Tag: لاس اینجلس

لاس اینجلس: امریکا کے شہر لاس اینجلس میں ایک شخص نے نائٹ کلب کے باہر کھڑے افراد پر گاڑی چڑھا دی۔

تفصیلات کے مطابق مقامی پولیس نے کہا ہے کہ ہفتے کو لاس اینجلس میں سانتامونیکا بلیوارڈ میں ایک شخص نے گاڑی ہجوم پر چڑھا دی، نائٹ کلب کے باہر پیش آنے والے اس واقعے میں 30 افراد زخمی ہوئے ہیں، جن میں 7 کی حالت تشویش ناک ہے۔

پولیس حکام کا کہنا ہے کہ کار ڈرائیور کو حملے کے بعد گولی ماری گئی، جسے زخمی حالت میں اسپتال پہنچایا گیا جہاں اس کا علاج کیا جا رہا ہے، جب کہ گاڑی کی زد پر آنے والے شہریوں کو بھی اسپتال میں طبی امداد دی جا رہی ہے۔

پولیس نے ملزم کی شناخت 29 سالہ فرنینڈو رامیرز ظاہر کی ہے، اور کہا ہے کہ ڈرائیور نے جان بوجھ کر ہجوم پر گاڑی چڑھائی تھی۔ یہ واقعہ اس وقت پیش آیا جب عوام کی ایک قطار ورمونٹ ہالی ووڈ میوزک وینیو میں داخل ہونے کا انتظار کر رہی تھی، جس میں زیادہ تر خواتین تھیں۔

سی بی ایس نیوز کے مطابق لاس اینجلس پولیس ڈپارٹمنٹ (ایل اے پی ڈی) نے کہا کہ ڈرائیور نے ہجوم پر گاڑی چڑھانے سے قبل یو ٹرن لیا تھا، جس سے پتا چلتا ہے کہ اس نے قصداً گاڑی چڑھائی۔ جب پولیس افسران موقع پر پہنچے تو انھوں نے دیکھا کہ راہگیر ڈرائیور کو گاڑی سے باہر گھسیٹ کر پیٹ رہے تھے اور ایک شخص نے اسے گولی مار دی۔

قانون نافذ کرنے والے ایک اہلکار نے سی این این کو بتایا کہ خیال کیا جاتا ہے کہ ڈرائیور نشے میں تھا۔

لاس اینجلس : سکھوں کا لاس اینجلس میں کامیاب ریفرنڈم، ہوا، جس میں ، تیس ہزار سے زائد سکھوں نے ووٹ ڈالا ، سکھ فار جسٹس کے رہنما گرپتونت سنگھ پنوں نے اگلا ریفرنڈم واشنگٹن ڈی سی میں کرانے کا اعلان کردیا۔

تفصیلات کے مطابق امریکی ریاست کیلیفورنیا کے شہر لاس اینجلس میں جاری خالصتان ریفرنڈم کیلئے ووٹنگ کا سلسلہ اختتام پذیر ہوگیا ہے۔

ووٹنگ صبح نو بجے شروع ہوئی جو شام پانچ بجےتک جاری رہی، سکھ کمیونٹی نےجوش وخروش سے ریفرنڈم میں حصہ لیا، بھارتی پنجاب کو خالصتان بنانے کیلئے تیس ہزار سے زائد سکھوں نے ووٹنگ میں حصہ لیا۔

ووٹنگ کے اختتام پر سکھ فار جسٹس کے رہنما گرپتونت سنگھ پنوں نے اگلا خالصتان ریفرنڈم سترہ اگست کو واشنگٹن ڈی سی میں کرانے کا اعلان کیا۔

گرپتونت سنگھ پنوں کا کہنا تھا سکھ اپنی آزاد ریاست قائم کریں، سکھ اپنے ووٹوں سے بھارت کو پیغام دے رہے ہیں کہ بھارت کے زیرتسلط نہیں رہنا چاہتے، بھارت کی گولیوں کا جواب ووٹوں سے دیں گے۔

یاد رہے رواں ماہ کے آغاز میں سکھ فار جسٹس کے رہنما نے پاکستان میں جعفر ایکسپریس حملے پر بھی تبصرہ کیا تھا اور اس بات پر زور دیا تھا کہ اس حملے کے پیچھے ہندوستان کی خفیہ ایجنسی را کا ہاتھ ہے، اور نئی دہلی پر پاکستان کے خلاف خفیہ جنگ چھیڑنے کا الزام لگایا تھا۔

خیال رہے سکھ کمیونٹی دہائیوں پر محیط بھارتی مظالم سےآزادی کی منتظرہے، خالصتان تحریک بھارتی سکھوں کے لیے علیحدہ وطن کی تحریک ہے۔