لاہور: صوبہ پنجاب کے دارالحکومت لاہور سے ڈھائی سال قبل لاپتہ ہونے والی بچی کا باپ اپنی فریاد لے کر زینب کے گھر پہنچ گیا۔ والد کا کہنا تھا کہ پولیس چاہے تو زینب کے قاتل کی طرح میری بیٹی کا پتہ بھی لگا سکتی ہے۔

تفصیلات کے مطابق لاہور کے علاقے کاہنہ سے لاپتہ ہونے والی سویرا 7 سال کی ہے۔ سویرا کے والد سفیان حسین اپنی فریاد لے کر زینب کے گھر پہنچ گئے۔

سفیان حسین کا کہنا ہے کہ ان کی بیٹی ڈھائی سال سے لاپتہ ہے۔ ’مقدمہ درج ہے لیکن پولیس ٹال مٹول کر رہی ہے۔ جب پولیس کے پاس جاؤں کہتے ہیں ڈھونڈ رہے ہیں‘۔

والد کا کہنا تھا کہ معصوم بچی کس حال میں ہوگی سوچ کر ہماری نیند اڑ جاتی ہے۔ اگر پولیس چاہے تو زینب کے قاتل کی طرح میری بیٹی کا پتہ بھی لگا سکتی ہے۔

یاد رہے کہ قصور کی 7 سالہ زینب کا قاتل گزشتہ روز گرفتار کرلیا گیا جو زینب کے علاوہ بھی کئی بچیوں کے ساتھ زیادتی و قتل میں ملوث ہے۔

ملزم عمران کا ڈی این اے زینب کے پاس سے ملنے والے ڈی این اے سے میچ کرگیا تھا جس کے بعد پولیس نے اسے گزشتہ روز دوبارہ گرفتار کرلیا تھا۔ ملزم، معصوم زینب کا محلے دار تھا اور گزشتہ کئی سالوں سے اسی گھر میں رہائش پذیر تھا۔

جلال آباد: افغانستان میں پاکستانی سفارت خانے کے دو افسر لاپتہ ہو گئے۔دونوں اہلکار جمعہ کو جلال آباد سے پاکستان کے لیے روانہ ہوئے تھے۔

تفصیلات کےمطابق افغان صوبے ننگرہار کے مرکزی شہر جلال آباد سے پاکستانی قونصل خانے کے دو افسران 16 جون کو پاکستان آتے ہوئے لاپتہ ہو گئے۔

ترجمان دفترخارجہ کے مطابق پاکستانی سفارتی اہلکاروں کی بحفاظت بازیابی کےلیےمعاملہ افغان حکام کے ساتھ اٹھایا ہےجس پر افغان حکام نے تین ٹیمیں بھی تشکیل دے دی ہیں۔

ترجمان دفتر خارجہ نفیس ذکریا کا کہنا ہے کہ سفارتی اہلکاروں کی بازیابی کے لیے افغان حکام کے ساتھ مسلسل رابطے میں ہیں اور افغانستان کو حکام کی جلد از جلد بحفاظت بازیابی کے لیے تمام کوششیں بروئے کار لانے کا کہا ہے۔

افغان فوج کے اہلکار کی فائرنگ‘ 7 امریکی فوجی زخمی

واضح رہےکہ پاکستانی قونصل خانے کےدونوں اہلکار عید کی چھٹیوں پر پاکستان آرہے تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔