Tag: لاہور، کاہنہ

گلی میں کھیلتے بچے کو محلے داروں نے زدوکوب کیا، شکایت کےلیے آنیوالی ماں کو بھی ہمسائیوں نے بدترین تشدد کا نشانہ بنایا۔

لاہور کے علاقے کاہنہ میں ہمسائیوں کی جانب سے خاتون اور اس کے بچے پر تششد کرنے کا افسوسناک واقعہ پیش آیا ہے، بچے پر تشدد کی شکایت کرنے ہمسائیوں کے ہاں جانے والی خاتون پر بھی تشدد کیا گیا، تشدد کے واقعے کی فوٹیج سامنے آگئی۔

پولیس نے بتایا کہ ملزمان نے گلی میں کھیلنے پر حماد کو تشدد کا نشانہ بنایا، متاثرہ بچے کی ماں ملزمان کے گھر شکایت کرنے گئی تو اسے بھی تشدد کا نشانہ بنایا۔

ملزمان طارق اور وقار نے خاتون کو آہنی راڈ سے تشدد کا نشانہ بنایا، پولیس نے ملزمان کو گرفتارکرکے مقدمہ درج کرلیا ہے۔

لاہور: کاہنہ میں طالبات نے اپنے نامعلوم ساتھیوں سمیت نجی کالج پرحملے کردیا، جبکہ پرنسپل کو بھی بری طرح تشدد کا نشانہ بنایا۔

طالبات کی ساتھیوں سمیت حملے کی فوٹیج منظرعام پر آگئی ہے جس میں واضح دیکھا جاسکتا ہے کہ لڑکیاں نامعلوم ساتھیوں کے ہمراہ آئیں اور کالج پر حملہ کیا، نئی سامنے آنے والی فوٹیج میں کالج کی پرنسپل ڈاکٹر ثانیہ پر طالبات کو تشدد کرتے دیکھا جاسکتا ہے۔

پولیس نے بتایا کہ کالج پر حملے کے واقعے اور پرنسپل پر تشدد کا مقدمہ کالج پرنسپل ڈاکٹر ثانیہ کی مدعیت میں درج کرلیا گیا ہے۔

واقعے میں ملوث ایک ملزم کو گرفتارکرلیاگیا ہے، پولیس کا کہنا ہے کہ حملے میں ملوث دیگر ملزمان کی گرفتاری کیلئے چھاپے مارے جا رہے ہیں۔