Tag: لانگ مارچ

اسلام آباد : چیئرمین تحریک انصاف عمران خان کی جانب سے لانگ مارچ کی کال کے پیش نظر وفاقی پولیس نے صوبوں سے 30 ہزار اہلکار مانگ لئے۔

تفصیلات کے مطابق پاکستان تحریک انصاف کے ممکنہ لانگ مارچ یا دھرنے کے پیش نظر وفاقی پولیس نے زور و شور سے تیاریاں شروع کر دیں۔

ذرائع نے بتایا ہے کہ وفاقی پولیس نے صوبوں سے پولیس ، ایف سی اور رینجرزکے 30 ہزار اہلکار مانگ لئے۔

ذرائع کا کہنا ہے کہ پنجاب سے 20ہزار،کےپی سے 4 ہزار جبکہ 6 ہزار نفری رینجرز مانگی گئی۔

ذرائع کے مطابق پولیس ، ایف سی اور رینجرز کے علاوہ سینکڑوں کینٹرز بھی لگائے جائیں گے اور داخلی راستوں پر کنٹینرزکے ساتھ خندقیں بھی کھودی جائیں گی۔

وفاقی پولیس کی جانب سے اضافی آنسوں گیس شیل اور شیل پھیکنے والے ڈرونزبھی منگوائے گئے۔

ذرائع کا کہنا تھا کہ ایف سی کے 3ہزار اہلکار اسلام آباد پہنچ بھی گئے ہیں تاہم پنجاب اور خیبر پختونخوا نے ابھی تک نفری دینے کا فیصلہ نہیں کیا۔

لاہور : تحریک انصاف کے رہنماؤں یاسمین راشد ،محمود الرشید ،عندلیب عباس ،مراد راس نے عبوری ضمانت دائرکردی، جس میں کہا گیا کہ پولیس نے جھوٹا اور بے بنیاد مقدمہ درج کیا۔

تفصیلات کے مطابق لانگ مارچ میں توڑ پھوڑ ،پولیس تشدد،سرکاری املاک کو نقصان پہنچانے کے مقدمے میں پی ٹی آئی رہنماؤں کا گرفتاری سے بچنے کیلئے ضمانتیں لینے کا سلسلہ جاری ہے۔

یاسمین راشد ،محمود الرشید ،عندلیب عباس ،مراد راس نے عبوری ضمانت دائرکردی ، سیشن عدالت میں دائر درخواست میں کہا گیا کہ پولیس نے لانگ مارچ کے دوران بدترین تشدد کیا۔

درخواست میں استدعا کی کہ پولیس نے جھوٹا اور بے بنیاد مقدمہ درج کیا ،عدالت ضمانت منظور کرے۔

گذشتہ روز تھانہ شفیق آباد نے لانگ مارچ کے دوران پولیس کے تشدد کیخلاف ڈاکٹر یاسمین راشد کی درخواست لینے سے انکار کردیا تھا۔

یاسمین راشد کی جانب سے درخواست میں رانا ثنا اللہ ،ایس پی سٹی کو نامزد کیا گیا اور کہا گیا تھا کہ عمران خان کی کال پر پرامن احتجاج کیلئے اسلام آباد جا رہے تھے، پولیس نے میری گاڑی کو توڑا اور مجھ پر بھی تشدد کیا۔

ایس ایچ او تھانہ شفیق آباد کا کہنا تھا کہ یاسمین راشد پر پہلے ہی تشدد ،توڑ پھوڑپرریاست کی مدعیت 2مقدمات درج ہیں، مقدمات میں یاسمین راشد شامل تفتیش ہوجائیں۔

اسلام آباد : پی ٹی آئی لانگ مارچ کے شرکا پر تشدد پر وزیراعظم شہبازشریف کیخلاف مقدمے کی درخواست جمع کرادی گئی ، جس میں راناثنا اللہ ،آئی جی اسلام آباد ودیگر حکام کیخلاف بھی کارروائی کی استدعا کی گئی ہے۔

تفصیلات کے مطابق پی ٹی آئی لانگ مارچ کے شرکا پر تشدد کیخلاف مقدمے کی درخواست جمع کرادی گئی ، سینیٹر اعظم سواتی نے وزیراعظم شہبازشریف کیخلاف مقدمے کی درخواست دی۔

وزیراعظم شہبازشریف کیخلاف درخواست تھانہ سیکریٹریٹ میں جمع کرائی گئی ، جس میں راناثنا اللہ ،آئی جی اسلام آباد ودیگر حکام کیخلاف بھی کارروائی کی استدعا کی گئی ہے۔

اعظم سواتی کی جانب سے درخواست میں کہا گیا کہ 25 مئی کو پرامن آزادی مارچ میں شرکت کی، پولیس نے بلاجواز تشدد کیا،بازو اور جسم کے دوسرے حصوں پرزخم آئے ، مجھے زخمی حالت میں پولی کلینک اسپتال لےجایا گیا۔

سینیٹراعظم سواتی نے میڈیکل رپورٹ بھی درخواست کیساتھ جمع کرائی اور کہا پولیس کی پرتشددکارروائیوں سے گاڑی کوبھی نقصان پہنچا، درخواست میں نامزد افراد مجرمانہ سرگرمیوں میں ملوث رہے۔

رہنما پی ٹی آئی نے استدعا کی پولیس ان افراد کیخلاف مقدمے کرکے قانونی کارروائی کرے۔

لاہور :   تھانہ شفیق آباد نے لانگ مارچ کے دوران پولیس کے تشدد کیخلاف ڈاکٹر یاسمین راشد کی درخواست لینے سے انکار کردیا۔

تفصیلات کے مطابق پاکستان تحریک انصاف لانگ مارچ پر لاہور پولیس کے تشدد کیخلاف تحریک انصاف کی رہنما یاسمین راشد کے وکلا تھانہ شفیق آباد پہنچ گئے۔

یاسمین راشد کی جانب سے درخواست میں رانا ثنا اللہ ،ایس پی سٹی کو نامزد کیا گیا اور کہا گیا کہ عمران خان کی کال پر پرامن احتجاج کیلئے اسلام آباد جا رہے تھے، پولیس نے میری گاڑی کو توڑا اور مجھ پر بھی تشدد کیا۔

تھانہ شفیق آباد نے ڈاکٹر یاسمین راشد کی درخواست لینے سے انکار کردیا ، ایس ایچ او تھانہ شفیق آباد عمران قمر نے اعلی افسران سے رابطہ کرلیا ہے۔

ایس ایچ او تھانہ شفیق آباد کا کہنا ہے کہ یاسمین راشد پر پہلے ہی تشدد ،توڑ پھوڑپرریاست کی مدعیت 2مقدمات درج ہیں، مقدمات میں یاسمین راشد شامل تفتیش ہوجائیں۔

وکیل ڈاکٹر یاسمین راشد سیدعدنان جمیل ایڈووکیٹ نے میڈیا سے گفتگو کرتے ہوئے کہا کہ درخواست تھانہ شفیق آبادمیں جمع کرانےکیلئے آئے تھے، لانگ مارچ کے روز ڈاکٹر یاسمین راشد کی جان کو خطرات تھے۔

سید عدنان جمیل ایڈووکیٹ کا کہنا تھا کہ ان کے خلاف اقدام قتل پر اپیل دینے تھانہ آئے ، درخواست ایس ایچ او عمران قمرنےوصول کرنےسےانکارکر دیا ہے ۔ خاتون پرظلم کے باوجودد رخواست وصول نہ کرنا قابل افسوس ہے۔

کالام : وزیراعلی خیبرپختونخوا محمود خان نے لانگ مارچ میں جاں بحق ہونے والے کارکن کا مقدمہ وزیر اعظم اوروزیر داخلہ کے خلاف درج کرانے کا اعلان کردیا۔

تفصیلات کے مطابق وزیراعلیٰ خیبرپختونخوا محمود خان نے کالام میں عوامی اجتماع سے خطاب کرتے ہوئے کہا کہ امپورٹڈحکومت نےکارکنوں اوربہن بھائیوں پرتشدد کیا، اپنے بہن بھائیوں پر تشدد کو کسی صورت معاف نہیں کریں گے۔

محمود خان کا کہنا تھا کہ امپورٹڈ حکمرانوں سے تشدد کا بدلہ ہر صورت لیا جائے گا اور شہید کارکنوں کی ایف آئی آر امپورٹڈ وزیراعظم اور وزیر داخلہ پردرج ہوگی۔

وزیراعلیٰ خیبرپختونخوا نے کہا کہ راناثنااللہ نے میرے خلاف ایف آئی اے درج کروائی ہے، ان کے قلم میں جتنا زور ہے میرے خلاف استعمال کریں، ہم حقیقی آزادی کی جنگ سے پیچھے ہٹنے والے نہیں۔

ان کا مزید کہنا تھا کہ عمران خان دوبارہ کال دیں گےتواسےزیادہ تعدادمیں عوام نکلےگی، ہم خان کےسپاہی ہیں ہم کسی سے ڈرتے نہیں، ملک کی حقیقی آزادی کی جنگ جیت کر رہیں گے۔

محمود خان نے کہا کہ پختون قوم کبھی کسی کی غلامی قبول نہیں کرتی، ہم اس ملک کوامریکاکی غلامی سے نجات دلائیں گے، امپورٹڈ وزیر اعظم نیب کو مطلوب ہے۔