ARYNews.tv | Urdu – Har Lamha Bakhabar

Tag: قیمتی موبائل فونز

  • کسٹم حکام نے اسلام آباد ائیر پورٹ سے قیمتی موبائل فونز کی بڑی کھیپ پکڑلی

    کسٹم حکام نے اسلام آباد ائیر پورٹ سے قیمتی موبائل فونز کی بڑی کھیپ پکڑلی

    کراچی: اسلام آباد ایئرپورٹ پر کسٹم حکام نے کارروائی کرتے ہوئے چھ کروڑ مالیت کے قیمتی موبائل فونز برآمد کرلئے اور دو ملزمان کو گرفتار کرلیا۔

    تفصیلات کے مطابق دبئی سے پشاورجانیوالا کھیپیے پرواز خراب ہونے پر اسلام آباد میں دھر لئے گئے، کسٹمزحکام نے کہا ہے کہ اسلام آباد ائیرپورٹ پر کارروائی کرتے ہوئے قیمتی موبائل کی بڑی کھیپ پکڑ لی۔

    حکام کا کہنا تھا کہ کسٹمز حکام نے اسلام آباد ائیرپورٹ سے 2 ملزمان کو گرفتار کرکے 6 کروڑ مالیت کےموبائل برآمد کرلیا۔

    پی آئی اے کی دبئی سےپشاورجانیوالی فلائٹ216خرابی موسم کی وجہ سے اسلام آباد میں اترگئی ، کسٹمز حکام کی جانب سے مشکوک مسافروں کی تلاشی کے دوران کوہاٹ کے محمد عباس سے ایک سو انتالیس قیمتی موبائل فونز برآمد کئے گئے ، دوسرے مسافر سے ایک سو گیارہ قیمتی فون برآمد ہوئے۔

  • ایک کروڑ روپے سے زائد مالیت کے قیمتی موبائل فونز اسمگل کرنے کی کوشش ناکام

    ایک کروڑ روپے سے زائد مالیت کے قیمتی موبائل فونز اسمگل کرنے کی کوشش ناکام

    اسلام آباد: انٹرنیشنل ائرپورٹ پر کسٹمز نے کارروائی کرتے ہوئے ایک کروڑ روپے سے زائد مالیت کے قیمتی موبائل فون اسمگل کرنے کی کوشش ناکام بنادی۔

    تفصیلات کے مطابق اسلام آباد انٹرنیشنل ایئرپورٹ پر کسٹمز نے کارروائی کی اور کارروائی کے دوران قیمتی موبائل فون اسمگل کرنے کی کوشش ناکام بنادی۔

    کسٹم حکام نے بتایا کہ مسافر پرواز کیو آر 614 کے ذریعے اسلام آباد پہنچا ، کسٹم عملے نے مسافر عمر ضمیر کو بین الاقوامی آمد ہال کے قریب سے پکڑلیا۔

    حکام کا کہنا تھا کہ پکڑے جانے والے مسافر ضمیر کا تعلق چکوال سے ہے وہ دبئی سے آیا ہے، قطر سے آنے والے مسافرسے 73 موبائل فون برآمد کئے۔

    کسٹم حکام نے کہا کہ مسافر موبائلز فونز بابت کوئی ٹیکس تفصیل پیش نہیں کرسکا،قبضہ میں لئے گئے موبائلز کی قیمت ایک کروڑ روپے سے زائد ہے۔

    کسٹم حکام نے ملزم عمر ضمیر کے خلاف مقدمہ درج کرکے گرفتار کرلیا گیا ہے۔

  • بیرون ملک سے قیمتی موبائل فونز کی اسمگلنگ، پی آئی اے اہلکارملوث

    بیرون ملک سے قیمتی موبائل فونز کی اسمگلنگ، پی آئی اے اہلکارملوث

    لاہور: بیرون ملک سےقیمتی موبائل فونز کی اسمگلنگ میں پی آئی اےکے اپنےاہلکار ملوث نکلے، بچانےکی کوششوں پرکسٹم انٹلی جنس نے پی آئی اے کو نوٹس دے دیا۔

    اے آر وائی نیوز کو حاصل دستاویزات کےمطابق جمعہ کے روز پی آئی اےکی ایک پرواز پی کے 758لندن سے لاہور آئی، اس پرواز سےآنےوالا پی آئی اےکا فلائیٹ اسٹیورڈ فیصل اکرم اپنےساتھ لندن سےغیر قانونی طور پرتیرہ مہنگےترین موبائل فونز اپنےہمراہ لاہورلیکر آیا۔

    ذرائع کےمطابق خفیہ اطلاع کےباوجود فلائیٹ اسٹیورڈ فیصل اکرم پی آئی اےحکام کی ملی بگھت سےلاکھوں روپےمالیت کے موبائل فونز لیکر تمام چیک پوسٹوں سےگذرکر ائیرپورٹ سےباہر آنےمیں کامیاب ہوگیا۔

     تاہم پی آئی اے کےسیکیورٹی حکام سےباز پرس ہونے پر فیصل اکرم کو روک کر دوبارہ تلاشی لی گئی اور موبائل فونز برآمد کرلئے گئے، لیکن حیرت انگیز طور پر فیصل اکرم کو نہ توگرفتارکیاگیا اور نہ اس سےبرآمد ہونےوالےفونزکسٹم کےحوالےکئےگئےجس پرکسٹم انٹیلی جنس نے پی آئی اےکو شوکاز نوٹس جاری کردیا ہے۔