لاہور : لاہور اور راولپنڈی میں بھی چیمپئنز ٹرافی کے حوالے سے سیکیورٹی انتظامات کئے جارہے ہیں ، میچز کی جدید ترین سرویلنس سسٹم سے مانیٹرنگ کی جائے گی۔
تفصیلات کے مطابق پنجاب سیف سٹیز اتھارٹی کے چیمپئنز ٹرافی کےحوالے سے سکیورٹی انتظامات کئے جارہے ہیں ، لاہور اور راولپنڈی میں کھیلے جانیوالوں میچز کی جدید ترین سرویلنس سسٹم سے مانیٹرنگ کی جائے گی۔
ترجمان نے بتایا کہ قذافی ،راولپنڈی اسٹیڈیم کی سیف سٹی کیمروں سے مانیٹرنگ کی جارہی ہے اور فیشل ریکگنائزیشن سمیت600سےزائدکیمروں سےمانیٹرنگ جاری ہے۔
سیف سٹیز نے کہا کہ ایئرپورٹ اور ہوٹل سے اسٹیڈیم اورارد گرد کے روٹس کی24 گھنٹے سرویلنس ہورہی ہے اور سیف سٹی ہیڈکوارٹر میں افسران ،ٹیکنیکل ٹیمیں 24گھنٹے ڈیوٹی دے رہی ہیں۔
پی آر یو گاڑیوں پر نصب سیف سٹیز کیمروں سے بھی روٹس کی مانیٹرنگ کی جاری ہے اور سیف سٹی کی موبائل کمانڈوہیکل میچز کی مانیٹرنگ کیلئے قذافی اسٹیڈیم میں موجود ہیں۔
ترجمان بین الاقوامی سیکیورٹی اسٹینڈرڈز کے مطابق جدید ٹیکنالوجی ،کوآرڈینیشن کی جارہی ہے اور سیف سٹیز اتھارٹی تمام اداروں کو ہر ممکن مدد فراہم کررہی ہے۔
