Tag: لانڈھی

کراچی : لانڈھی میں ڈاکوؤں نےایک اور معصوم کی جان لے لی جبکہ خالہ زخمی ہوئی، 10 سالہ امین دو بہنوں کا اکلوتا بھائی تھا۔

تفصیلات کے مطابق کراچی کے علاقے لانڈھی 89 میں ڈکیتوں نے نوجوان سے موٹر سائیکل چھینتے ہوئے اندھا دھند فائرنگ کردی ، جس سے گلی میں موجود 10 سالہ امین گردن پر گولی لگنے سے موقع پر ہی دم توڑ گیا۔

پولیس کا کہنا تھا کہ فائرنگ کے واقعے میں نوجوان کی خالہ ناصرہ بی بی بھی زخمی ہوئی، جنہیں تشویش ناک حالت میں جناح اسپتال منتقل کر دیا گیا ہے تاہم فرار ملزمان کی تلاش جاری ہے۔

لواحقین نے بتایا کہ گھر میں لائٹ نہ ہونے کے باعث امین خالہ کیساتھ گھر کے باہر بیٹھا تھا کہ بائیک پر ڈاکو موٹر سائیکل سوار شخص کا تعاقب کرتے ہوئے آرہے تھے، ڈاکو جس شخص کا تعاقب کررہے تھے اس کے پاس نئی موٹر سائیکل تھی،ڈاکوؤں نے موٹر سائیکل سوار شخص پر متعدد فائر کیے مگر وہ بچ گیا لیکن گولی لگنےسے امین دم توڑگیا اس کی خالہ زخمی ہوئی۔

مقتول امین مدرسہ کا طلبعلم اور دو بہنوں کا اکلوتا بھائی تھا، ورثا نے مطالبہ کیا ہے کہ انصاف فراہم کیا جائے اور واردات میں ملوث ملزمان کو گرفتار کیا جائے۔

پولیس کےمطابق واردات میں شامل ڈکیتوں کی تعداد چار تھی،رواں برس ڈکیتوں کی فائرنگ سے جاں بحق شہریوں کی تعداد چالیس ہوگئی۔

ایس ایس پی کورنگی نے بتایا کہ ملزمان لانڈھی بابر مارکیٹ میں واردات کررہے تھے کہ موبائل اسنیچنگ کےدوران عوام ڈاکوؤں کے پیچھے بھاگی، کچھ لوگوں نےملزمان کاموٹر سائیکلوں پرپیچھا کیا، شہریوں کو بھگانےکےلیےملزمان نے گولیاں چلائیں۔

کراچی :  لانڈھی میں مال بردار ٹرک کو آگ لگانے کے واقعے  پر پولیس نے 10 افراد کو حراست میں لے لیا۔

تفصیلات کے مطابق کراچی کے علاقے لانڈھی میں مال بردار ٹرک کو آگ لگانے کے واقعے کے بعد پولیس نے کارروائی کرتے ہوئے 10 افراد کو حراست میں لے لیا۔

زیرحراست افرادمیں سردان،عرفان علی ،ماجد،خرم ،دانش ، وسف چانڈیو،اسد،عبدالحفیظ ،حذیفہ شامل ہیں تاہم زیرحراست ملزمان کو مزید قانونی کارروائی کیلئے لانڈھی تھانے منتقل کردیا ہے۔

پولیس نے کہا قانون ہاتھ میں لینے والوں سے سختی سے نمٹا جائے گا۔

یاد رہے کراچی کے مختلف علاقوں میں صبح سویرے سے نامعلوم افراد سرگرم ہیں ، تین ٹرکوں کو آگ لگادی گئی۔

پولیس کا کہنا تھا کہ لانڈھی ، کورنگی اور الکرم اسکوائر پر تین مال بردار ٹرکوں کو آگ لگائی گئی، لانڈھی میں جس ٹرک کو جلایا گیا اس پر چینی کی بوریاں اور عوامی کالونی میں جس ٹرک کو نقصان پہنچایا گیا اس پر سیمنٹ کی چادریں تھیں۔