Tag: لاہور ایئرپورٹ

لاہور : قتل کے ملزم کو لاہور ایئرپورٹ سے یونان فرار ہوتے ہوئے گرفتار کرلیا گیا، ملزم 16سال سے گوجرانوالہ پولیس کو قتل کے مقدمے میں مطلوب تھا۔

تفصیلات کے مطابق ایف آئی اے این سی بی انٹرپول اور امیگریشن نے ایئرپورٹ پر کارروائی کرتے ہوئے قتل کے ملزم فہد محمود لاہور ایئرپورٹ سے یونان فرار ہوتے ہوئے گرفتار کرلیا۔

ترجمان نے بتایا کہ ایف آئی اے این سی بی انٹرپول نےملزم کی گرفتاری کیلئے ریڈ نوٹس جاری کیا تھا تاہم ایف آئی اے امیگریشن لاہور نے ملزم کو پنجاب پولیس کے حوالے کر دیا ہے۔

ملزم 16 سال سے گوجرانوالہ پولیس کو قتل کے مقدمے میں مطلوب تھا اور ملزم کے خلاف 2008 میں تھانہ کینٹ، گوجرانوالہ میں مقدمہ درج ہوا تھا۔

لاہور : لاہور ایئرپورٹ پر انٹرنیشنل فلائٹ آپریشن بند کردیا گیا، جس سے 30بین الاقوامی پروازیں منسوخ ہوئیں۔

تفصیلات کے مطابق لاہورایئرپورٹ پرامیگریشن کاؤنٹر میں آگ لگنے کے واقعے کے بعد انٹرنیشنل لاؤنج میں امیگریشن سسٹم میں خرابی پیدا ہوگئی۔

جس کے بعد ایئرپورٹ پر انٹرنیشنل فلائٹ آپریشن رات 10بجے تک کیلئے بندکردیا گیا، امیگریشن سسٹم میں بہتری نہ ہونے پردورانیہ بڑھایا گیا۔

اس حوالے سے سول ایوی ایشن اتھارٹی نے نوٹم جاری کردیا، جس میں کہا ہے کہ آج سہ پہرساڑھے لاہور سےجانے اور آنیوالی تمام بین الاقوامی پروازیں منسوخ کردی گئیں ہیں۔

لاہور سے جانے اور آنےوالی 30بین الاقوامی پروازیں منسوخ کی گئیں جبکہ دوحہ سےلاہورآنے والی قطرایئر کی پرواز کا طیارہ واپس خالی روانہ کردیا گیا۔

ذرائع نے بتایا کہ امیگریشن کاعمل مکمل نہ ہونے سےطیارہ مسافروں کولیے بغیردوحہ چلا گیا۔

ائیرپورٹ حکام کا کہنا ہے کہ ایف آئی اےکی ٹیکنیکل ٹیم نے سسٹم کی بحالی کا کام شروع کردیا، جیسے ہی امیگریشن سسٹم بحال ہوگا فلائٹ آپریشن بھی بحال کردیا جائے گا۔

لاہور: لاہورایئرپورٹ پر امیگریشن کاؤنٹر میں آگ لگنے کے واقعے کی ابتدائی رپورٹ سامنے آگئی ، جس میں انکشاف ہوا کہ سی اے اے فائرٹینڈرٹائم پر نہیں پہنچے۔

تفصیلات کے مطابق لاہورایئرپورٹ پرامیگریشن کاؤنٹر میں آگ لگنے کے واقعے کی ابتدائی رپورٹ وزیرہوابازی خواجہ آصف کو پیش کردی گئی۔

وزیرہوابازی اور سیکرٹری ایوی ایشن کوپیش ابتدائی رپورٹ کے نکات سامنے آئے ، جس میں بتایا کہ ابتدائی رپورٹ کےمطابق آگ صبح 5:23پرلگی، 8 بجے قابو پایا۔

ذرائع نے انکشاف کیا کہ آگ لگنے کےبعد سی اے اے فائرٹینڈرٹائم پر نہیں پہنچے اور نہ ہی بروقت اقدامات لیے گئے جبکہ فائر شعبہ کےحکام نےایس او پی پر بھی عمل نہ کیا۔

سول ایوی ایشن کے 2 اعلیٰ حکام کو فوری لاہور پہنچنے کاحکم دے دیا گیا ، ایڈیشنل ڈی جی سی اے اے اورڈپٹی ڈی جی ایئرپورٹس کو پہنچنے کا حکم دیا۔

دوسری جانب سول ایوی ایشن اتھارٹی کی جانب سے کہا گیا کہ ایئرپورٹ پر خصوصی امیگریشن ایریا میں شارٹ سرکٹ ہوا ، الصبح شارٹ سرکٹ سےپیدا ہونے والی صورتحال پر قابو پالیا گیا۔

سی اے اے کا کہنا تھا کہ حج اور دیگر انٹرنیشنل فلائٹس کو ڈومیسٹک سائیڈ سے ڈیل کیا جارہا ہے، ڈومیسٹک فلائٹ آپریشنز بھی جلد بحال ہونے کی توقع ہے۔

کراچی : پاکستان سول ایوی ایشن اتھارٹی (سی اے اے) کے ڈائریکٹر جنرل نے لاہور ایئرپورٹ پر بلی کے گھس کر چوہے کو پکڑنے سے متعلق خبروں کا ںوٹس لیتے ہوئے ناقص انتظامات پر اظہار برہمی کیا۔

تفصیلات کے مطابق لاہور کے علامہ اقبال انٹر نیشنل ایئرپورٹ پر بلی کے گھس آنے کے معاملے کا ڈی جی سول ایوی ایشن نے نوٹس لے لیا۔

اس حوالے سے ڈی جی سی اے اے کی جانب سے لاہور ایئرپورٹ انتظامیہ سے باز پرس کی گئی اور ایئرپورٹ پر صفائی کے ناقص انتظامات پر اظہاربرہمی کیا۔

ایئرپورٹ انتظامیہ نے ڈی جی سی اے اے کو بریفنگ میں بتایا کہ بلی کنویر بیلٹ سے ڈیپارچر لاونج پر پہنچی تھی، جس نے چوہے کا شکار کیا تھا۔

ایئرپورٹ پر صفائی ستھرائی کے ناقص انتظامات پر ڈی جی سی اے اے نے برہمی کا اظہار کیا، ترجمان سی اے اے کے مطابق غفلت اور لاپرواہی برتنے والے عملے کیخلاف کارروائی عمل میں لائی جائے گی۔

ذرائع کا کہنا ہے کہ ایئرپورٹ پر صفائی ستھرائی کا انتظام آوٹ سورس کمپنی کو دیا ہوا ہے، مذکورہ کمپنی کی جانب سے ایئرپورٹ پر صفائی ستھرائی کے ناقص انتظامات پر اکثر شکایات موصول ہورہی ہے۔

کراچی کے بعد اب لاہور ائیرپورٹ کی حدود میں مسافر طیاروں کی لینڈنگ کے دوران لیزر لائٹیں مارنے کے واقعات میں اضافہ ہوگیا جو کسی بھی حادثے کا سبب بن سکتے ہیں۔

ترجمان سول ایوی ایشن کے مطابق اب تک علامہ اقبال انٹرنیشنل ایئرپورٹ پر لیزر اور ہیوی لائٹ کے10واقعات رپورٹ ہوئے ہیں۔

اس حوالے سے ذرائع کا کہنا ہے کہ شاپنگ سینٹرز اور ریسٹورنٹس پر لگی ہیوی لائٹیں بھی طیاروں کی سیفٹی کیلئے خطرہ ہیں۔

ایئر ٹریفک کنٹرولرذرائع نے بتایا کہ لاہور ایئرپورٹ پر لینڈنگ کرنے والے مسافر طیاروں پر لیزر لائٹس ماری گئیں۔

ملکی و غیرملکی ائیرلائنز نے ایئر ٹریفک کنٹرولر کو خدشات سے آگاہ کردیا پائلٹس نے رات کے وقت لینڈنگ کیلئے اپروچ کے دوران لیزر لائٹ مارے جانے کی شکایت کی ہے۔

ائیرپورٹ انتظامیہ، پولیس اور ضلعی انتظامیہ کا کہنا ہے کہ لیزر لائیٹس مارنے والوں کے خلاف کارروائی عمل میں لائی جائے گی۔