Tag: لاس ویگاس

نوجوان نے چاقو کے پے در پے وار کرتے ہوئے خاتون کو ہلاک کردیا اور اس کی لاش کو کوڑے دان میں پھینک دیا۔

لاس ویگاس میں پولیس نے حال ہی میں امریکی ریاست اڈاہو سے لاپتہ ہونے والے نوجوان کو گرفتار کیا ہے، جس پر الزام ہے کہ گزشتہ ماہ اس نے لاس ویگاس میں ایک خاتون کو مبینہ طور پر چاقو کے کئی وار کرکے ہلاک کردیا۔

میٹروپولیٹن پولیس ڈیپارٹمنٹ کے مطابق 29 اپریل کی صبح تقریباً ساڑھے سات بجے کے قریب اہلکاروں نے ایک خاتون کو کوڑے کے بڑے سے کنٹینر میں مردہ پایا جبکہ اس کے جسم پر چاقو کے متعدد وار کے نشانات تھے۔

کلارک کاؤنٹی کورونر آفس کی جانب سے عورت کی موت کی وجہ کا تعین ہونا باقی ہے لیکن پولیس کا کہنا ہے کہ عورت کو قتل کیا گیا ہے۔

میڈیا کے مطابق مقتولہ کی عمر 59 سے 60 سال کے درمیان تھی جبکہ اس کی لاش ملنے سے تقریباً دو دن پہلے اس کی موت ہوچکی تھی۔

پولیس کا کہنا ہے کہ 18 سالہ لنکن بوئے جو کہ اڈاہو سے لاپتہ ہوا تھا، اس نے مقتولہ کو چاقو سے مارا ہے۔ بوئے نامی لڑکی نے مبینہ طور پر پولیس کو بتایا کہ وہ لاس ویگاس چلا گیا تھا کیونکہ وہ اس شہر کو چھوڑنا چاہتا تھا اور کچھ آزادی حاصل کرنا چاہتا تھا۔

سی سی ٹی وی فوٹیج سے پتا چلتا ہے کہ مبینہ طور پر ایک عورت تقریباً 3 بجے کے قریب کوڑے دان کے پاس ایک شاپنگ کارٹ کو دھکیلتے ہوئے لے جارہی ہے۔

فوٹیج میں بوئے نامی لڑکے کو کار پارک کرتے ہوئے اور پھر کوڑے دان کو تلاش کرتے ہوئے دیکھا گیا ہے۔ لڑکا 20 منٹ بعد شاپنگ سینٹر کے پیچھے سے باہر آتا ہے۔

تفتیش کاروں نے الزام لگایا کہ لڑکا اپنے جرائم کو چھپانے کی کوشش کر رہا ہے۔ 2 مئی کو گرفتار ہونے والے لڑکے کو حراستی مرکز میں مہلک ہتھیار سے کھلے عام قتل کے الزام میں رکھا گیا ہے۔

نوعمر بچی سے زیادتی کے الزام میں گرفتار ملزم پر عدالت کے باہر ایک شخص نے حملہ کردیا، واقعے کی ویڈیو وائرل ہوگئی۔

تفصیلات کے مطابق نوعمر لڑکی کو جنسی زیادتی کا نشانہ بنانے کے الزام میں پکڑے گئے 59 سالہ یوسف اعظمی پر لاس ویگاس کے کمرہ عدالت کے باہر حملہ ہوا جس میں اسے مکوں سے نشانہ بنایا گیا۔

یوسف اعظمی پر اغوا، فحاشی اور جنسی حملوں کے الزامات کے حوالے سے 23 جنوری کو ابتدائی سماعت ہونے والی تھی۔ ملزم سماعت سے پہلے کمرہ عدالت سے باہر آیا تھا کہ ایک شخص نے موقع پا کر حملہ کیا۔

وائرل ویڈیو میں دیکھا جاسکتا ہے کہ مذکورہ شخص اچانک اعظمی کے پاس جاتا ہے اور اسے مکوں سے مار کر زمین پر گرا دیتا ہے۔ کہا جارہا ہے کہ مذکورہ شخص اس کیس میں متاثرہ نوعمر لڑکی کا رشتے دار ہے۔

اس دوران کئی افراد بشمول ایک افسر ملزم اور اس شخص کی طرف بڑھے۔ زیادتی کے ملزم کو مارنے والے فرد کی شناخت گلین کروم ویل جونیئر کے نام سے ہوئی ہے۔

عدالتی دستاویزات کے مطابق یوسف اعظمی، ایک اداکار ہے جو کہ افغانستان میں پیدا ہوا، اس نے ستمبر میں اپنے گھر میں ایک نوعمر لڑکی کو مبینہ طور پر جنسی زیادتی کا نشانہ بنایا۔

3 ستمبر 2023 کو پولیس کو اطلاع ملی تھی جس میں لڑکی کا کہنا تھا کہ وہ اعظمی کی گاڑی میں بیٹھی جہاں وہ اسے اپنے گھر لے گیا اور اس کے ساتھ زیادتی کی۔ نوعمر لڑکی مبینہ جرم کے وقت 14 یا 15 سال کی تھی۔

اس نے پولیس کو بتایا کہ وہ کچھ پینے اور کھانے کی تلاش میں گھوم رہی تھی جب اس کا سامنا یوسف اعظمی سے ہوگیا اور یہ واقعہ پیش آیا۔

لاس ویگاس: امریکی شہر لاس ویگاس میں گھر میں بنایا گیا گیس اسٹیشن پکڑا گیا، پولیس نے غیرقانونی گیس اسٹیشن بنانے والے شخص کے خلاف کارروائی شروع کردی۔

تفصیلات کے مطابق امریکی شہر لاس ویگاس میں گھر کے اندر بنایا گیا گیس اسٹیشن پکڑا گیا، پولیس کا کہنا ہے کہ گھر میں گیس اسٹیشن بنانا نہ صرف غیرقانونی ہے بلکہ ارد گرد میں موجود آبادی کے لیے بھی خطرہ ہے۔

گھر میں بنائے گئے گیس اسٹیشن کی تصاویر بھی شہیر کی گئی ہیں جس میں گیس ٹینک دکھائی دے رہا ہے۔ پولیس کا کہنا ہے کہ غیر قانونی گیس اسٹیشن کے خلاف کارروائی کا آغاز کر دیا گیا ہے۔

یاد رہے کہ گزشتہ سال جولائی میں امریکی ریاست ٹینیسی کے گیس اسٹیشن پر لاکھوں پتنگے دیکھ کر جہاں کچھ لوگ حیران رہ گئے وہیں کچھ ان مناظر کو کیمرے کی آنکھ میں قید کرتے نظر آئے جبکہ اسٹیشن ملازم پتنگوں کو ہٹانے کی کوشش میں ہلکان ہوتے رہے۔