ARYNews.tv | Urdu – Har Lamha Bakhabar

Tag: لاہور ایئرپورٹ

  • اندرون و بیرون ملک جانے والے مسافروں کے لئے اہم خبر

    اندرون و بیرون ملک جانے والے مسافروں کے لئے اہم خبر

    کراچی : لاہور ایئرپورٹ کو 2 ماہ کیلئے مخصوص اوقات میں بند کرنے کا فیصلہ کرلیا گیا ، سی اے اے نے ملکی و غیر ملکی ایئرلائنز کو آگاہ کردیا ہے۔

    تفصیلات کے مطابق رن وے اور ائیرپورٹ کے اطراف میں پرندوں کی بہتات کے معاملے پر لاہور ائیرپورٹ کو دو ماہ کے لیے مخصوص اوقات میں بند کرنے کا فیصلہ کرلیا گیا۔

    لاہور ائیرپورٹ پر فلائیٹ آپریشن کی بندش کے حوالے سے سول ایوی ایشن نے نوٹم جاری کردیا۔

    جس میں کہا ہے کہ لاہور ائیرپورٹ رن وے صبح 5 بجے سے صبح 8 بجے تک بند رکھا جائے گا ، فیصلے کا اطلاق 15جولائی سے 15ستمبر 2023 تک ہو گا۔

    سی اے اے نے ملکی و غیر ملکی ائیرلائینز کو آگاہ کردیا ہے ، تمام ائیرلائینز کو پروازوں کے اوقات کار میں ردوبدل کرنے کی ہدایات کردی گئی ہے۔

  • لاہور ایئرپورٹ: متعدد پروازیں منسوخ، کئی تاخیر کا شکار

    لاہور ایئرپورٹ: متعدد پروازیں منسوخ، کئی تاخیر کا شکار

    لاہور: صوبہ پنجاب کے دارالحکومت لاہور کے علامہ اقبال انٹرنیشنل ایئر پورٹ پر فنی وجوہات کی بنا پر متعدد پروازیں منسوخ کردی گئیں۔

    تفصیلات کے مطابق علامہ اقبال انٹرنیشنل ایئرپورٹ پر فلائٹ آپریشن شدید متاثر ہوگیا ہے، ذرائع کا کہنا ہے کہ فلائٹ آپریشن طیاروں میں کمی اور دیگر فنی وجوہات کی بنا پر متاثر ہوا۔

    ذرائع کا کہنا ہے کہ آج روانہ ہونے والی 6 پروازیں منسوخ اور 5 تاخیر کا شکار ہیں۔

    شارجہ جانے والی پرواز پی اے 412، شارجہ سے آنے والی پرواز پی اے 413، ابو ظہبی جانے والی پرواز پی اے 430 اور ابو ظہبی سے آنے والی پرواز پی اے 431 منسوخ کردی گئی۔

    ذرائع کا کہنا ہے کہ لاہور سے کراچی جانے والی پرواز پی اے 405 اور کراچی سے لاہور آنے والی پرواز پی اے 406 بھی منسوخ کردی گئی۔

    علاوہ ازیں شارجہ جانے والی پرواز ای آر 721 تین گھنٹے، دبئی جانے والی پرواز ای آر 723 ڈھائی گھنٹے اور دبئی سے آنے والی پرواز ای آر 724 ڈھائی گھنٹے تاخیر کا شکار ہے۔

  • اٹلی کی جعلی اسٹیمپ، عمرے کے لیے جانے والے 2 مسافر پرواز سے آف لوڈ

    اٹلی کی جعلی اسٹیمپ، عمرے کے لیے جانے والے 2 مسافر پرواز سے آف لوڈ

    کراچی: پاسپورٹ پر اٹلی روانگی کی جعلی اسٹیمپ والے 2 مسافروں کو لاہور ایئرپورٹ پر پرواز سے آف لوڈ کر دیا گیا۔

    تفصیلات کے مطابق ایف آئی اے امیگریشن نے لاہور ایئرپورٹ پر کارروائی کرتے ہوئے عمرے کی غرض سے جانے والے 2 مسافروں کو آف لوڈ کر دیا۔

    مسافر فلائٹ نمبر ER821 کے ذریعے جدہ جا رہے تھے، تاہم ان کے پاسپورٹ پر اٹلی روانگی کی جعلی اسٹیمپ لگی ہوئی تھی، مسافروں کی آمد و روانگی کے حوالے سے بھی سسٹم میں کوئی ریکارڈ موجود نہ تھا۔

    ایف آئی اے ترجمان کا کہنا تھا کہ ابتدائی تفتیش سے معلوم ہوا کہ ملزمان نے مجموعی طور پر 6 لاکھ روپے کے عوض ایجنٹ سے ویزے حاصل کیے تھے۔

    ترجمان ایف آئی اے کے مطابق ملزمان کو قانونی کارروائی کے لیے اینٹی ہیومن ٹریفیکنگ سرکل لاہور منتقل کر دیا گیا ہے۔

  • عمان سے ڈی پورٹ ہونے والا کابل کا شہری جعلی پاکستانی پاسپورٹ سمیت گرفتار

    عمان سے ڈی پورٹ ہونے والا کابل کا شہری جعلی پاکستانی پاسپورٹ سمیت گرفتار

    کراچی: عمان سے ڈی پورٹ ہونے والے کابل کے شہری کو جعلی پاکستانی پاسپورٹ سمیت گرفتار کر لیا گیا۔

    تفصیلات کے مطابق ایف آئی اے امیگریشن نے لاہور ایئر پورٹ پر کارروائی میں نور اسلام نامی افغان مسافر کو گرفتار کر لیا، افغان شہری عمان سے ڈیپورٹ کیا گیا تھا۔

    ملزم فلائٹ نمبرWY343 کے ذریعے عمان سے لاہور ڈی پورٹ ہو کر پہنچا تھا، دوران تلاشی ملزم سے افغانی پاسپورٹ اور جعلی پاکستانی پاسپورٹ برآمد ہوئے۔

    ملزم نے پاکستانی پاسپورٹ پر ملازمت کی غرض سے ایران سے عمان جانے کی کوشش کی تھی، جعلی پاکستانی پاسپورٹ استعمال کرنے پر ملزم کو عمان سے ڈی پورٹ کر دیا گیا، ملزم کا تعلق افغانستان کے شہر کابل سے ہے۔

    فراڈ کیس میں مطلوب نوشین اشرف ترکی ویزے پر فرار کی کوشش کرتے پکڑی گئی

    ملزم نے ملازمت کی غرض سے پشاور کے رہائشی ایجنٹ کو 4 لاکھ 35 ہزار روپے ادا کر کے پاکستانی پاسپورٹ حاصل کیا، اور رقم ایجنٹ کے بینک اکاؤنٹ میں جمع کروائی۔

    ایف آئی اے کے مطابق ملزم واٹس ایپ نمبر کے ذریعے ایجنٹ سے رابطے میں تھا، ملزم کو قانونی کارروائی کے لیے اینٹی ہیومن ٹریفیکنگ سرکل لاہور منتقل کر دیا گیا ہے۔

  • لاہور میں شدید دھند: درجنوں پروازیں تاخیر کا شکار

    لاہور: صوبہ پنجاب کے دارالحکومت لاہور میں چہار سو دھند کے باعث درجنوں پروازیں تاخیر کا شکار ہیں، کئی پروازیں منسوخ بھی کردی گئی ہیں۔

    تفصیلات کے مطابق لاہور ایئرپورٹ پر حد نگاہ بے حد کم ہوگئی جس کے باعث بیرون و اندرون ملک متعدد پروازیں تاخیر کا شکار ہوگئیں۔

    پی آئی اے کی دبئی سے آنے والی پرواز پی کے 204 دھند کے باعث لینڈ نہ کر سکی، پرواز کا رخ اسلام آباد کی طرف موڑ دیا گیا۔

    پی آئی اے کی جدہ سے آنے والی پرواز پی کے 860 تاخیر کا شکار ہے۔

    لاہور سے کوئٹہ جانے والی پرواز پی کے 322 دھند کے باعث اڑان نہ بھر سکی جبکہ لاہور سے کراچی جانے والی پرواز پی کے 303 بھی تاخیر کا شکار ہے۔

    ایئر بلیو کی جدہ سے آنے والی پرواز پی اے 471 اور ابو ظہبی سے آنے والی پرواز پی اے 431 تاخیر کا شکار ہے۔

    ایئر بلیو کی لاہور سے کراچی جانے والی پرواز پی اے 401 بھی تاخیر کا شکار ہے۔

    سرین ایئر کی لاہور سے شارجہ جانے والی پرواز ای آر 721 اور کراچی سے آنے والی ای آر 520 بھی تاخیر کا شکار ہے۔

    عمان ایئر کی مسقط سے لاہور پہنچنے والی ڈبلیو وائی 343 بھی تاخیر کا شکار ہے۔

  • لاہور ایئرپورٹ پر شدید دھند ، پروازوں کا شیڈول درہم برہم، مسافر پریشان

    لاہور: پنجاب کے دارالحکومت لاہور کے علامہ اقبال انٹرنیشنل ایئرپورٹ پر شدید دھند کے باعث پروازیں تاخیر کا شکار ہے جبکہ متعدد پروازوں کو اسلام آباد کی طرف موڑ دیا گیا۔

    تفصیلات کے مطابق پنجاب کے دارالحکومت لاہور میں دھند کا راج مسلسل برقرار ہے، دھند کے باعث علامہ اقبال ایئرپورٹ پر پروازوں کا شیڈول متاثر ہوا۔

    سول ایوی ایشن اتھارٹی کا کہنا ہے کہ لاہور ایئرپورٹ پر حد نگاہ 50میٹر سے بھی کم رہ گئی ہے، جس کی وجہ سے لاہور آنے والی متعدد پروازوں کو اسلام آباد کی طرف بھیجا جارہا ہے۔

    ائیرپورٹ رن وے پر حد نگاہ 50میٹر سے بھی کم رہ گئی ہے، جس کے وجہ سے اندرون بیرون ملک آمدورفت کی 23 پروازیں تاخیر کا شکار ہے جبکہ 5 پروازیں منسوخ کردی گئیں۔

    یو اےای سے لاہور آنیوالی 3 پروازوں کو اسلام آباد کی طرف موڑ دیا گیا جبکہ لاہور سے مسقط جانے والی پرواز پی کے 299 بھی اسلام آباد سے روانہ ہوگی۔

    دوسری جانب دھند کے باعث موٹر وے کے کئی سیکشنز ٹریفک کیلئے بند ہے ، موٹر وے ایم ٹو لاہور سے کوٹ مومن تک اور لاہور ملتان موٹر وے فیض پور سے رجانہ تک بند ہے۔

    اس کے علاوہ لاہور سیالکوٹ موٹر وے ایم الیون ٹریفک کیلئے مکمل طورپربند ہے۔

  • لاہور ایئرپورٹ: بیرون ملک سے آنے والی 5 پروازوں کو اسلام آباد ایئرپورٹ پر اترنے کی ہدایت

    لاہور: صوبہ پنجاب کے دارالحکومت لاہور میں دھند کے باعث فضائی آپریشن شدید متاثر ہے، لاہور اترنے والی 5 اور لاہور سے روانہ ہونے والی 2 پروازوں کو اسلام آباد منتقل کر دیا گیا۔

    تفصیلات کے مطابق لاہور ایئرپورٹ پر دھند کے باعث فضائی آپریشن شدید متاثر ہوا ہے، دھند کے باعث 5 پروازوں کا رخ اسلام آباد کے لیے موڑ دیا گیا۔

    جن پروازوں کا رخ موڑا گیا ہے ان میں استنبول، کویت، کوالالمپور، جدہ اور شارجہ سے آنے والی پروازیں شامل ہیں۔

    لاہور سے جدہ اور مدینہ جانے والی پی آئی اے کی 2 پروازوں کو بھی اسلام آباد منتقل کر دیا گیا، پی آئی اے کی دونوں پروازیں اب لاہور کے بجائے اسلام آباد سے روانہ ہوں گی۔

    لاہور سے مسافروں کو براستہ سڑک اسلام آباد پہنچنے کی اطلاع دے دی گئی۔

  • لاہور ایئرپورٹ پر سرچ کاؤنٹر کے قیام کی اجازت طلب

    لاہور ایئرپورٹ پر سرچ کاؤنٹر کے قیام کی اجازت طلب

    لاہور: صوبہ پنجاب کے دارالحکومت لاہور کے علامہ اقبال انٹرنیشنل ایئرپورٹ پر پاکستان کسٹم نے سرچ کاؤنٹر کے قیام کی اجازت طلب کرلی، کاؤنٹر ایئرپورٹ کے بین الاقوامی روانگی لاؤنج میں قائم کیا جائے گا۔

    تفصیلات کے مطابق لاہور کے علامہ اقبال انٹرنیشنل ایئرپورٹ پر پاکستان کسٹم نے سرچ کاؤنٹر کے قیام کی اجازت طلب کرلی۔

    کسٹم کی جانب سے ایئرپورٹ کے بین الاقوامی روانگی لاؤنج میں سرچ کاؤنٹر کے قیام کی اجازت طلب کی گئی ہے، کسٹم کاؤنٹر کے قیام کی اجازت کے لیے مراسلہ اسسٹنٹ کلیکٹر کسٹمز نے ایئرپورٹ مینیجر کو ارسال کیا ہے۔

    مراسلے میں کہا گیا ہے کہ کسٹم حکام اسکینرز کے ساتھ لاؤنج میں سامان چیک کرنا چاہتے ہیں، خلاف قانون ہونے کی صورت میں سامان کی ضبطگی بھی اسی کاؤنٹر پر ہو۔

    مراسلے میں مزید کہا گیا ہے کہ مرد و خواتین کے لیے علیحدہ علیحدہ سرچ کیبن مختص کیا جائے۔

  • لاہور اور اس کے اطراف میں شدید دھند، موٹر وے بند، پروازیں تاخیر کا شکار

    لاہور اور اس کے اطراف میں شدید دھند، موٹر وے بند، پروازیں تاخیر کا شکار

    لاہور: صوبہ پنجاب کے دارالحکومت لاہور میں شدید دھند کی وجہ سے سفر کے مختلف ذرائع متاثر ہوئے ہیں، لاہور ایئر پورٹ پر پروازیں تاخیر کا شکار ہیں جبکہ لاہور موٹر وے کو بھی ٹریفک کے لیے بند کر دیا گیا ہے۔

    تفصیلات کے مطابق لاہور اور اس کے گرد و نواح میں شدید دھند کے باعث حد نگاہ صرف 50 میٹر رہ گئی ہے۔

    لاہور ایئرپورٹ کے اطراف بھی دھند ہے جس کی وجہ سے فلائٹ آپریشن جزوی طور پر متاثر ہوا ہے، شدید دھند کے باعث لاہور موٹر وے کو بھی ٹریفک کے لیے بند کر دیا گیا ہے۔

    محکمہ موسمیات کے مطابق دھند کا سلسلہ آئندہ چند روز جاری رہے گا۔

    دوسری جانب لاہور ایئرپورٹ پر دھند کے باعث مختلف ایئر لائنز کی پروازیں تاخیر کا شکار ہیں۔

    کراچی سے صبح 7 اور 8 بجے لاہور جانے والی پروازیں تاخیر کا شکار ہیں، لاہور سے کراچی جانے والی پرواز پی اے 401 ایک گھنٹہ تاخیر کا شکار ہے۔

    لاہور سے نجف جانے والی پرواز ڈھائی گھنٹے تاخیر سے دوپہر 1 بجے اور دمام پرواز ڈھائی گھنٹے تاخیر سے 4 بجے روانہ ہوگی۔

  • لاہور ایئرپورٹ طیاروں کی لینڈنگ اور ٹیک آف کے لیے بند

    لاہور ایئرپورٹ طیاروں کی لینڈنگ اور ٹیک آف کے لیے بند

    لاہور: صوبہ پنجاب کے دارالحکومت لاہور کے علامہ اقبال انٹرنیشنل ایئرپورٹ کو شدید دھند کی وجہ سے طیاروں کی لینڈنگ اور ٹیک آف کے لیے بند کردیا گیا، بیرون ملک سے آنے والی 5 پروازوں کو بھی لینڈنگ کی اجازت نہیں دی گئی۔

    تفصیلات کے مطابق لاہور کے علامہ اقبال انٹرنیشنل ایئرپورٹ کے اطراف شدید دھند ہے اور رن وے پر حد نگاہ 50 میٹر ہے۔

    شدید دھند کی وجہ سے لاہور ایئرپورٹ کو طیاروں کی لینڈنگ اور ٹیک آف کے لیے بند کردیا گیا۔

    دھند کی وجہ سے لاہور آنے والی 5 پروازوں کو لینڈنگ کی اجازت نہ ملی، بیرون ملک سے آنے والی 5 پروازیں فضا میں ہی موجود ہیں جنہیں گو راؤنڈ کی ہدایت کی گئی ہے۔

    جن پروازوں کو اترنے سے روکا گیا ہے ان میں مدینہ سے آنے والی پرواز پی کے 748، دوحہ سے آنے والی پرواز کیو آر 628، جدہ سے آنے والی پرواز پی کے 760، راس الخیمہ سے آنے والی پرواز جی 9854 اور دمام سے آنے والی پرواز پی کے 248 شامل ہیں۔

    مذکورہ تمام پروازوں کو لینڈنگ کی اجازت نہیں دی گئی اور پروازیں فضا میں ہی چکر لگا رہی ہیں۔