Tag: لال حویلی

راولپنڈی :ایڈمنسٹریٹر متروکہ وقف املاک بورڈ نے لال حویلی تنازعے کے معاملے پر سابق وزیر داخلہ شیخ رشید کو طلبی کا نوٹس جاری کردیا۔

تفصیلات کے مطابق لال حویلی اور متروکہ وقت املاک بورڈ کے مابین پراپرٹی تنازع کے معاملے پر ایڈمنسٹریٹر متروکہ وقف املاک بورڈ نے شیخ رشید کو طلبی کا نوٹس جاری کردیا۔

شیخ رشید کو لال حویلی کے 7یونٹس کے حوالے سے دائر اپیل پر طلب کیا گیا ہے۔

ایڈمنسٹریٹر متروکہ وقف املاک بورڈ نے شیخ رشید کو تین فروری صبح 10 بجےزونل آفس راولپنڈی میں طلب کیا ہے۔

شیخ رشیدنےڈپٹی ایڈمنسٹریٹرکی کارروائی اور فیصلے کے خلاف اپیل دائر کر رکھی ہے ، لاہور ہائی کورٹ پنڈی بینچ نے متروکہ وقف املاک بورڈکو15دن میں اپیل پرفیصلے کا حکم دیا ہے۔

یاد رہے 30جنوری کو متروکہ وقف املاک بورڈ نے لال حویلی کے 7یونٹ سیل کئے ، جس کے بعد شیخ رشید کی جانب سے لال حویلی کو ڈی سیل کرنے کی استدعاعدالت نے خارج کردی تھی۔

عدالت اس سے قبل شیخ رشید کی حکم امتناع کی درخواست بھی خارج کرچکی ہے۔

راولپنڈی : سربراہ عوامی مسلم لیگ شیخ رشید کی رہائش گاہ لال حویلی سیل کیے جانے کی ویڈیو سامنے آگئی۔

تفصیلات کے مطابق راولپنڈی میں لال حویلی کے خلاف متروکہ وقف املاک کے آپریشن کی سی سی ٹی وی فوٹیج اے آر وائی نیوز نے حاصل کرلی۔

سی سی ٹی وی فوٹیج میں پولیس اور ایف آئی اے کے اہلکاروں کو لال حویلی میں داخل ہوتے ہوئے دیکھا جا سکتا ہے۔

ویڈیو میں لال حویلی کو سیل کیے جاتے ہوئے مناظر بھی دیکھے جاسکتے ہیں۔

یاد رہے آج الصبح متروکہ وقف املاک راولپنڈی نے شیخ رشید کی رہائش گاہ لال حویلی کے خلاف آپریشن کرتے ہوئے سات یونٹس سیل کردیے تھے۔

آپریشن ایف آئی اے اور پولیس کی مدد سے کیا گیا، نائب منتظم آصف خان کا کہنا تھا کہ شیخ رشید اور ان کے بھائی شیخ صدیق لال حویلی سمیت سات اراضی پرقابض ہیں، متعدد نوٹس بھیجے لیکن دونوں کوئی ریکارڈ یا دستاویزبھی پیش نہیں کرسکے۔

لاہور: سربراہ عوامی مسلم لیگ شیخ رشید نے لال حویلی سیل کیے جانے پر متروکہ وقف املاک کیخلاف لاہور ہائی کورٹ راولپنڈی بینچ میں پٹیشن دائر کردی۔

تفصیلات کے مطابق سربراہ عوامی مسلم لیگ شیخ رشید نے متروکہ وقف املاک کیخلاف پٹیشن لاہور ہائی کورٹ راولپنڈی بینچ میں دائر کردی۔

درخواست میں متروکہ وقف املاک بورڈ کا اقدام غیر قانونی ،انتقامی اور سیاسی قرار دیتے ہوئے استدعا کی گئی کہ لال حویلی کے سیل یونٹ ڈی سیل کئے جائیں۔

لاہور ہائی کورٹ راولپنڈی بینچ میں شیخ رشید کی درخواست دن 11 بجے سماعت کیلئے مقرر کردی گئی ہے ، شیخ رشید وکیل سردارعبدالرازق کےہمراہ پیش ہوں گے۔

یاد رہے آج صبح متروکہ وقف املاک راولپنڈی نے شیخ رشید کی رہائش گاہ لال حویلی کے خلاف آپریشن کرتے ہوئے سات یونٹس سیل کردیے تھے۔

آپریشن ایف آئی اے اور پولیس کی مدد سےکیاگیا، نائب منتظم آصف خان کاکہنا تھا شیخ رشید اور ان کے بھائی شیخ صدیق لال حویلی سمیت سات اراضی پرقابض ہیں،متعدد نوٹس بھیجے لیکن دونوں کوئی ریکارڈ یا دستاویزبھی پیش نہیں کرسکے۔

لاہور : سابق وزیر داخلہ شیخ رشید اور بھائی شیخ صدیق کے لال حویلی کی ملکیت سے متعلق ثبوت سامنے آگئے۔

تفصیلات کے مطابق عوامی مسلم لیگ کئے سربراہ شیخ رشید اور بھائی شیخ صدیق کے لال حویلی سے متعلق ملکیت کے ثبوت سامنے آگئے۔

لال حویلی کے ملکیت کے ثبوت اور رجسٹری کی کاپی اے آروائی نیوزنے حاصل کرلی ہے، ڈپٹی ایڈمنسٹریٹر وقف املاک بورڈ راولپنڈی کے مطابق شیخ رشید اور شیخ صدیق کی جمع کرائی گئی دستاویزات کی انکوائری کر رہے ہیں۔

دوسری جانب متروکہ وقف املاک نے لال حویلی خالی کرانے کیلئے ضلعی انتظامیہ سے مدد مانگ لی ہے ، اس سلسلے میں ڈپٹی ایڈمنسٹریٹر متروک وقف املاک آصف خان نے ڈی سی راولپنڈی کو خط لکھ دیا ہے۔

خط میں ڈپٹی کمشنرسےپولیس کی مددطلب کی گئی ہے اور کہا گیا کہ متروکہ وقف املاک کا عملہ کل یونٹ D158 اورD392 واگزار کرنے جارہا ہے، کسی بھی ہنگامی صورتحال کے پیش نظر پولیس کی معاونت ضروری ہے۔

متروکہ وقف املاک بورڈکالکھاگیاخط ضلعی انتظامیہ کوموصول ہوگیا ہے، ڈپٹی ایڈمنسٹریٹرمتروک وقف املاک آصف خان نے کہا ہے کہ لال حویلی واگزارکرانےکےوقت مزاحمت ہوئی تومقدمات درج کریں گے۔

آصف خان کا کہنا تھا کہ شیخ رشید اور شیخ صدیق کی جمع کرائی گئی دستاویزات کی انکوائری کررہے ہیں، دونوں کی جانب سےفراہم دستاویزات مکمل نہیں ، لال حویلی کو آج ہی واگزارکرائیں گے، عملےکوپولیس کی معاونت حاصل ہوگی۔