کراچی: ایل پی جی مارکیٹنگ کمپنیز کی جانب سے ایل پی جی کی قیمت میں دس روپے فی کلو کی کمی کردی گئی۔
ایل پی جی کی قیمت میں کمی سے گھریلو سلنڈر ایک سو پندرہ روپے اور کمرشل سلنڈرچارسو ساٹھ روپے سستا ہوگیا۔
ایل پی جی مارکیٹنگ کمپنیز کی جانب سے ایل پی جی کی قیمت میں کمی کے بعد کراچی میں ایل پی جی کی نئی قیمت اسی روپے جبکہ لاہور سمیت پنجاب کے مختلف شہروں میں ایل پی جی کی نئی قیمت پچاسی روپے فی کلو ہوگئی ہے۔
اسلام آباد : تمام تر استفسار کے باوجود درآمدی ایل این جی کی قیمت پر حکومت نے پر اسرار خاموش اختیار کر رکھی ہے۔
ذرائع کے مطابق ایل این جی کی قیمت اندازوں سے کہیں زیادہ ہوسکتی ہے۔ درآمدی ایل این جی کی پنجاب کوترسیل شروع کردی گئی ہے۔ مگر معاہدے کی تفصیلات ابھی تک منظر عام پر نہیں آئیں ۔
ایل این جی کی درآمداور قیمت کے حوالے سے حکومت کی پراسرار خاموشی تنازعے کی شکل اختیار کرگئی ہے۔ درآمدی ایل این جی سوئی سدرن گیس کمپنی کے نیٹ ورک سے گزرتی ہوئی کیپکوکو فراہم کی جارہی ہے۔
وفاقی حکومت تاحال ایل این جی کی ملکیت، درآمدی قیمت اورحکومتی اداروں پی ایس او، سوئی سدرن گیس کمپنی اورسوئی ناردرن گیس کمپنی کے کردارکی بھی وضاحت نہیں کرسکی۔
توقع ہے کہ وزیر پیٹرولیم آج پورٹ قاسم پر ٹرمینل کے درورے کے بعد پریس کانفرنس میں معاہدے کے بارے میں آگاہ کریں گی۔
دوسری جانب سندھ حکومت نے ایل این جی کی درآمدپر تحفظات کااظہار کرتے ہوئے درآمد کیخلاف سپریم کورٹ سے رجوع کرنے کافیصلہ کیاہے۔ سندھ حکومت کے مطابق ایل این جی کی درآمداور ڈسٹری بیوشن میں بھی ابہام موجود ہیں۔
ریاض : عالمی منڈی میں خام تیل کی قیمت پچاس ڈالر فی بیرل کی کم ترین سطح پر پہنچ گئی ہے۔دوسری جانب سعودی عرب نے اپنے ایشیائی خریداروں کیلئے خام تیل کی قیمت میں اضافہ کردیا۔
عالمی منڈی میں امریکی خام تیل کی قیمت پچاس ڈالر فی بیرل جب کہ نارتھ برینٹ خام تیل فروری کے سودے پچپن سینٹس فی بیرل پر ٹریڈ کر رہے ہیں۔
عالمی منڈی میں خام تیل کی قیمت میں مسلسل کمی ریکارڈ کی جارہی مگر سعودی عرب نے عرب لائٹ کے ایشیائی خریداروں کیلئے قیمت میں ایک ڈالر بیس سینٹس کا اضافہ کر دیا ہے۔
یورپ اور امریکہ کیلئے قیمتوں میں کمی کی گئی ہے ۔معاشی تجزیہ کاروں کے مطابق سعودی عرب کا یہ فیصلہ قیمتوں میں کمی کیلئے نہیں بلکہ امریکہ اور یورپ میں مارکیٹ شیئر کو بچانے کیلئے ہے۔
اسلام آباد : بین الاقوامی مارکیٹ میں ایل پی جی کی قیمت میں 148ڈالر فی میٹرک ٹن قیمت میں کمی کے بعدمقامی مارکیٹ میں ایل پی جی کی قیمت میں 17روپے 50پیسہ کی کمی ہو گئی ۔
ایل پی جی ڈسٹری بیوٹرز ایسوسی ایشن کے چیئرمین عرفان کھوکھر نے کہا ہے کہ قیمت میں کمی خوش آئندبات ہے۔ ایل پی جی کی قیمت میں کمی کے بعد انٹرنیشنل مارکیٹ میں قیمت 753ڈالر سے کم ہو کر 605ڈالر فی ٹن پر آگئی۔
جس کے بعد لوکل مارکیٹ میں ایل پی جی کی قیمت میں 17روپے 50پیسہ ، 206روپے گھریلو سلنڈر، 795روپے کمرشل سلنڈر اور 17500روپے فی میٹرک ٹن کی قیمت میں کمی کا امکان ہے۔
وزیراعظم پاکستان سے اپیل ہے کہ اوگرا قانون کے مطابق بین الاقوامی قیمت سے ہمیشہ لوکل پروڈیوسرز کی قیمت تقریبا 8ہزار سے10ہزار فی ٹن قیمت کم ہوتی ہے لہٰذا نئی قیمت پر فوری عمل درامد کروایا جائے۔
اسلام آباد: عالمی منڈی میں خام تیل کی قیمت ستائیس ماہ کی کم ترین سطح پر دیکھی جارہی ہے،نیویارک خام تیل نومبر کے سودے اکیانوے ڈالر پچھتر سینٹس فی بیرل جب کہ نارتھ برینٹ خام تیل نومبر کے سودے چورانوے ڈالر فی سینٹس پر فروخت ہوئے۔
اوپیک ممالک کے خام تیل عرب لائٹ کی قیمت ایک ڈالر پانچ سینٹس کمی کے بعد بانوے ڈالر اکیتس سینٹس پر فروخت ہورہا ہے۔ تجزیہ کاروں کے مطابق خام تیل کی عالمی قیمتیں وافر سپلائی اور امریکی ڈالر کی قدر میں اضافے کی وجہ سےکمی دیکھی جارہی ہے۔
کراچی: انٹر بینک اور اوپن مارکیٹ میں روپے کے مقابلے میں ڈالر کی قدر میں معمولی کمی ریکارڈ کی جارہی ہے،انٹر بینک مارکیٹ میں ڈالر کی قدر پانچ پیسے کمی کے بعد ایک سو دو روپے اسی پیسے ہوگئی ۔
اوپن مارکیٹ میں ڈالر کی قیمت خرید ایک سو دو روپے ستر پیسے جبکہ قیمت فروخت ایک سو دو روپے نوئےپیسے رہی۔
برطانوی پاونڈ کی قیمت فروخت ایک سو اڑسٹھ روپے، کنیڈین ڈالر تیرانوئے روپے پچاس پیسے ، یورو ایک سو بتیس روپے ،سعودی ریال ستائس روپے پینتیس پیسے ، یو اے ای درہم اٹھائیس روپے جبکہ چینی یوان اور جاپانی ین بالترتیب سترہ روپے پچاس پیسے اور پچانوے پیسے میں فروخت ہورہا ہے۔
کراچی: عیدِ قرباں سے پہلے عید پراستعمال ہونے والی سبزیوں کی قیمتیں آسمان سے باتیں کر نے لگیں ٹماٹر کی فی کلو قیمت ایک سو روپے سے تجاوز کر گئی۔
عیدِ قرباں قریب آتے ہی جہاں جانوروں کی قیمتیں آسمان سے باتیں کرنے لگی ہیں وہیں سبزیوں کی قیمتوں کا پارا بھی چڑھ گیا۔ کراچی میں ٹماٹر ایک تو مل نہیں رہے اور اگر مل رہے ہیں تو ان کی قیمت صارفین کے ہوش اڑا دینے کیلئے کافی ہیں۔
مارکیٹ میں ٹماٹر ایک سوتیس روپے کلو، میں فروخت ہورہا ہے، اسی طرح پیاز نوے روپے کلو، لہسن چالیس اور ادرک ساٹھ روپے پاؤ فروخت ہو رہا ہے تو دھنیے اور پودینے کی گڈی بیس روپے سے کم میں نہیں مل رہی۔
منافع خور عید قربان پر شہریوں سےدگنامنافع وصول رہے ہیں اور بہانہ سیلاب کا بنا رہے ہیں۔
اسلام آباد: نیپرا نے بجلی کی قیمتوں میں اضافے کیلئے عوامی سماعت شروع کردی۔تقسیم کار کمپنیوں نے فی یونٹ قیمت میں تینتالیس پیسے اضافے کی درخواست کی ہے۔ٹیرف میں اضافے کیلئے سنٹرل پاور پرچیزنگ ایجنسی نے نیپرا کو درخواست دی تھی۔
تقسیم کار کمپنیوں نے نیپراکو ماہ جولائی کے لئے تینتالیس پیسے فی یونٹ اضافے کیلئے درخواست دی ہے۔ یہ اضافہ فیول ایڈجسٹمنٹ کی مد میں کیاجائےگا۔
درخواست کےمطابق جولائی کیلئے فی یونٹ قیمت سات روپے چھ پیسے مقرر کی گئی تھی لیکن لاگت سات روپےانچاس پیسے رہی جس کے باعث قیمتوں میں اضافے کیلئے درخواست کی گئی ہے
کراچی : حکومت کی جانب سے یوٹیلیٹی اسٹورز پر آئندہ چند روز میں چینی پر سبسڈی ختم کرنے کا امکان ہے۔تفصیلات کے مطابق ملک بھر کے یوٹیلیٹی اسٹورز پر چینی کی قیمت میں 6 روپے سے لے 11 روپے کا اضافہ متوقع ہے۔ سندھ بلوچستان اور ضلع رحیم یار خان میں چینی کی فی کلو قیمت 6 روپے اضافے کے بعد 55 روپے ہوگئی۔
پنجاب کے مختلف شہروں میں یوٹیلیٹی اسٹورز پر چینی 56 روپے کی ہوگئی۔ گلگت چترال میں چینی 67 روپے ،ایبٹ آباد میں 60 اور پشاور میں 58 روپے کی ہوگئی یوٹیلٹی اسٹورز میں گھی اور تیل کی قیمت میں 5سے 7 روپے کی کمی یوٹیلیٹی اسٹورز پر گھی کی قیمت 5 روپے کمی کے بعد 140 روپے فی کلو ہوگی .تیل کی قیمت 7 روپے کمی کے بعد 150 روپے فی لیٹر ہوگئی ۔ برانڈڈ تیل اور گھی کی قیمت میں2سے 3 روپے کی کمی ریکارڈ کی گئی ہے۔
اسلام آباد: اگست کے پہلے ہفتے کے دوران کم آمدنی والے طبقے کے لئے قیمتوں کے حساس اعشاریئے میں صفر اعشایہ چار پانچ فیصد کمی ریکارڈ کی گئی ،پاکستان بیورو شماریات کے مطابق کم ماہانہ آمدنی والے طبقے کیلئے آٹھ اگست کو ختم ہونے والے ہفتے کے دوران قیمتوں کے حساس اعشاریہ میں صفر اعشاریہ چار پانچ فیصد کمی ریکارڈ کی گئی۔
اس ہفتے کے دورا ن گندم،آٹا ،ادرک، مٹن،بیف ،دودھ، دہی ، چینی ، انڈے اور دال ماش سمیت بارہ اشیائے ضروریہ کی قیمتوں میں اضافہ ہوا، آلو،ٹماٹر، کیلا،پیاز ،،گڑ ،ایل پی جی ،مسور کی دال اور مونگ کی دال سمیت تیرہ اشیائے ضروریہ کی قیمتوں میں کمی ریکارڈ کی گئی ، ادارہ شماریات کے مطابق اٹھائیس اشیائےصرف کی قیمتوں میں استحکام رہا۔