Tag: لاڑکانہ

لاڑکانہ: میاں بیوی کے معمولی گھریلو تنازعے کا انجام بہت برا نکلا جب ناراض داماد کو سسرال والوں نے پکڑ کر واشنگ پاؤڈر گھول کر پلا دیا۔

تفصیلات کے مطابق سندھ کے ضلع لاڑکانہ میں ایک شخص طارق چنہ نے بیوی کے ساتھ اس بات پر جھگڑا کیا تھا کہ وہ میکے سے دیر سے کیوں آئی، شوہر کے غصہ کرنے پر سسرال والوں نے اسے تشدد کا نشانہ بنا دیا۔

رپورٹ کے مطابق سسرال والوں نے داماد طارق چنہ کو گھر بلا کر اس پر مبینہ طور پر تشدد کیا، اسے واشنگ پاؤڈر گھول کر پلا دیا، اور پھر پولیس کے حوالے کر دیا، جب کہ پولیس نے بھی سسر اور اس کے بیٹوں کی شکایت پر داماد ہی کو حراست میں لے لیا۔

اے ایس پی نے میڈیا کو بتایا کہ طارق چنہ کی حالت پولیس کی حراست میں غیر ہو گئی،جس پر اسے فوراً چانڈکا اسپتال منتقل کیا گیا۔ دوسری طرف طارق چنہ نے کہا کہ اس کے سسر علی احمد اور سالوں نے مل کر اس پر تشدد کیا اور پولیس کے حوالے کر دیا۔

جب کہ پولیس کا کہنا ہے کہ نوجوان طارق چنہ نے ناراض بیوی کو منانے میں ناکامی پر خود محلول پیا تھا۔

خیال رہے کہ گھریلو جھگڑوں کے باعث اس طرح کے واقعات بھی رونما ہوتے ہیں، رواں برس جنوری میں بھی ہربنس پورہ میں سسرالیوں نے داماد کو زنجیروں میں جکڑ کر تشدد کا نشانہ بنایا تھا، میاں بیوی کے جھگڑے پر سسرالی آپے سے باہر ہو گئے اور پہلے داماد کبیر کو اغوا کیا پھر زنجیروں میں جکڑ دیا، دل نہ بھرا تو سر کے بال بھی مونڈ دیے، اس واقعے کی ویڈیو بھی وائرل ہو گئی تھی۔

کراچی: میڈیکل بورڈ کا کہنا ہے کہ کل حسنین کے جبڑے کی سرجری کا پہلا آپریشن مکمل کیا تھا، حسنین کی زندگی کے لیے مزید 48 گھنٹے اہم ہیں۔

تفصیلات کے مطابق میڈیکل بورڈ نے کتے کے کاٹے کا شکار حسنین کا صبح معائنہ کیا، حسنین کی طبیعت میں معمولی بہتری آئی ہے۔ میڈیکل بورڈ کا کہنا ہے کہ بچے کی زندگی کے لیے مزید 48 گھنٹے اہم ہیں۔

میڈیکل بورڈ کے مطابق کل بچے کے جبڑے کی سرجری کا پہلا آپریشن مکمل کیا تھا، حسنین کو زخم گہرے اور زیادہ آئے ہیں، حسنین کی مزید کتنی سرجریز کرنی ہیں فیصلہ بورڈ کرے گا۔

کتے کے کاٹے کا لرزہ خیز واقعہ، سندھ کی سیاست میں ہل چل

یاد رہے کہ دو روز قبل پیپلز پارٹی کے آبائی شہر لاڑکانہ میں سگ گزیدگی کا ہولناک واقعہ پیش آیا تھا جب 6 سالہ حسنین پر کئی آوارہ کتوں نے حملہ کیا اور اس کے چہرے کو بھنبھوڑ ڈالا۔

بچے کو لاڑکانہ کے چانڈکا میڈیکل اسپتال لے جایا گیا تاہم ڈاکٹرز نے اس کی حالت دیکھ کر ہاتھ کھڑے کردیے اور صرف طبی امداد دے کر فارغ کردیا، بچے کو کراچی لایا گیا جہاں کئی دقتوں کے بعد نیشنل انسٹیٹیوٹ آف چائلڈ ہیلتھ (این آئی سی ایچ) میں داخل کرکے علاج شروع کیا گیا۔

حسنین کی سرجری کا پہلا مرحلہ مکمل ہوگیا ہے تاہم معصوم حسنین کی حالت بدستور تشویش ناک ہے۔ حسنین کے لیے قائم کردہ میڈیکل بورڈ کا کہنا ہے کہ بچے کی مزید سرجریز بھی کی جائیں گی۔

کراچی: تحریک انصاف کے رہنما خرم شیرزمان کا کہنا ہے کہ دنیا کا کون سا ملک ہے جس کے صوبے میں ہزاروں کتے ملیں گے، سندھ حکومت سے پوچھنا چاہیے ان کی ترجیح انسان ہیں یا کتے۔

تفصیلات کے مطابق اے آروائی نیوز کے پروگرام باخبرسویرا میں بات کرتے ہوئے تحریک انصاف کے رکن سندھ اسمبلی خرم شیرزمان نے کہا کہ سندھ میں تمام مسائل کے پیچھے کرپشن ہے، ہر محکمے میں کرپشن ہے۔

تحریک انصاف کے رہنما نے کہا کہ دنیا کا کون سا ملک ہے جس کے صوبے میں ہزاروں کتے ملیں گے۔ انہوں نے کہا کہ عذراپیچوہو کہتی ہیں کتوں کا علاج کرنے کے لیے 50کروڑ کی ضرورت ہے۔

خرم شیر زمان نے کہا کہ پیپلزپارٹی سے صوبے کے مسائل حل نہیں ہو رہے، سندھ میں لوگ کتوں کے کاٹنے سے مر رہے ہیں، ان لوگوں نے تو کتوں کو گھروں میں پال رکھا ہے، سندھ حکومت سے پوچھنا چاہیے ان کی ترجیح انسان ہیں یا کتے۔

نصرت سحر عباسی

دوسری جانب فنکشنل لیگ کی رکن سندھ اسمبلی نصرت سحرعباسی نے اے آروائی نیوز کے پروگرام باخبرسویرا میں بات کرتے ہوئے کہا کہ کتے کے کاٹنے کا یہ پہلا واقعہ نہیں ہے، بھٹوکے شہر لاڑکانہ میں کتوں کے کاٹے کا عذاب نازل ہوا ہے۔

انہوں نے کہا کہ سندھ میں نااہل حکومت ہے، بلاول کو بلائیں اور پوچھیں، اپنے لیڈر کے لیے لندن میں علاج کی باتیں کرتے ہیں، بچے کے والدین دربدر پھر رہے ہیں، حکمرانوں کو شرم نہیں آتی۔

فنکشنل لیگ کی رہنما نے کہا کہ عذرا پیچوہو ایک ماں اور وزیرصحت ہے ان سے اللہ پوچھے گا، آصف زرداری کی اتنی بری حالت نہیں جتنی اس بچے کی ہے، لاڑکانہ میں جتنی مصیبت آ رہی ہے وہ ان لوگوں کی وجہ سے ہے۔

نصرت سحر عباسی نے کہا کہ آصفہ نے حکم دیا کتوں کو نہ مارا جائے، آصفہ نے کس حیثیت سے کتے نہ مارنے کا حکم دیا، انہوں نے مزید کہا کہ کتے کے کاٹنے سے متاثرہ بچے کی ماں کے واقعے پربلاول کہاں ہیں؟