Tag: لاس ویگاس

لاس ویگاس : امریکہ کےشہرلاس ویگاس میں پاکستانی نژادبرطانوی باکسرعامرخان نےامریکی باکسرڈیون الیگزینڈرکو ہراکے سلورویلٹرویٹ کافائنل جیت لیا۔اگلےمیچ میں عامرخان اورامریکاکےفلائیڈمےویدرمدمقابل ہوں گے، پاکستانی نژاد برطانوی باکسرعامر خان نےایک اور معرکہ سرکرلیا،

پاکستانی نژاد برطانوی باکسرعامر خان نے امریکی باکسر ڈیوان الیگزینڈر کو شکست دے کر سلور لائٹ ویلٹر ویٹ کا ٹائٹل اپنے نام کر لیا ہے۔لاس ویگاس کے ایم جی ایم گرینڈ ہوٹل میں باکسنگ کا میلہ سجا یا گیا، جہاں برطانوی نژاد پاکستانی باکسرعامر خان اور امریکا کے ڈیوان ایلگزینڈر کا مقابلہ تھا۔

بارہ راؤنڈ کی فائٹ میں دونوں باکسر ایک دوسرے کو ناک آؤٹ کرنے کی کوشش میں لگے رہے۔ مکوں کی بارش ہوتی رہی لیکن کوئی بھی ہمت ہارنے کو تیار نہیں تھا۔

مقابلہ جب آخری رؤانڈ میں داخل ہواتو شائقین کی دھڑکنیں تیز تھیں کہ جیت کس کی ہوگی۔ فائٹ ختم ہوئی اور ججز کے متفقہ فیصلے نے عامر خان کو ایلگزینڈر کیخلاف ایک سو تیرہ پوائنٹس کے مقابلے میں ایک سو بیس پوائنٹس سے فاتح قرار دیا۔

برطانوی باکسر سلور ویلٹر ویٹ کی بیلٹ کا دفاع کرنے میں کامیاب رہے۔ اب عامر خان کو امریکی باکسر فلائیڈ مے ویدر سے اگلی لڑائی تک بے صبری سے انتظار رہیگا۔