Tag: لاس اینجلس

امریکا میں ہونے والے پروڈیوسر گِلڈ ایوارڈز میں فکشن فلمز کی جیت نے سب کو حیران کردیا۔

لاس اینجلس کی سنہری شام میں پروڈیوسرز گلڈ ایوارڈز کا رنگارنگ میلہ سجا، فلمی دنیا میں اس دن کا سب کو شدت سے انتظار تھا، جونہی ایوارڈز کے حق دار کا اعلان ہوا سب ہی حیران رہ گئے کیونکہ اب کی بار نہ ایکشن کو ٹرافی ملی اور نہ ہی رومینس کو کوئی جگہ ملی ، بلکہ اس بار حقیقت پر مبنی دو فلموں کی جیت ہوئی۔

سیاہ فام غلاموں پر بنی فلم ٹوئیلوو ایئرز آسلیو اور خلائی پر بننے والی فلم گریوٹی ایک ساتھ دو فلموں کو بیسٹ پکچرز کا ایوارڈ ملا، پروڈیوسرز گلڈ ایوارڈ پچیس سالہ تاریخ میں ایسا پہلی بار ہوا ہے کہ ایک ساتھ دوفلموں کو ایک ہی ایوارڈ دیا جائے، ٹوئیلو ایئرز آسیلوو کو بیسٹ فلم قرار دینے پر ڈائریکٹر اسٹیو مک کوئین بے حد پرجوش تھے۔

انہیں یقین ہے کہ اب ان کی فلم آسکر بھی جیت سکتی ہے، دوسری طرف فلم گریوٹی کے بارے میں فلمی دنیا کو یقین ہے کہ یہی فلم آسکر تک پہنچے گی، آسکرایوارڈز سے پہلے پروڈیوسرز گلڈ ایوارڈزجیتنا آسکر کی دوڑ میں شامل ہونے کے برابر ہے۔
       

لاس انیجلس میں رنگارنگ گولڈن گلوب ایوارڈز کا میلہ سجا، ریڈ کارپٹ پر فنکاروں کی آمد کے ساتھ سال کی بہترین فلموں کے درمیان کانٹے کا مقابلہ ہوا، جسمیں ٹویلیو یرز آسلیو نے میدان مار لیا۔

کیلی فورنیا میں آسکرز کے بعد سب سے معتبر سمجھے جانے والے گولڈن گلوب ایوارڈز کی شاندار تقریب بیورلی ہلز میں منعقد کی گئی، تقریب میں کئی اداکاروں نے اپنی شاندار پرفارمنس پر ایوارڈ حاصل کیا تو کچھ کے حصے میں ایوارڈ نہ پانے کے بعد مایوسی آئی۔

فلم امریکن ہسل کیلئے جینیفر لارنس کو بہترین اداکارہ اور میتھیو میک کو گنی کو بہترین اداکار کا یوارڈ دیا گیا، وولف آف وال اسٹریٹ کے ہیرو لیونارڈو ڈی کیپریو نے بہترین کامک رول کے لئے ایوارڈ پایا تو ایمی ایڈمز نے امریکن ہسل کیلئے بہترین کامیڈی اداکارہ کا ایوارڈ حاصل کیا۔

فلم فروزن کو سال کی بہترین انیمیٹد فلم کا اعزاز دیا گیا، دو ہزار تیرہ کی بہترین فلم کا ایوارڈ ٹویلیو یرز آسلیو کو دیا گیا۔
   
    
   

امریکی گلوکار جسٹن بیبر نے ٹوئیٹر پر اپنی ریٹائرمنٹ کا اعلان کردیا، کچھ مداحوں کی چیخیں نکلیں تو کچھ لوگوں نے سکھ کا سانس لیا۔

چھوٹی سی عمر میں چھپڑ پھاڑ دولت اور شہرت پانے والے جسٹن بیبر کو سال دوہزار تیرہ میں کامیابیاں کم اور تنازعات کا سامنا کرنا پڑا، مارچ میں جسٹن نے اپنے یورپئین ٹور کے دوران لندن میں فوٹو گرافر کی پٹائی کردی تھی۔

جس کے بعد لاس اینجلس میں ایک اور فوٹوگرافر کی کار کو ہٹ کردیا اور پھر امریکا میں پڑوسیوں نے پولیس سے جسٹن کی شکایت کی کہ جسٹن نے انہیں دھمکیاں دی ہیں اور ہراساں کیا ہے، ان سب تنازعوں سے جسٹن بیبر خبروں کا حصہ بنے رہے مگر ساکھ بہت خراب ہوئی۔

اسی لئے جسٹن نے سال کے آخر میں اپنا البم ریلیز کیا اور مقبول ہوئے اب ایک بار پھر جسٹن نے ٹوئیٹر پر ریٹائرمنٹ کا باقاعدہ اعلان کیا تو کچھ مداحوں کے غم کے مارے چیخیں نکلیں اور کچھ نے انتہائی خوشی کا اظہار کیا، جسٹن کے اعلان والے ٹوئیئٹر میسج پر ڈھائی کروڑ لوگوں نے ریسپونس دیا۔