لاڑکانہ : ماں نے چار سالہ بیٹی کو قتل کردیا، گرفتار خاتون پہلے بھی اپنی شیر خوار بیٹی کو قتل کرچکی ہے۔

تفصیلات کے مطابق لاڑکانہ کے موئن جودڑو تھانے کی حدود میں افسوسناک واقعہ پیش آیا، جہاں ماں نے اپنی چار سالہ بیٹی کو قتل کردیا۔++

پولیس نے فوری کارروائی کرتے ہوئے ملزمہ کو گرفتار کرلیا جبکہ بچی کی لاش اسپتال منتقل کردی گئی۔

پولیس نے بتایا کہ گرفتار خاتون پہلے بھی اپنی شیر خوار بیٹی کو قتل کرچکی ہے۔ دورانِ تفتیش ملزمہ نے دوسری بیٹی کے قتل کا اعتراف بھی کرلیا۔

پولیس کا کہنا ہے کہ پہلی بیٹی کے قتل کی خبر شوہر نے چھپا رکھی تھی۔

مزید پڑھیں : لاہور میں ماں نے مبینہ طور پر تین سالہ بیٹی کو قتل کردیا

یاد رہے لاہور کے علاقے جنوبی چھاؤنی میں سوتیلی ماں نے مبینہ طور پر تین سالہ بیٹی کی جان لے لی تھی، مقتولہ کے والد سفیان کی مدعیت میں واقعے کا مقدمہ درج کرلیا تھا۔

مقدمے کے متن کے مطابق سفیان کی پہلی بیوی سے تین بچے تھے جس کا انتقال ہوگیا جس کے بعد سفیان نے علینا سے دوسری شادی کی جو بچوں پر تشدد کرتی تھی۔

لاڑکانہ: سندھ کے شہر لاڑکانہ کے کچے میں مبینہ پولیس کارروائی کے دوران فائرنگ سے میاں بیوی جاں بحق، اور 7 زخمی ہو گئے۔

تفصیلات کے مطابق لاڑکانہ کے نوڈیرو کے علاقے مٹھو ڈیرو میں مبینہ پولیس کارروائی کے دوران فائرنگ سے غلام علی کھکھرانی اور اس کی اہلیہ سسئی جاں بحق ہو گئے۔

پولیس کی فائرنگ سے 2 بچوں اور 4 خواتین سمیت 7 افراد زخمی ہو گئے ہیں، دیہاتیوں کے مطابق پولیس نے کارروائی ڈرون کے ذریعے کی، تاہم ایس ایس پی لاڑکانہ احمد فیصل چوہدری کا کہنا ہے کہ پولیس نے نوڈیرو میں کوئی کارروائی نہیں کی۔

پولیس کا کہنا ہے کہ یہ واقعہ دیہاتی دشمنی اور دو طرفہ فائرنگ کا نتیجہ ہے، دوسری طرف ذرائع نے دعویٰ کیا ہے کہ یہ کارروائی چند روز قبل گڑھی خدا بخش بھٹو میں پولیس موبائل پر فائرنگ کے جواب میں کی گئی ہے۔

بدنام زمانہ اشتہاری ڈاکو زخمی حالت میں گرفتار

دریں اثنا، پنجاب کے شہر ساہیوال میں بدنامِ زمانہ ڈاکو بلا سی سی ڈی کے ساتھ مبینہ مقابلے میں زخمی حالت میں پکڑا گیا ہے۔ سی سی ڈی کی ٹیم اشتہاریوں کی موجودگی کی اطلاع پر گرفتاری کیلئے جارہی تھی، راستے میں 3 ملزمان نے اہلکاروں پر فائرنگ کر دی، پولیس کی جوابی کارروائی اور فائرنگ کے تبادلے میں ایک ڈاکو ساتھیوں کی فائرنگ سے زخمی ہوا، زخمی گرفتار ڈاکو کی شناخت محمد بلال عرف بلا کے نام سے ہوئی۔

ساہیوال کی پولیس ٹیم کا گرفتار ڈاکو سے متعلق کہنا تھا کہ اشتہاری ڈاکو تقریباً 40 مقدمات میں ملوث ہے۔

لاڑکانہ: سابق وزیر اعظم ذوالفقار بھٹو کی برسی سے واپسی پر وین الٹنے سے پیپلز پارٹی کے 2 کارکن جاں بحق ہو گئے۔

تفصیلات کے مطابق لاڑکانہ میں ذوالفقار بھٹو کی برسی سے واپسی پر پی پی کارکنان کی وین الٹ گئی، حادثے میں 2 کارکن جاں بحق ہو گئے جب کہ ڈرائیور سمیت 7 افراد زخمی ہو گئے ہیں۔

جاں بحق کارکنان کے نام عرفان اور زین العابدین بتائے گئے ہیں، ریسکیو حکام نے لاشوں اور زخمیوں کو ٹراما سینٹر منتقل کر دیا ہے، ایم پی اے جمیل سومرو، میئر لاڑکانہ و دیگر پارٹی رہنما ٹراما سینٹر پہنچ گئے اور زخمیوں کی عیادت کی۔

دریائے سندھ سے نئے کینال منظور نہیں، پی پی عوام کے ساتھ کھڑی ہوگی، بلاول بھٹو

وزیر اعلیٰ سندھ مراد علی شاہ نے پیپلز پارٹی کے کارکنوں کی وین کو حادثے پر اظہار افسوس کرتے ہوئے جاں بحق کارکنان کے لواحقین سے تعزیت کی ہے، اور زخمیوں کے بہترین علاج کو یقینی بنانے کی ہدایات جاری کر دی ہیں۔

وزیر اعلیٰ سندھ نے عوام سے ڈرائیونگ کے اصولوں پر عمل کرنے کی اپیل بھی کی، اور کہا کہ تیز رفتاری سے گریز کریں تاکہ ایسے افسوس ناک واقعات نہ ہوں۔