Tag: لانگ مارچ

اسلام آباد : پی ٹی آئی مارچ روکنے کے لیے اسلام آباد میں ہائی الرٹ کردیا گیا اور جگہ جگہ کنٹینرزلگا کر راستے مکمل سیل کردیے گئے۔

تفصیلات کے مطابق لانگ مارچ کی آمد ست قبل ہی انتظامیہ نے اسلام آباد کو کنٹینرسٹی بنادیا اور جگہ جگہ کنٹینرز لگا دیئے۔

پی ٹی آئی مارچ روکنے کے لیے اسلام آباد میں ہائی الرٹ کردیا گیا اور نفری نے مشقیں شروع کردیں۔

وزارت داخلہ نے تحریک انصاف کے حقیقی آزادی مارچ کے پیش نظر اسلام آباد میں ریڈ زون جانے والے مختلف راستے بند کر دیے گئے ہیں۔

ایف سی اور پولیس کی بھاری نفری نے سڑکوں پر پوزیشن سنبھال لی ہے جبکہ مارچ سے نمٹنے کےلیے اسلام آباد پولیس کی جانب سے فلیگ مارچ بھی کیا گیا۔

دوسری جانب اسلام آباد پولیس نے ہوٹل اور گیسٹ ہاؤس کی انتظامیہ کو لانگ مارچ کے شرکا کو کمرے دینے سے روک دیا ہے۔

پولیس کا کہنا ہے کہ لانگ مارچ میں شریک شخص کوہوٹل کاکمرہ دینے پر سخت کارروائی ہوگی۔

پاکستان تحريک انصاف کا لاہور سے اسلام آباد کى جانب لانگ مارچ جاری ہے، مارچ 4 نومبر کو اسلام آباد پہنچے گا۔

لاہور : تحریک انصاف کے رہنما شاہ محمود قریشی کے بیٹے زین قریشی نے لانگ مارچ میں شرکت نہ کرنے کی خبروں کی تردید کرتے ہوئے غلط خبریں پھیلانے والوں کو واضح پیغام دے دیا۔

تفصیلات کے مطابق ایم پی اے زین قریشی نے لانگ مارچ میں شرکت نہ کرنے کی خبروں کی تردید کردی۔

زین قریشی نے کہا کہ سوشل میڈیا پر غلط خبریں پھیلانے والوں کو پیغام دینا چاہتا ہوں کہ ہم لاہورمیں حقیقی آزادی مارچ کا حصہ ہیں اوررہیں گے۔

ان کا کہنا تھا کہ شاہ محمودقریشی اورمیں حقیقی آزادی لانگ مارچ میں عمران خان کےہمراہ ہیں ، سینیٹرعون عباس بپی کا بھی میرے بارے میں جھوٹا بیان جاری کیا گیا ہے۔

زین حسین قریشی نے مزید بتایا کہ جمعہ کوعون عباس بپی اورمیں جنوبی پنجاب لانگ مارچ کی اکٹھےقیادت کریں گے ، جنوبی پنجاب کاقافلہ اسلام آبادمیں عمران خان سے ملے گا۔

پی ٹی آئی ایم پی اے کا کہنا تھا کہ پی ٹی آئی کارکنان فیک پروپیگنڈہ پرکان نہ دھریں، ہم اس جنگ میں عمران خان کے سپاہی ہیں۔

لاہور : تحریک انصاف کے چیئرمین حقیقی آزادی مارچ کیلئےنکلنے سے پہلے بکروں کا صدقہ دیں گے۔

تفصیلات کے مطابق پاکستان تحریک انصاف کے حقیقی آزادی مارچ کا آغاز آج سے ہورہا ہے ، چیئرمین پی ٹی آئی عمران خان لانگ مارچ کیلئے نکلنے سے پہلے بکروں کا صدقہ دیں گے۔

اس سلسلے میں عمران کی رہائش گاہ زمان پارک پر 2 بکرے پہنچا دیئے گئے ہیں۔

عمران خان اپنی رہائش گاہ زمان پارک میں موجود ہے اور کچھ دیر بعد کنٹینر پر سوار ہوں گے۔

خیال رہے حقیقی آزادی لانگ مارچ کیلئے بڑے پیمانے پر تیاریاں کی گئی ہیں اور عوام چیئرمین تحریک انصاف عمران خان کے منتظر ہیں کہ کب وہ لبرٹی چوک پہنچیں اور تحریک کا آغاز ہو۔

حقیقی آزادی مارچ کے شرکا فیروزپور روڈ، اچھرہ، مزنگ اور داتا دربار سے گزر کر آزادی چوک پہنچیں گے۔

آج کے دن حقیقی آزادی مارچ جی ٹی روڈ کے قریب اپنا پڑاؤ ڈالے گا ، جس کے بعد شرکا کل صبح اسلام آباد کی طرف روانہ ہوں گے۔

کراچی : تحریک انصاف کراچی کی قیادت نے لانگ مارچ کے حوالے سے اہم فیصلے کرلئے ،کل سے شہر بھرمیں تحریک انصاف کیمپس لگائے گی۔

تفصیلات کے مطابق پی ٹی آئی لانگ مارچ کے حوالے سے پی ٹی آئی اراکین سندھ اسمبلی اورتنظیمی عہدیداروں کا اجلاس ہوا ، جس میں بلال غفار، خرم شیر زمان، فردوس شمیم، شہزادقریشی سمیت دیگر شریک ہوئے۔

راجہ اظہر نے بتایا کہ اجلاس میں لانگ مارچ کے حوالے سے اہم فیصلے کیے گئے، کل سے شہر بھرمیں تحریک انصاف کیمپس لگائے گی۔

جمعہ کو شہر کے کسی ایک منتخب مقام پرعمران خان کاخطاب سناجائے گا اور 3 نومبر کو کراچی سے قافلہ لانگ مارچ کے لئے روانہ ہوگا۔

اسلام آبادروانگی کیلئے شاہراہِ فیصل یاسہراب گوٹھ میں قافلے کے شرکاء جمع ہوں گے ، تاہم قیادت کی گرفتاری کی صورت میں حکمت علمی وضع کرلی گئی۔

اسلام آباد : وزیرداخلہ راناثنااللہ نے تحریک انصاف کو پھر دھمکی دیتے ہوئے کہا ہے کہ لانگ مارچ پر 25 مئی کی پالیسی کو 10 سے ضرب دیا جائے گا۔

تفصیلات کے مطابق وزیرداخلہ راناثنااللہ نے ایک بار پھرعوام پر تشدد کی دھمکی دیتے ہوئے کہا ہے کہ اگر کسی نے اسلام آباد کی طرف مارچ کی کوشش کی توپچیس مئی کی پالیسی کو دس سے ضرب دے کر نافذ کیا جائےگا۔

رانا ںثااللہ کا کہنا تھا کہ جانوں کو داؤ پر لگا کر ہر صورت اسلام آباد آنے والے جتھوں کو ہرقیمت پرروکیں گے۔

وزیر داخلہ نے مزید کہا کہ لانگ مارچ سے حکومت کی تبدیلی شروع ہوئی تو پھر یہ ہوتا رہے گا۔

رانا ںثااللہ نے امریکی صدر بائیڈن کے ایٹمی اثاثوں سے متعلق بیان کومذاق میں اڑاتے ہوئے کہا کہبائیڈن نے چوول ماری ہے۔

ان کا کہنا تھا کہ ہمارے سیاستدان دوسرے ممالک کیخلاف پروپیگنڈا کرتے ہیں، ہمیں اس قسم کی گفتگو سے محتاط رہنا چاہئے۔