اسٹورز پرگھی، تیل اور دالوں کی قیمتوں میں پانچ سے دس روپے فی کلو تک کمی متوقع ہے۔

    ذرائع کے مطابق ملک بھر میں تیل مصنوعات کی قیمتوں میں کمی کے باعث یکم جنوری سےتیل اور گھی کی قیمتوں میں دس روپے تک کمی کا امکان ہےجبکہ مختلف اقسام کی دالیں پانچ سے آٹھ روپےفی کلو تک سستی ہونےکا امکان ہے۔

    دوماہ کےدوران سرکاری اسٹورز پرگھی کی قیمت پہلے ہی دس روپےکی کمی سے 130 روپےکلو اورکھانا پکانےکےتیل کی قیمت بیس روپےکی کمی سے 135 روپےفی کلو پر آچکی ہے۔