Tag: لاک ڈاؤن

بیونس آئرس: ارجنٹینا میں لاک ڈاؤن کے دوران پابندی کے باوجود پولیس نے بچوں کو گاڑی کی ڈگی میں چپا کر سالگرہ میں لے جانے والے ماں باپ کو پکڑ لیا۔

تفصیلات کے مطابق ارجنٹینا میں لاک ڈاؤن کے دوران ہائی وے پولیس کو اس وقت حیرت کا سامنا کرنا پڑا جب انہوں نے ایک ایس یو وی گاڑی کو روکا اور اس میں سوار میاں بیوی سے سفر کا اجازت نامہ طلب کیا۔

پولیس کی جانب سے سفری دستاویزات مانگنے پر 35 سالہ مارٹن اور ان کی اہلیہ گھبرا گئیں جس پر پولیس کو شک ہوا اور انہوں نے دونوں کو گاڑی سے باہر آنے کا کہا۔پولیس نے تلاشی کے دوران گاڑی کی ڈگی کھولی تو اس میں 13 سالہ لڑکا اور 12 سالہ لڑکی موجود تھے۔

واقعے کے بعد پولیس نے بچوں کو والدین کو حراست میں لیا،ابتدائی تفتیش میں مارٹن نے بتایا کہ وہ اپنی اہلیہ اور بچوں کے ساتھ والد کی سالگرہ کی تقریب میں شرکت کے لیے جا رہا تھا۔پولیس نے حکومتی احکامات کی خلاف ورزی کرنے پر جوڑے کو سمن جاری کرنے کے بعد گھر جانے کی اجازت دے دی۔

خیال رہے کہ ارجنٹینا کی حکومت نے رواں سال 20 مارچ کو کرونا وائرس کے باعث لاک ڈاؤن کا اعلان کیا تھا جس میں گزشتہ ہفتے 28 جون تک توسیع کر دی گئی تھی۔

ارجنٹینا میں کرونا وائرس اب تک 878 افراد کی جانیں لے چکا ہے اور 34 ہزار 146 افراد اس مہلک وائرس سے متاثر ہوئے ہیں جن میں سے 10 ہزار 161 مریض صحت یاب ہوچکے ہیں۔

لندن: پڑوسی ملک بھارت کی کرونا وبا کے خلاف حکمت عملی بری طرح ناکام ہو گئی، عالمی جریدے نے بھانڈا پھوڑ دیا۔

تفصیلات کے مطابق عالمی جریدے فنانشل ٹائمز نے ایک رپورٹ میں کہا ہے کہ 1.4 ارب آبادی کا ملک بھارت ساڑھے 7 ہزار اموات کے ساتھ بدترین خطہ بن گیا ہے۔

عالمی جریدے کے مطابق بھارت کرونا وائرس کے محاذ پر بھی پِٹ گیا ہے، کرونا وبا کے خلاف اس کی حکمت عملی بری طرح ناکام ہو چکی، اس سلسلے میں غیر ملکی جریدے فنانشل ٹائمز کے ہاتھوں مودی سرکار کی بڑی سُبکی سامنے آ گئی ہے۔

جریدے نے اپنی رپورٹ میں کہا ہے کہ مودی نے 500 کرونا کیسز پر 24 مارچ کو دنیا کا ظالمانہ لاک ڈاؤن کیا، اور پھر تباہ ہوتی معیشت پر مئی کے آخر میں لاک ڈاؤن ختم کر دیا، جس کے بعد بھارت میں انفیکشن بڑھا اور اسپتال مریضوں سے بھر گئے، بھارت میں لاک ڈاؤن حکمت عملی بری طرح ناکام ہو گئی۔

بھارت: آسیب زدہ اسکول قرنطینہ سینٹر قرار، خوفزدہ شخص کی خودکشی

رپورٹ میں کہا گیا کہ بھارت خطرناک حد تک وائرس کی طوالت برداشت کرنے کو تیار نہیں، بھارت میں کاروبار بند، ٹرانسپورٹ معطل، مزدور بے روزگار ہو گئے، لاک ڈاؤن میں لاکھوں افراد پھنسے رہے، بیش تر پیدل اپنے دیہات کو گئے، اور سنگین معاشی بحران پیدا ہوا، 14 کروڑ افراد بے روزگار ہوئے۔

رپورٹ میں مزید کہا گیا ہے کہ مودی کے باعث بھارت 40 سال کی شدید کساد بازاری سے گزر رہا ہے، یومیہ کرونا کیسز اوسطاً 9 ہزار 439 ہو چکے ہیں، شہروں سے دیہات کو جانے والے مزدور کرونا پھیلاؤ کا ذریعہ بن گئے، لاک ڈاؤن کے مضر اثرات نے مودی کو سب کھولنے پر مجبور کر دیا۔

جریدے کے مطابق ٹڈی دل بھارتی معیشت اور غذائی پیداوار کے لیے دوسرا بڑا خطرہ ہے، بھارت کا شعبہ صحت بغیر مالی وسائل شدید دباؤ میں آ چکا ہے، جب کہ بھارتی حکومت نے 266 ارب ڈالر یا شرح نمو کے 10 فی صد پیکج کا اعلان کیا، لیکن در حقیقت بھارتی مالیاتی پیکج صرف شرح نمو کا 1.5 فی صد ہے۔