ARYNews.tv | Urdu – Har Lamha Bakhabar

Tag: لائیو نشریات

  • ایرانی بہادر خاتون اینکر اسرائیلی حملے کے فوراً بعد دوبارہ لائیو نشریات کرنے آگئی

    ایرانی بہادر خاتون اینکر اسرائیلی حملے کے فوراً بعد دوبارہ لائیو نشریات کرنے آگئی

    ایران کی بہادر خاتون اینکر اسرائیلی حملے کے فوراً بعد دوبارہ لائیو نشریات کرنے اسٹوڈیو میں واپس آگئی، سحرامامی نے دوبارہ نشریات سنبھال لیں۔

    تفصیلات کے مطابق ایرانی اینکر سحر امامی اسرائیلی حملے کے بعد براہ راست نشریات کے دوران نشست سے اٹھیں اور دوبارہ آکربیٹھ گئیں، اسرائیلی حملے کے بعد ایرانی ٹی وی کا اسٹوڈیو ’’اللہ اکبر‘‘ کے نعروں سے گونج اٹھا۔

    جس وقت اسرائیلی حملہ کیا گیا اینکر نے جملے ادا کیے کہ یہ سچ پر ایک جارح کا حملہ ہے، حملے کے بعد دوبارہ نشست پر براجمان ہونے کے بعد سحر نے گفتگو جاری رکھی۔

    iran israel تمام خبریں

    الجزیرہ ٹی وی نے بتایا کہ سحرامامی ایران کی معروف ترین نیوزاینکرز میں سے ایک ہیں، سحر امامی نے نشریات میں للکارتے ہوئے کہا کہ آپ جو سن رہے تھے وہ سچ پر حملے کی آواز تھی۔

    خیال رہے کہ اسرائیل کے وزیر دفاع کی جانب سے ایران کے سرکاری ٹی وی اور ریڈیو کو دھمکیوں کے کچھ دیر بعد ہی اسرائیل نے سرکاری ٹی وی کی عمارت پر میزائل حملہ کیا ہے، خاتون اینکر لائیو نشریات کے دوران خدمات انجام دے رہی تھی کہ اسرائیلی میزائل عمارت پرگرا۔

    الجزیرہ ٹی وی نے مزید بتایا تھا کہ ایرانی سرکاری ٹی وی پرحملہ اسرائیل کی جنگی حکمت عملی کا حصہ ہے، اسرائیل ماضی میں بھی میڈیا اداروں پر حملے کرتا رہا ہے، حزب اللہ سے منسلک المنارٹی وی پر بھی اسرائیل حملے کرچکا ہے۔

    https://urdu.arynews.tv/israel-attacks-iranian-state-tv-during-live-broadcast/

  • میرا بیٹا مجھ پر بہت ظلم کرتا ہے، ماں کی لائیو نشریات میں فریاد

    میرا بیٹا مجھ پر بہت ظلم کرتا ہے، ماں کی لائیو نشریات میں فریاد

    اپنے بیٹے کی ظلم کی داستان سناتے ہوئے مظلوم ماں روپڑی، شہناز نامی خاتوں نے بتایا کہ بیٹا انھیں اذیت دیتا اور تشدد کا بھی نشانہ بناتا ہے۔

    اے آر وائی نیوز کے پروگرام گڈ مارننگ پاکستان میں لائیو کال کے دوران شہناز نامی خاتون نے اپنی دکھ بھری داستان سنائی جس نے میزبان اور وہاں موجود مہمانوں کو آبدیدہ کردیا، شہناز نے بتایا کہ میرا ایک بیٹا اور دو بیٹیاں ہیں، بیٹا مجھ پر بہت ظلم کرتا ہے۔

    شہناز نے بتایا کہ میرا بیٹا مجھ سے کہتا ہے کھانا پکائو، برتن دھو، کپڑے دھو، کپڑے گندے ہوتے ہیں تو اٹھا کرمیرے منہ پر پھینک دیتا ہے۔

    وہ دسترخوان سے کھانا اٹھا کر پھینک دیتا ہے، مجھے مارتا ہے پیٹتا ہے، اپنے باپ کےلیے دوائیوں کے پیسے تک نہیں دیتا ہے، کہتا ہے دونوں بیٹیوں کو کام پر لگائو خود بھی کام کرو، بتا نہیں سکتی کہ کیسے گزارا ہورہا ہے میرا۔

    میرا بیٹا کسی ہوٹل پر کام کرتا ہے، میں سلائی کرکے گزارا کرتا ہوں، وہ میری اولاد ہے اس لیے بددعا نہیں دیتی ہوں، میں یہی دعادیتی ہوں کہ اللہ پاک ان کا نیک ہدایت دے۔

  • ویڈیو: مسلح گینگ ٹی وی کی لائیو نشریات کے دوران اسٹوڈیو میں گھس گیا

    ویڈیو: مسلح گینگ ٹی وی کی لائیو نشریات کے دوران اسٹوڈیو میں گھس گیا

    کوئٹو: جنوبی امریکی ملک ایکواڈور کی ایک ٹی وی کی لائیو نشریات جاری تھیں کہ اچانک ایک مسلح گینگ اندر دندناتا ہوا داخل ہوا اور سب کو یرغمال بنا لیا۔

    غیر ملکی میڈیا رپورٹس کے مطابق ایکواڈور میں ایمرجنسی کے نفاذ کے باوجود حالات حکومت کے کنٹرول سے باہر ہیں، منگل کے روز جرائم پیشہ افراد کے ایک گروپ نے نجی نیوز چینل پر اس وقت قبضہ کیا جب لائیو براڈکاسٹ جاری تھی۔

    حملہ آور پستولوں، رائفلز اور بارودی مواد سے لیس تھے، اندر داخل ہوتے ہی وہ چیخنے چلانے لگے، اور کئی فائر بھی کیے، اس وقت نیوز پروگرام ملک کے ہزاروں گھروں میں دیکھا جا رہا تھا۔ حکام نے بتایا کہ حملے میں کوئی بھی ہلاک نہیں ہوا، جب کہ تمام نقاب پوش حملہ آوروں کو گرفتار کر لیا گیا ہے جن کی تعداد 13 تھی، اور ان پر دہشت گردی کا مقدمہ کیا جائے گا۔

    حکام نے یہ نہیں بتایا کہ ٹیلی ویژن اسٹیشن پر قبضے کے پیچھے کون تھا، یا حال ہی میں اس جنوبی امریکی ملک کو ہلا کر رکھ دینے والے دوسرے حملوں کے پیچھے کون تھا، تاہم انھوں نے ایکواڈور کے منشیات کے سب سے طاقت ور گروہ کے 2 رہنماؤں کے جیل سے فرار ہونے کی طرف اشارہ کیا۔

    واضح رہے کہ ایکواڈور میں گینگ لیڈر کے جیل سے فرار اور بعد میں قتل کے بعد امن و امان کی صورت حال خراب ہوئی ہے، چھ دیگر جیلوں میں بھی صورت حال بگڑ گئی، قیدیوں نے محافظوں کو یرغمال بنایا، گینگ لیڈر اڈولفو میکیاس منشیات اسمگلنگ کے جرم میں 34 برس کی سزا کاٹ رہا تھا اور ایک جیل سے ہائی سیکیورٹی جیل میں منتقلی سے پہلے فرار ہو گیا تھا، مسلح افراد نے 7 پولیس اہلکاروں کو بھی اغوا کیا اور ایک پولیس کار کو بھی دھماکے سے اڑایا۔

    ان حالات کو دیکھتے ہوئے ایکواڈور کے صدر ڈینیئل نوبوا نے ساٹھ دن کی ایمرجنسی نافذ کی اور 22 گروہوں کو دہشت گرد تنظیمیں قرار دیتے ہوئے کہا کہ ملک ’اندرونی مسلح تصادم‘ کی حالت میں ہے، انھوں نے مسلح افواج کو حکم دیا کہ ان گروہوں کو ختم کر دیا جائے۔

  • ورجینیا: براہ راست نشریات کے دوران دو صحافی قتل

    ورجینیا: براہ راست نشریات کے دوران دو صحافی قتل

    نیویارک : امریکی ٹیلی وژن ادارے سی بی ایس سے وابستہ دو مقامی صحافیوں کو اس چینل کی لائیو نشریات کے دوران گولی مار کر ہلاک کر دیا گیا ہے، یہ صحافی کیمرہ مین ایڈم وارڈ اور رپورٹر ایلیسن پارکر تھے۔

    خبر رساں ادارے اے ایف پی کے مطابق 24 سالہ ایلیسن پارکر اور 27 سالہ ایڈم وارڈ کو بہت قریب سے فائر کر کے اس وقت قتل کیا گیا، جب اس ٹی وی پر ایک انٹرویو براہ راست نشر کیا جا رہا تھا۔

     ذرائع کے مطابق فائرنگ کے موقع پر پارکر جس خاتون کا انٹرویو لے رہی تھی، وہ بھی اس فائرنگ کے نتیجے میں زخمی ہو گئی۔

     اس دوران اس ٹیلی وژن چینل کی صبح کی نشریات میں سیاحت کے فروغ کے موضوع پر بات چیت کی جا رہی تھی۔

    ایک کیمرے میں ریکارڈ کی جانے والی فوٹیج کے مطابق حملہ آور سیاہ لباس پہنے ہوئے تھا اور اس دوران کئی مرتبہ فائر ہوئے اور چیخیں بھی بلند ہوئیں۔

     تاہم اس واقعے کے رونما ہونے کے ساتھ ہی اس ٹیلی وژن نے فوری طور پر اسٹوڈیو میں بیٹھے ہوئے مہمانوں کو دکھانا شروع کر دیا۔