ARYNews.tv | Urdu – Har Lamha Bakhabar

Tag: لائن آف کنٹرول

  • اقوام متحدہ کے مبصرین کی جی ایچ کیو آمد

    اقوام متحدہ کے مبصرین کی جی ایچ کیو آمد

    راولپنڈی: بھارتی فوج کی فائرنگ سے 4 بچوں کی شہادت پر اقوام متحدہ کے مبصرین نے راولپنڈی میں جی ایچ کیو کا دورہ کیا۔ مبصرین کو واقعے کی تفصیلات سے آگاہ کیا گیا اور انہیں دستاویزات دی گئیں۔

    ایل او سی پر بھارتی فوج کی اشتعال انگیزی جاری ہے۔ بارود اگلتی بندوقوں نے 3 بچیوں اور ایک لڑکے کی جان لے لی۔ پاک فوج نے اقوام متحدہ سے نوٹس لینے کا مطالبہ کردیا۔

    ترجمان دفتر خارجہ کے مطابق اقوام متحدہ کے فوجی مبصرین نے جی ایچ کیو میں فوجی حکام سے ملاقات کی۔ بھارتی فورسز کے ہاتھوں 4 بچوں کی شہادت کی دستاویزات مبصرین کے حوالے کی گئیں اور تحقیقات کی درخواست کی گئی۔

    ترجمان دفتر خارجہ کا کہنا ہے کہ بھارتی وزیر دفاع مسلسل پاکستان مخالف بیانات داغ رہے ہیں۔ بھارت پاکستان کو غیر مستحکم کرنے کی کوشش کر رہا ہے۔

    واضح رہے کہ دفتر خارجہ کے مطابق رواں برس بھارت نے لائن آف کنٹرول پر 222 بار سیز فائر کی خلاف ورزی کی جس کے باعث 26 معصوم شہری شہید اور 107 زخمی ہوئے۔

    ایک روز قبل پاک فوج نے پاکستانی حدود میں آنے والا بھارتی ڈرون طیارہ مار گرایا تھا۔ طیارہ پاکستانی چوکیوں کی طرف 60 میٹر تک آیا تھا۔ ڈرون کا مقصد چوکیوں کی جگہ اور اطراف کی تصاویر اور ویڈیو حاصل کرنا تھا۔

    اس سے قبل بھی بھارتی بحریہ کی آبدوز نے پاکستان کے سمندروں میں داخل ہونے کی کوشش کی تھی تاہم پاک بحریہ نے بر وقت ردعمل دیتے ہوئے اسے ناکام بنا دیا۔

  • پاکستان نے اپنی حدود میں آنے والا بھارتی ڈرون مار گرایا

    پاکستان نے اپنی حدود میں آنے والا بھارتی ڈرون مار گرایا

    راولپنڈی: پاک فوج نے پاکستانی حدود میں داخل ہونے والے بھارتی ڈرون کو مار گرایا، ڈرون 60 میٹر تک پاکستانی حدود میں داخل ہوگیا تھا۔

    تفصیلات کے مطابق بھارت کی جانب سے فائرنگ کے ساتھ ساتھ ایل اوی سی پر جاسوسی کی کوششیں بھی جاری ہیں،آج ہفتے کو بھارتی ڈرون طیارہ کوئیڈ کاپٹر ایل او سی کے دکھ چکری سیکٹر میں 60 میٹر تک پاکستانی حدود میں داخل ہوا جسے پاک فوج کے اہلکاروں  نے مار گرایا۔

    نمائندہ اے آر وائی نیوز لئیق الرحمان نے بتایا کہہ ملبہ پاکستانی حدود میں گرا ہے آئی ایس پی آر نے ڈرون گرانے کی تصدیق کی ہے۔

    ڈی جی آئی ایس پی آر عاصم باجوہ نے ڈرون گرانے اور ملبہ پاک فوج کے قبضے میں آنے کی تصدیق کرتے ہوئے بتایا ہے کہ ڈرون جلد پاک فوج کے آئی ٹی ڈپارٹمنٹ کے حوالے کیا جائے گا جو اس میں موجود ڈیٹا حاصل کرکے اس کا جائزہ لیا جائے گا۔

    لئیق الرحمان نے بتایا کہ یہ شام کا واقعہ ہے جہاں بھارتی جاسوس طیارہ گرایا گیا، طیارہ پاکستانی چوکیوں کی طرف 60 میٹر تک آیا، ڈرون کا مقصد چوکیوں کی جگہ اور اطراف کی تصاویر اور ویڈیو حاصل کرنا تھا، ڈرون کو ایل او سی پر موجود آگاہی دینے والے نے گرایا۔

    لئیق الرحمان نے بتایا کہ ایل او سی پر پاک فوج کی جانب سے اینٹی ایئرکرافٹ گنز نصب کی گئی ہیں ان کی مدد سے ڈرون گرایا گیا۔

    یہ پڑھیں: بھارتی فوج کی بلا اشتعال فائرنگ،4 بچے شہید

    واضح رہے کہ آج ہی کے دن یہ تیسرا واقعہ ہے، قبل ازیں ایل او سی پر فائرنگ کی گئی جس کے نتیجے میں 4 افراد جاں بحق ہوئے،  سمندری حدود کی خلاف ورزی کی گئی جس میں متعدد بھارتی باشندے گرفتار ہوئے اور اب ڈرون طیارے کے ذریعے سرحدی حدود کی خلاف ورزی کی گئی جسے گرادیا گیا۔

    ایک روز قبل بھارتی بحریہ کی آبدوز نے پاکستان کے سمندروں میں داخل ہونے کی کوشش کو تاہم پاک بحریہ نے بر وقت ردعمل دیتے ہوئے اسے ناکام بنادیا۔

    یہ بھی پڑھیں: پاک بحریہ نے بھارتی آبدوز کو سمندری حدود میں داخل ہونے سے روک دیا

    تجزیہ کاروں کے مطابق کواڈ کوپٹر ڈرون کی شکل کا ہی طیارہ ہوتاہے جو کہ سرحد پار فوجی نقل و حرکت کا جائزہ لینے اور جاسوسی کے لیے استعمال کیا جاتاہے، بھارتی فوج کی جانب سے ڈورن بھیجنے کا مقصد پاکستان کے حساس علاقوں کی تصاویر لینا تھا۔

    تجزیہ کار امجد شعیب نے کہا کہ ڈرون کا پاکستانی حدود میں موجود ملبہ دنیا کو دکھانے کے لیے واضح ثبوت ہے جس طرح کلبھوشن ایک ثبوت ہے۔

  • ایل او سی: بھارتی فوج کی بلا اشتعال فائرنگ سے 4 بچے شہید، متعدد زخمی

    ایل او سی: بھارتی فوج کی بلا اشتعال فائرنگ سے 4 بچے شہید، متعدد زخمی

    راولپنڈی: بھارتی فورسز جارحیت سے باز نہ آئیں، ایک بار پھر ایل او سی کے مختلف سیکٹرز پر فائرنگ کردی جس کے باعث ایک ہی خاندان کی تین بچیاں اور ایک 15سالہ لڑکا شہید اور 5 زخمی ہوگئے۔

    تفصیلات کے مطابق بھارت کا جنگی جنون کم نہیں ہورہا اور وہ اپنی بزدلانہ حرکتوں سے باز نہیں آرہی، بھارتی فوجی نے ہفتے کو ایل او سی کے مخلتف سیکٹرز پر فائرنگ کی اور آبادی کو نشانہ بنایا جس کے نتیجے میں ایک ہی خاندان کے 4 افراد شہید ہوگئے جن میں ایک بھائی، دو بہنیں اور ایک کزن جاں بحق ہوگئے۔

    بھارتی فوج نے ہفتے کو لائن آف کنٹرول کے نزدک ضلع کوٹلی میں واقع کھوئی رٹہ سیکٹر پر فائرنگ کی اور آبادی کو نشانہ بنایا جس کے نیتجے میں 16سالہ شہزاد سمیت چار، سات اور گیارہ سال کی تین بچیاں شہید ہوگئے، ان میں دو بہنیں اور ایک کزن شامل ہیں، جب کہ زخمی علیحدہ ہیں۔

    آئی ایس پی آر نے 4 افراد کی شہادت کی تصدیق کی ہے،آخری اطلاعات آنے تک کھوئی رٹہ میں فائرنگ کا سلسلہ جاری رہا۔

    برطانوی نشریاتی ادارے کے مطابق بھارتی افواج نے شہری آبادی پر گولہ باری کی اور آرٹلری بھی فائر کیے، گولے مکانات پر گرے جس کے نتیجے میں ہلاکتیں ہوئی، ہلاک شدگان اور زخمی افراد کا تعلق ایک ہی خاندان سے ہے جن میں سے دو افراد کی حالت تشویش ناک ہے۔

    آئی ایس پی آر کے مطابق آج صبح بھی بھارتی فوج نے بھمبر سیکٹر میں بروہ اور ٹانڈر کے علاقوں میں بلا اشتعال فائرنگ کی۔ پاک فوج نے بھارتی فوج کو دندان شکن جواب دیا۔

    بھارتی فوج کی جانب سے فائر بندی کی مسلسل خلاف ورزیوں کے باعث سرحدی کشیدگی میں اضافہ اور عوام میں تشویش پائی جاتی ہے۔

    یاد رہے کہ گزشتہ روز بھارتی بحریہ کی آبدوز نے پاکستان کے سمندروں میں داخل ہونے کی کوشش تھی جس کو پاک بحریہ نے بر وقت ردعمل دیتے ہوئے ناکام بنا دیا تھا۔

  • اقوام متحدہ کا لائن آف کنٹرول پر جاری کشیدگی پر تحفظات کا اظہار

    اقوام متحدہ کا لائن آف کنٹرول پر جاری کشیدگی پر تحفظات کا اظہار

    نیویارک: اقوام متحدہ نے ڈیڑھ ماہ سے زائد جاری کنٹرول لائن اور ورکنگ بانڈری پر بھارتی جارحیت پر تحفظات کا اظہار کر دیا۔ اقوام متحدہ نے دونوں ممالک کو مل کر مسائل حل کرنے کا مشورہ بھی دے دیا۔

    اقوام متحدہ نے گزشتہ ڈیڑھ ماہ سے کنٹرول لائن پر جاری کشیدگی پر اپنے تحفظات کا اظہار کردیا لیکن ساتھ ہی کچھ کرنے کے حوالے سے اپنا دامن صاف بچالیا۔

    اقوام متحدہ کا کہنا ہے کہ پاکستان اور بھارت کو کشمیر سمیت تمام مسائل کا حل مذاکرات سے نکالنا چاہیئے۔

    واضح رہے کہ بھارت نے گزشتہ روز بھمبر سیکٹر پر بلا اشتعال فائرنگ کی تھی جس کے نتیجے میں پاک فوج کے 7 جوان شہید ہوگئے تھے۔ بھارتی جارحیت کے خلاف دفتر خارجہ نے بھارتی ہائی کمشنر کو طلب کرکے اپنا سخت احتجاج بھی ریکارڈ کروایا تھا۔

    دوسری جانب ڈی جی آئی ایس پی آر عاصم باجوہ کا کہنا ہے کہ لائن آف کنٹرول کی خلاف ورزی پر ہم نے ہمیشہ جواب دیا اور کبھی خاموش نہیں رہے۔

    اے آر وائی نیوز کے پروگرام پاور پلے میں گفتگو کرتے ہوئے انہوں نے بتایا کہ سال 2016 میں بھارت نے اب تک ایل او سی پر 199 بار اور ورکنگ باؤنڈری پر 38 بار فائرنگ کی۔ جارحیت میں ستمبر کے بعد انتہائی تیزی آئی۔ ورکنگ باؤنڈری پر اکتوبر سے قبل صرف ایک بار لیکن اکتوبر سے اب تک 37 بار فائرنگ ہوئی۔

    عاصم باجوہ کا کہنا تھا کہ سرحدوں پر پاک فوج کی جوابی کارروائی میں مارے گئے بھارتی فوجیوں کی ہلاکتوں کی تعداد ہمارے شہید فوجیوں سے 3 گنا زائد ہے۔ بھارت ہلاکتیں چھپاتا ہے لیکن ہم اپنی شہادتیں نہیں چھپاتے۔

  • بھارتی جارحیت کا منہ توڑ جواب دیا جائے گا، آرمی چیف راحیل شریف

    بھارتی جارحیت کا منہ توڑ جواب دیا جائے گا، آرمی چیف راحیل شریف

    جہلم : آرمی چیف جنرل راحیل شریف کا کہنا ہے کہ کسی بھی اشتعال انگیزی کا بھرپور اور منہ توڑ جواب دیا جائے گا،پاک فوج ملک کے دفاع کے لیے ہر سطح تک جائے گی۔

    پاک فوج کے شعبہ تعلقاتِ عامہ (آئی ایس پی آر) کے ترجمان کے ،طابق آرمی چیف جنرل راحیل شریف نے آج جہلم کا دورہ کیا اور لائن آف کنٹرول پر بھارتی جارحیت کے نتیجے میں شہید ہونے والے جوانوں کی نمازجنازہ میں شرکت کی اور فاتحہ خوانی کی اور جوانوں کی بہادری اور قربانی کو سراہا۔

    بعد ازاں آرمی چیف نے لائن آف کنٹرول پر پیدا ہونے والی صورت حال کا جائزہ لینے کے لیے ایک اجلاس میں بھی شر کت کی جس میں انہیں لائن آف کنٹرول تازہ تر ین صورتحال پر بر یفنگ دی گئی۔

     اسی سے متعلق : بھمبرسیکٹر میں بھارت کی اشتعال انگیزی،7 فوجی جوان شہید

    اس موقع پر جنرل راحیل شریف کا کہنا تھا کہ مادر وطن کے دفاع کیلئے ہر سطح تک جائیں گے اور ملک کی سالمیت اور بقا کے لیے کسی بھی قربانی سے دریغ نہیں کیا جائے گا۔

    واضح رہے آج بھمبر سیکٹر میں بھارتی فوج کی بلا اشتعال فائرنگ کے نتیجے میں پاک فوج کے 7 جوان شہید ہوگئے تھے آرمی چیف انہی شہداء کی آخری رسومات میں شرکت کے لیے جہلم پہنچے تھے۔

  • ایل او سی پر بھارتی جارحیت، بھارتی ڈپٹی ہائی کمشنر کی دفتر خارجہ طلبی

    ایل او سی پر بھارتی جارحیت، بھارتی ڈپٹی ہائی کمشنر کی دفتر خارجہ طلبی

    اسلام آباد: پاکستان نے کھوئی رٹہ، بٹل سیکٹرز سمیت لائن آف کنٹرول پر فائر بندی کی خلاف ورزیوں کے خلاف بھارتی ڈپٹی ہائی کمشنر کو دفتر خارجہ طلب کر کے احتجاج ریکارڈ کروایا۔

    دفتر خارجہ نے بھارت کی جانب سے لائن آف کنٹرول کی مسلسل خلاف ورزی پر بھارتی ڈپٹی ہائی کمشنر کو طلب کر کے شدید احتجاج کیا ہے۔

    دفتر خارجہ کے اعلامیہ میں کہا گیا ہے کہ بھارتی فورسز کی جانب سے گزشتہ روز سیز فائر کی خلاف ورزیوں کے باعث 4 شہری شہید اور 7 زخمی ہوئے۔

    اعلامیہ میں مزید کہا گیا ہے کہ بھارت 2003 کے سمجھوتے کی پاسداری کرے۔ علاوہ ازیں سارک فورم کے ذریعے سیز فائر کی مسلسل خلاف ورزیوں کی تحقیقات کروائی جائیں۔

    اعلامیہ میں سارک ممالک پر زور دیتے ہوئے کہا گیا ہے کہ بھارتی فورسز کو پابند بنایا جائے کہ وہ سیز فائر کا احترام کریں، شہری آبادی کو نشانہ نہ بنائیں اور ایل او سی پر امن کو یقینی بنایا جائے۔

    واضح رہے کہ رواں برس بھارت نے لائن آف کنٹرول پر 222 بار سیز فائر کی خلاف ورزی کی جس کے باعث 26 معصوم شہری شہید اور 107 زخمی ہوئے۔

  • وفاقی کابینہ کا لائن آف کنٹرول کے متاثرین کو امدادی پیکج دینے کا اعلان

    وفاقی کابینہ کا لائن آف کنٹرول کے متاثرین کو امدادی پیکج دینے کا اعلان

    اسلام آباد : وزیر اعظم پاکستان کی زیر صدارت ہونے والے وفاقی کابینہ کا اجلاس میں ورکنگ باؤنڈری پر بھارت کی بلا اشتعال فائرنگ کے نتیجے میں ہونے والے جانی و مالی نقصان کے متاثرین کے لئے امدادی پیکج دینے کا فیصلہ کیا گیا ہے۔

    کابینہ کے اجلاس سے خطاب میں وزیر اعظم نے کہا کہ پانامہ پیپرز کا معاملہ سپریم کورٹ کے زریعے ہی حل ہوگا عوام نے احتجاجی سیاست کومستردکردیا ہے ہم نے ذاتی حیثیت میں سپریم کورٹ کوکمیشن بنانے کی درخواست کی۔

    اسی سے متعلق : چوہدری نثار نے ریاست کی حفاظت کے لیے اپنافرض اداکیا،وزیراعظم

    انہوں نے کہا کہ عدالتی کمیشن کی تشکیل سے قبل ہم نے ایک قانون بھی تشکیل دیا تھا اور ایک پارلیمانی کمیٹی بھی تشکیل دی تھی لیکن ہماری ان کاوشوں کو سراہا نہیں گیا۔

    وزیراعظم نے کہا کہ  اب اللہ کا بڑا کرم ہے کہ یہ معاملہ سپریم کورٹ میں آچکا ہے،کمیشن بن چکا ہے اور سیاہ و سفید جو بھی ہے سامنے آجائے گا۔

    وزیراعظم کا مزید کہنا تھا کہ احتجاج کرنے والوں کا مقصد یہ تھا کہ پانامہ پیپرز کی آڑ میں اپنی سیاست چمکائی جائے اور اس معاملے کو صرف اور صرف سڑکوں پر اُچھالا جائے.ہم نے عدالتی کمیشن بنا کر ابتشار کی سیاست کرنے والوں کا راستہ بند کردیا،کمیشن میں آئین اور قانون کے مطابق فیصلہ ہوگا۔

    وزیراعظم پاکستان نے کہا کہ میں پاکستان کے عوام کا شکرگزار ہوں جنہوں نے سڑکوں پر احتجاج کو مسترد کردیا اور حکومت کے ہاتھ مضبوط کیے تا کہ نئے موٹر وے بنیں اور سی پیک کا منصوبہ پایہ تکمیل تک پہنچے تا کہ ملک ترقی کی راہ میں گامزن ہو۔

    انہوں نے مزید کہا کہ ہمارا موقف پہلے دن ہی سے بڑا واضح ہے ،اب ہمیں مزید محنت کرنی ہے،قوم کے مسائل حل کرنے کے لئے اور معاشی بہتری کے لئے دن رات کام کرنا ہے ۔

  • بھارتی فوج کی ایک بار پھر ایل او سی پر بلا اشتعال فائرنگ، پاک فوج کا منہ توڑ جواب

    بھارتی فوج کی ایک بار پھر ایل او سی پر بلا اشتعال فائرنگ، پاک فوج کا منہ توڑ جواب

    راولپنڈی: بھارتی فوج نے ایک بار پھر لائن آف کنٹرول پر بلا اشتعال فائرنگ کا سلسلہ شروع کردیا ہے۔ کیل، نکیال، جندروٹ سیکٹرز میں فائرنگ کا سلسلہ جاری ہے۔ پاک فوج کی جانب سے بھارت کو منہ توڑ جواب دیا گیا۔

    آئی ایس پی آر کے مطابق بھارتی فوج نے لائن آف کنٹرول کے کیل، نکیال، جندروٹ سیکٹرز میں بلا اشتعال فائرنگ کا سلسلہ شروع کردیا ہے۔ فائرنگ میں آبادی کو بھی نشانہ بنایا جارہا ہے۔

    بھارت کی جانب سے فائرنگ میں مختلف ہتھیاروں کا استعمال کیا جارہا ہے۔

    پاک فوج کی جانب سے بھارت کو منہ توڑ جواب دیا گیا۔ پاک فوج نے کئی بھارتی چیک پوسٹوں کو نشانہ بنایا اور اس طرف سے نقصان کی اطلاعات موصول ہوئی ہیں۔

    واضح رہے کہ دو روز قبل ہارٹ اسپرنگ، جند روڈ اور نکیال سیکٹر پر کی جانے والی بھارتی فائرنگ سے ایک خاتون شہید اور سات افراد زخمی ہوگئے تھے۔

    دوسری جانب ترجمان دفتر خارجہ نفیس زکریا کا کہنا ہے کہ بھارت نے رواں سال 90 سے زائد مرتبہ کنٹرول لائن پر بلا اشتعال فائرنگ کر کے سیز فائر معاہدے کی خلاف ورزی کی ہے۔

  • بھارتی فوج کی ایک بار پھر ایل او سی پر بلا اشتعال فائرنگ

    بھارتی فوج کی ایک بار پھر ایل او سی پر بلا اشتعال فائرنگ

    راولپنڈی: بھارتی فوج نے ایک بار پھر ایل او سی ورکنگ باؤنڈری پر بلا اشتعال فائرنگ شروع کردی ہے۔ پاک فوج بھارتی فائرنگ کا بھرپور جواب دے رہی ہے۔

    آئی ایس پی آر کے مطابق بھارتی فورسز نے بھمبر اور چپڑاڑ سیکٹر میں بلا اشتعال فائرنگ کی۔ آخری اطلاعات تک بھارتی فورسز کی بلا اشتعال فائرنگ جاری ہے۔

    کل صبح بھی بھارتی سیکیورٹی فورسز نے ایل او سی پر پاکستانی علاقوں میں 2 مختلف مقامات پر بلااشتعال فائرنگ کی تھی جس کے نتیجے میں 1 بچی اور 1 شہری جاں بحق جبکہ 7 افراد زخمی ہوگئے تھے۔

    ایل او سی پر بھارتی فورسز کی بلا اشتعال فائرنگ سے 2 شہریوں کی شہادت پر آج صبح دفتر خارجہ نے بھارتی ڈپٹی کمشنر جے پی سنگھ کو بھی طلب کیا جہاں ڈی جی ساؤتھ ایشیا نے انہیں احتجاجی مراسلہ دیا۔

    دوسری جانب ترجمان دفتر خارجہ کا کہنا ہے کہ بھارت نے رواں سال 90 مرتبہ ایل او سی پر بلا اشتعال فائرنگ کر کے سیز فائر معائدے کی خلاف ورزی کی ہے۔

  • آرمی چیف کا لائن آف کنٹرول کا دورہ،جوانوں سےملاقات

    آرمی چیف کا لائن آف کنٹرول کا دورہ،جوانوں سےملاقات

    راولپنڈی : آرمی چیف جنرل راحیل شریف نے لائن آف کنٹرول پر حاجی پیر سیکٹر کا دورہ کیا اور اگلے مورچوں پر جوانوں سے ملاقاتیں کیں۔

    آئی ایس پی آر کے مطابق پاک فوج کے سربراہ جنرل راحیل شریف نے لائن آف کنٹرول پر حاجی پیر سیکٹر سمیت اگلے مورچوں کادورہ کیا اس موقع پر لیفٹیننٹ جنرل ملک ظفر اقبال بھی آرمی چیف کے ہمراہ تھے۔

    آرمی چیف جنرل راحیل شریف کو فارمیشن کمانڈر کی جانب سے لائن آف کنٹرول کی تازہ ترین صورت حال سمیت جوانون کی تیاریوں کے حوالے سے بریفنگ دی گئی۔

    جنرل راحیل شریف نے لائن آف کنٹرول پر جوانوں سے خطاب کرتے ہوئےجوانوں کی تیاریوں اور لائن آف کنٹرول پر کڑی نگرانی کے عمل کی تعریف کی۔

    اس موقع پر آرمی چیف جنرل راحیل شریف سے ملاقات کے دوران پاک فوج کے جوانوں کا کہناتھا کہ ان کےحوصلے بلند ہیں اور وہ وطن کی خاطر جان بھی دیں گے لیکن وطن کی خودمختاری پر آنچ نہیں آنے دیں گے۔

    پاک فوج کے سربراہ نے جوانوں کے حوصلے کی تعریف کرتے ہوئے کہا کہ پوری قوم ان کی طرف دیکھ ری ہے اور ان کی ذمہ داری ہے کہ وہ ہرممکن تیاریوں کو یقینی بنائیں تاکہ لائن کنٹرول کے قریب موجود آبادیوں کو نقصان نہ ہو۔