کراچی : لانڈھی میں دو گروپوں میں تصادم اورہوائی فائرنگ سےدو افراد زخمی ہوگئے، علاقے میں کشیدگی برقرار ہے۔
تفصیلات کے مطابق لانڈھی چھتیس بی میں دو گروپوں میں قبضے کے تنازعہ پر کشیدگی شروع ہوئی ، بعدازاں دونوں گرپوں میں پتھراؤ اور فائرنگ شروع ہوئی جس سے دو افراد زخمی ہوئے۔
مشتعل افراد کی جانب سے شاہراہ پر ٹائر نذر آتش کرکے روڈ ٹریفک کیلئے بند کردیا گیا ہے، علاقے میں و قفے وقفے سے فائرنگ کا سلسلہ جاری ہے جبکہ پولیس علاقے سے غائب ہے۔
کراچی : لانڈھی میں رینجرز نے کارروائی کرکے چھپایاگیا اسلحے کا ذخیرہ برآمد کرلیا۔
ترجمان رینجرز کے مطابق رینجرز نے ایک شہری کی اطلاع پرکراچی کے علاقے لانڈھی 6 نمبرمیں کارروائی کی ، جہاں سے بھاری تعداد میں چھپایا گیا اسلحہ کاذخیرہ برآمدکرلیاگیا۔
ترجمان رینجرز کا کہنا ہے کہبرآمد ہونے والے اسلحہ میں 2رائفل،3اینٹی ایئرکرافٹ گن،1ایس ایم جی اوربھاری مقدارمیں گولیا ں شامل ہیں۔
ترجمان رینجرز نے بتایا کہ کارروائی میں بڑی تعداد میں چرس بھی برآمد کی گئی ہے اور یہ اسلحہ کراچی میں بد امنی پھیلانے کیلئے چھپایا گیا تھا۔ تاہم کارراوائی کے دوران کوئی گرفتاری عمل میں نہیں آئی۔
رینجرز نے عوام سے اپیل ہے کہ کوئی بھی مشکوک سرگرمی کی اطلاع رینجرزکی ہیلپ لائن پردیں، واضح رہے کہ کراچی میں رینجرز کی تابڑ توڑ کارروائیاں جاری ہیں۔
کراچی : گلشن اقبال میں نامعلوم افراد کی فائرنگ سے ایک شخص جاں بحق اور ایک زخمی ہوگیا، لانڈھی میں پولیس سے مقابلے میں تین ڈاکو مارے گئے۔
پولیس ذرائع سے ملنے والی تفصیلات کے مطابق گلشن اقبال میں راشد منہاس روڈ پر نامعلوم افراد کی گاڑی پر فائرنگ سے دو افراد شدید زخمی ہوگئے ۔
اسپتال میں زخموں کی تاب نہ لاتے ہوئے عمار نامی شخص چل بسا، دوسرے شخص عبدالسلیم کی حالت بھی تشویشناک بتائی جاتی ہے ۔
پولیس کے مطابق لانڈھی کے علاقے لالہ آباد میں مبینہ پولیس مقابلے میں تین ڈاکو ہلاک ہوگئے، ڈاکوؤں کے قبضے سے اسلحہ اورمسروقہ سامان بھی برآمد ہوا ہے۔ پولیس نے گرفتار ملزمان کیخلاف مقدمات درج کرکے تفتیش شروع کردی ہے۔
کراچی : پولیس نے گزشتہ دنوں لانڈھی کے علاقے میں بینک میں ہونے والی ڈکیتی کے اہم ملزم کو گرفتار کرلیا۔
تفصیلات کے مطابق لانڈھی میں بینک لوٹنے والا ملزم پکڑا گیا،ملزم کو سی سی ٹی وی فوٹیج کی مدد سےگرفتارکیاگیا، کراچی پولیس کی پھرتیوں میں تیزی آتے ہی چوروں اور ڈکیتوں کی شامت آگئی۔
صرف سات روز میں بینک ڈکیتی میں ملوث ملزم کاکھوج لگالیا۔پولیس نےلانڈھی سے بینک لوٹنے والےملزم مظہرکو دھرلیا۔ ملزم کی شناخت سی سی ٹی وی کیمروں کومدد سےکی گئی۔
ملزم کے قبضے سے اسلحہ بھی برآمد ہوا ہے۔پولیس کےمطابق ملزم نے پندرہ مئی کو لانڈھی بابرمارکیٹ میں تین ساتھیوں کےساتھ مل کر بینک ڈکیتی کی تھی، ورادات کے دوران گارڈ کی فائرنگ سےایک ڈاکو موقع پر ہی مارا گیا تھا۔
کراچی: کچی شراب پینے سے آج ہلاکتوں کی تعداد اٹھارہ ہوگئی ہے اور پندرہ مریض اسپتال میں زیرعلاج ہیں جبکہ دو دن میں کچی شراب پینے سے ہلاکتوں کی تعداد چوبیس ہوگئی ہے۔
تفصیلات کے مطابق کراچی میں شراب پینے سے متعدد افراد جان کی بازی ہار گئے۔شراب پی کر جن افراد کی حالت خراب ہوئی ان میں زیادہ تر کا تعلق لانڈھی، کورنگی، بلال کالونی اور زمان ٹاؤن سے ہے جنہیں جناح اسپتال لایا گیا۔
جناح اسپتال کی ڈائریکٹر سیمی جمالی کا کہنا ہے کہ آج ہلاکتوں کی تعداد اٹھارہ ہوگئی ہے ،سیمی جمالی کا کہنا تھا کہ تین افراد کے ورثاء نے اپنے پیاروں کا پوسٹ مارٹم نہیں کرایا۔
علاوہ ازیں وزیراعلیٰ سندھ سید قائم علی شاہ نے کراچی پولیس کے سربراہ سے واقعہ کی فوری طور پررپورٹ طلب کرلی ہے اور ذمہ داران کے خلاف فوری کارروائی کی ہدایت کی ہے۔
کراچی میں فائرنگ اور پرتشددواقعات میں پولیس اہلکارسمیت چھ افراد جاں بحق ہوگئے، لیاری میں کریکر دھماکوں میں تین افراد زخمی ہوئے ۔
پولیس کے مطابق لیاری دھماکوں سے گونج اٹھا،سنگولین میں کریکر دھماکوں میں تین افراد زخمی ہوگئے،گارڈن کے علاقے میں پولیس چوکی کے قریب مسلح افراد نے فائرنگ کردی جس سے دو افراد جاں بحق ہوگئے، مقتولین کی شناخت توصیف اور عارف کے ناموں سے ہوئی ہے ، مقتولین پاکستان تحریک انصاف کے کارکنان تھے۔ پولیس کاکہنا ہے کہ مسلح افراد موٹرسائیکل پرسوار تھے ، ماڈل کالونی کے علاقے سے ایک خاتون کی لاش ملی جسے چھریوں کے وار کرکے قتل کیا گیا، پولیس کے مطابق واقعہ ڈکیتی مزاحمت کا لگتا ہے۔
اورنگی ٹاوٴن کے علاقے قصبہ کالونی میں فائرنگ سے پولیس اہلکارسجادموت کی نیندسلادیاگیا۔ جاں بحق پولیس اہلکار انسداددہشتگردی اسکواڈمیں تعینات تھا۔ نیشنل ہائی وے لنک روڈ سے لاش ملی،مقتول کے جسم پرگولیوں کے نشانات تھے۔ نارتھ کراچی میں ایک مکان سے پھندالگی لاش ملی، پولیس نے لاش ضابطے کی کارروائی کیلئے اسپتال منتقل کردی، ملیر میں فائرنگ سے دو افراد زخمی ہوگئے۔
دوسری جانب ایف آئی اے نے شاہراہ فیصل پر سرکاری کیمپ آفس پرکارروائی کرتے ہوئے جعلی اسنا د کی تصدیق کرنے والے تین سرکاری ملازمین کو گرفتار کرلیا، ایف آئی اے ذرائع کے مطابق سرکاری ملازمین پیسے لیکر اسناد کی تصدیق کیا کرتے تھے، اْدھرلیاری میں پولیس نے مقابلے کے بعدگینگ وارسے تعلق رکھنے والے ملزم کوزخمی حالت میں گرفتار کرلیا، ملزم ٹارگٹ کلنگ اوربھتہ خوری میں ملوث بتایا جاتاہے۔
نیوکراچی پولیس نے مقابلے کے بعدتین ڈاکوگرفتارکرلئے، ملزمان سے چھینی گئی کار، دستی بم، لوٹاہواسامان برآمدہوا، ملزمان نے بیرون ملک س آنیوالوں سے لوٹ مارکی سیکڑوں وارداتوں کااعتراف کیا ہے،عزیز آباد پولیس نے کارروائی کرکے دو ملزمان کو گرفتار کرلیا۔
کراچی میں فائرنگ اور پرتشدد واقعات میں حساس ادارے کے افسر سمیت تین افراد جاں بحق ہوگئے۔پولیس کے مطابق لانڈھی کے علاقے مجید کالونی میں دو گروہوں کے درمیان فائرنگ کے تبادلے میں سیاسی جماعت کا کارکن عامر جاں بحق ہوگیا جبکہ فرید زخمی ہوا۔
سخی حسن کے قریب شادی ہال کے باہر ڈکیتی کے دوران مزاحمت پر فائرنگ سے حساس ادارے کے افسر میجر عامر اظہر جاں بحق ہوگئے،مقتول افسر اپنے بھانجے کے ہمراہ شادی کی تقریب میں شرکت کے بعدواپس جارہے تھے۔
ذرائع کے مطابق مقتول افسر پوسٹ گریجیوٹ کورس کے سلسلے میں اسٹیشن ہیڈ کوارٹرز ملیر کینٹ میں اٹیچڈ تھے۔ رنچھوڑ لائن میں دہشت گردوں نے فائرنگ کرکے مسجد کے پیش امام مولوی فیصل کو قتل کردیا۔ منگھوپیر میانوالی کالونی میں فائرنگ سے ایک شخص زخمی ہوا۔
