Tag: لاپتہ خاتون

کراچی : شاہ لطیف ٹاؤن سے لاپتہ خاتون کی لاش واٹر سپلائی لائن سے مل گئی ، خاتون 3 ہفتے قبل لاپتہ ہوئی تھی۔

تفصیلات کے مطابق کراچی کے علاقے شاہ لطیف ٹاؤن سے لاپتہ خاتون کی لاش واٹر سپلائی لائن سے برآمد ہوئی ، ورثا نے بتایا کہ گھاروکی رہائشی خاتون شازیہ شاہ کی لاش گگھر پھاٹک کے قریب سے ملی۔

ریسکیوحکام کا کہنا تھا کہ خاتون 3 ہفتے قبل لاپتہ ہوئی تھی تاہم لاش اسپتال منتقل کردی گئی ہے۔

شوہر نے الزام عائد کیا ہے کہ میری اہلیہ کوقتل کرکےلاش پانی کی لائن میں پھینکی گئی ہے۔

پولیس کا کہنا تھا کہ خاتون کی گمشدگی کا مقدمہ درج تھا، پوسٹمارٹم سے موت کی وجہ پتہ چلے گی۔

3 فروری کو شاہ لطیف ٹاون میں والدین کے گھر آئی تھی، مقتولہ بیٹی کی شادی کے جہیز کا سامان لینے گئی تھی۔

کراچی: اتحاد ٹاؤن لاپتہ ہونے والی ایک اور خاتون کا اپنی مرضی سے جانے کا انکشاف سامنے آیا ، خاتون اہلخانہ سےناراض ہوکر گھر سے چلی گئی تھی۔

تفصیلات کے مطابق کراچی کے علاقے اتحاد ٹاؤن سے لاپتہ ہونے والی خاتون مل گئی، پولیس نے بتایا کہ خاتون اہلخانہ سےناراض ہوکر گھر سے چلی گئی تھی، خاتون کے اغوا کا مقدمہ اتحاد ٹاؤن میں درج کیا گیا تھا۔

پولیس کا کہنا تھا کہ خاتون نے ابتدائی بیان میں اپنی مرضی سے گھر سے جانے کا بتایا ہے۔

مزید پڑھیں : کراچی سے لاپتہ ہونے والی 15 سالہ لڑکی کا اپنی مرضی سے جانے کا انکشاف

یاد رہے گذشتہ ہفتے گلشن اقبال پولیس نے مبینہ اغوا ہونے والی لڑکی کو نوشہرو فیروز بازیاب کرایا تھا، بعد ازاں ابتدائی تفتیش میں لڑکی نے بتایا تھا وہ اپنی مرضی سے گئی تھی۔

حکام کا کہنا تھا کہ چھاپے کے دوران مقدمے میں نامزد اظہر کو بھی گرفتار کرلیا ہے ، لڑکی کےاہل خانہ نےاظہر پر لڑکی کو اغواکرنے کا الزام لگایا تھا۔

پولیس نے بتایا تھا کہ مبینہ ملزم اظہر لڑکی کے محلے میں سیکیورٹی گارڈ ہے۔