اسلام آباد : وزیراعظم عمران خان نے امرتسر حادثے میں قیمتی جانوں کے ضیاع پر افسوس کا اظہار کیا، ٹرین حادثے میں ساٹھ افراد ہلاک اور ستر سے زائد زخمی ہوئے تھے۔
تفصیلات کے مطابق وزیراعظم عمران خان نے بھارتی شہر امرتسر میں ٹرین حادثے میں قیمتی جانوں کے ضیاع پر اظہار افسوس کیا اور غمزدہ خاندانوں سے اظہارِ ہمدردی کیا۔
یاد رہے گذشتہ روز بھارت کے امرتسر شہرمیں ریلوے ٹریک کے قریب دسہرے کا تہوار منایا جا رہا تھا، جہاں بڑی تعداد میں لوگ پٹری پر موجود تھے، پولیس نے لوگوں سے ٹریک پر سے ہٹنے کی اپیل کی لیکن شو ر اتنا تھا کسی نہ سنا اور ٹرین آگئی۔
جس کی زد میں آکر ساٹھ افراد ہلاک اور متعدد زخمی ہوئے۔
مزید پڑھیں : امرتسر: تیز رفتار ٹرین نے سیکڑوں لوگوں کو کچل دیا، 50 ہلاک، متعدد زخمی
ریلوے حکام نے ذمہ داری قبول کرنے سے انکار کرتے ہوئے کہا ریلوے ٹریک ٹرین کیلئے بنایا گیا ہے ۔
بھارتی وزیر اعظم نریندر مودی نے ٹرین حادثے پر افسوس کا اظہار کرتے ہوئے کہا ہے کہ امرتسر کے قریب پیش آنے والا واقعہ دل سوز ہے، میں تمام متاثرہ افراد سے دلی تعزیت کرتا ہوں۔
