سعودی عرب کے الباحہ ریجن میں سیکورٹی حکام نے بتایا کہ ’گزشتہ اتوار سے لاپتہ ہونے والی سعودی مل گئی ہے، جو ہماری تحویل میں خیریت سے ہے۔
سعودی خبر رساں ادارے کی رپورٹ کے مطابق پولیس ترجمان کا کہنا تھا کہ لڑکی کی صحت اچھی ہے اور تمام قانونی طریقہ کار مکمل کرلیا گیا۔ لڑکی کے ساتھ کیا معاملہ ہوا ہے، اس حوالے سے فوری طور آگاہ نہیں کیا گیا۔
واضح رہے کہ سوشل میڈیا پر الباحہ کے کالج آف ٹیکنالوجی کی طالبہ اشواق سعید الزھرانی کے لاپتہ ہونے کی خبر وائرل ہوئی تھی۔
لڑکی کے والد کا کہنا تھا کہ کئی دن گزر جانے کے باوجود لڑکی کا کوئی پتہ نہیں چل سکا تھا اور اس کا موبائل فون بھی بند تھا، انہوں نے اپنی بیٹی کے لاپتہ ہونے کی رپورٹ بھی درج کرائی تھی۔
دوسری جانب سعودی عرب مکہ مکرمہ میں سرکاری املاک چوری کرنے پر 8 افراد کو حراست میں لے لیا گیا، جن میں 4 غیر ملکی اور 4 سعودی شہری شامل ہیں۔
امن عامہ فورس کا ایکس (ٹوئٹر) اکاؤنٹ پر کہنا تھا کہ حراست میں لئے گئے افراد میں 4 غیر ملکیوں کا تعلق مصر اور نائجیریا سے ہے۔
بیان کے مطابق گرفتار کئے گئے افراد سرکاری املاک چوری کرکے اس کی وڈیوز اور تصاویر سوشل میڈیا پر اپلوڈ کرتے تھے۔
ابراہیم رئیسی کے ہیلی کاپٹر حادثے کی تحقیقات مکمل، اصل حقائق سامنے آگئے
امن عامہ کی جانب سے جاری کئے گئے بیان میں مزید کہا گیا ہے کہ تحقیقات کے بعد تمام لوگوں کو گرفتار کرکے ان کے خلاف ضروری کارروائی مکمل کرکے پبلک پراسیکیوشن کے حوالے کردیا گیا ہے۔
