آئی فون پرو 17 خریدنے والوں کےلیے بڑی خبر آگئی ہے، ایپل نے اس جدید فون کی قیمت لاکھوں میں وصول کرنے کا ارادہ رکھتی ہے۔
ایپل کمپنی اپنے آئی فون سیریز 17 کی مصنوعات کو بھارتی مارکیٹ میں جس قیمت پر متعارف کرائی گی اس حوالے سے خبریں سامنے آئی ہیں جبکہ بڑی تعداد میں اس کی پروڈکشن کا بھی آغاز کردیا گیا ہے۔
بھارتی روپوں میں آئی فون 17 کی قیمت 145،000 روپے کے آس پاس ہوسکتی ہے جبکہ لانچنگ کے بعد اس قیمت میں ردو بدل کا امکان ہے۔
آئی فون 17 میں ٹرپل کیمرہ سیٹ اپ ہوگا جبکہ اس جدید فون میں اے 19 کے سستے فیچر کو بھی متعارف کرایا جائے گا، میڈیا رپوٹس کے مطابق مذکورہ فون پتلا ہونے کے ساتھ ساتھ اس کی ڈسپلے پرفارمنس بھی پہلے سے بہتر ہوگی۔
یہ بھی پڑھیں: آئی فون17 سیریز کی سب سے خاص بات کیا ہوگی؟
حالیہ رپورٹس کے مطابق آئی فون 17 پرو میکس اسی سال ستمبر 2025 میں ریلیز ہونے والا ہے، ٹیکنالوجیکل کمپنی آئی فون کے لانچ کے شیڈول کو پچھلے سالوں کی طرح برقرار رکھ کر اپنی اجارہ داری کو بھی مزید یقینی بنائے گی۔
روایتی طور پر آئی فون کے نئے ماڈل کو ستمبر میں ہی لانچ کیا جاتا ہے، اس بات کا امکان ظاہر کیا گیا ہے کہ ایپل کا سالانہ آئی فون لانچ ایونٹ 9 ستمبر کو ہوگا۔
آئی فون 17 پرو میکس کی بہترین خصوصیات میں سے ایک ویپر چیمبر کولنگ سسٹم ہے، جو عام طور پر اعلیٰ درجے کے گیمنگ فونز میں ڈیمانڈ ٹاسک کے دوران بہتر کارکردگی کے لیے دستیاب ہوتا ہے۔
اس نئے فون میں ایپل A19 پرو چپ کے ساتھ ریم کو 12 جی بی تک بڑھانے کی بھی افواہیں سامنے آئی ہیں۔
اس کے علاوہ ایپل آئی فون 17 پرو میکس میں 6.9 انچ کا پروموشن ڈسپلے بھی پیش کیا جاسکتا ہے، جس میں پتلی بیزلز کے ساتھ ایک سلیک ڈیزائن ایک بہتر ڈائنامک آئی لینڈ اور بہت کچھ پیش کیا جائے گا، آئی فون 17 پرو میکس ایپل کا اب تک کا سب سے طاقتور ڈیوائس ثابت ہو سکتا ہے۔
https://urdu.arynews.tv/foldable-iphone-display-production-begins/