Tag: لاہور ایئرپورٹ

لاہور: ایئرپورٹ انتظامیہ نے لاہور ایئرپورٹ کے اطراف بلند عمارتیں اور کالونیوں کو طیاروں کے لیے خطرناک قرار دے دیا۔

اے آر وائی نیوز کی رپورٹ کے مطابق ایئرپورٹ انتظامیہ نے لاہور ایئرپورٹ کے اطراف بلند عمارتوں اور کالونیوں کو طیاروں کے لیے خطرناک قرار دے دیا، ایئرپورٹ منیجر اختر مرزا نے سی اے اے کو تحفظات سے تحریری طور پر آگاہ کردیا۔

ایئرپورٹ منیجر نے خط میں کہا کہ ایئرپورٹ کے 15 کلو میٹر اطراف میں غیر قانونی تعمیرات کی گئی ہیں، لاہور بلڈنگ کنٹرول اتھارٹی اور دیگر متعلقہ اداروں کو بارہا آگاہ کرنے کے باوجود کوئی کارروائی نہیں کی گئی۔

لاہور ایئرپورٹ منیجر کا کہنا ہے کہ ٹیک آف اور اپروچ ایریا کے گرد غیرقانونی تعمیرات کسی بھی وقت خطرناک حادثے کا باعث بن سکتی ہیں۔

اختر مرزا کے مطابق سول ایوی ایشن اتھارٹی کے پاس غیرقانونی تعمیرات کے خلاف کارروائی کا اختیار نہیں ہے۔

انہوں نے کہا کہ ایئرپورٹ کے ارد گرد جابجا بڑے بل بورڈز، اینٹینا اور عمارتیں خطرناک صورتحال اختیار کرچکی ہیں، ایئرپورٹ منیجر نے بلڈنگ کنٹرول اتھارٹی کی غفلت پر نوٹس لینے کا مطالبہ کیا۔

خیال رہے کہ 22 مئی جمعۃ الوداع کو لاہور سے کراچی آنے والا پی آئی اے کا طیارہ ایئرپورٹ کے قریب واقع ماڈل کالونی جناح گارڈن کی رہائشی آبادی پر گر کر تباہ ہوگیا تھا جس کے نتیجے میں 97 مسافر ہلاک جبکہ 2 مسافر معجزانہ طور پر بچ گئے تھے۔

لاہور: علامہ اقبال انٹرنیشنل ایئرپورٹ پر کسٹمز حکام نے کاررائیوں کے دوران شراب اور سگریٹ کی اسمگلنگ ناکام بنا دی۔

تفصیلات کے مطابق لاہور کے علامہ اقبال انٹرنیشل ایئرپورٹ پر کسٹم حکام نے بنکاک سے آنے والے مسافر کے سامان سے شراب کی 81 بوتلیں برآمد کرلیں۔ مسافر مظہر اقبال دوستوں کے ہمراہ بنکاک سے لاہور آ رہا تھا۔

کسٹم حکام کی جانب سے دوسری کارروائی لاہور سے مانچسٹر جانے والی پرواز میں کی گئی، مسافر محمد یعقوب کے سامان سے سگریٹ کے 60 بنڈل برآمد کیے گئے۔

لاہور ایئرپورٹ پر مسافر سے پستول کی گولیاں برآمد

یاد رہے کہ رواں ماہ 8 فروری کو لاہور ایئرپورٹ پر مسافر سے پستول کا میگزین اور 21 گولیاں برآمد کی گئی تھیں، مسافر حسن محمود بٹ پی کے 263 سے ابوظہبی جا رہا تھا، مسافر نے غلطی سے اسلحہ بیگ میں لانے کا اعتراف کیا تھا۔

اس سے قبل گزشتہ 13 جنوری کو علامہ اقبال انٹرنیشنل ایئرپورٹ پر تعینات سیکورٹی اہلکاروں نے خاتون مسافر کے سامان سے پستول کی گولیاں برآمد کی تھیں۔

نجی ایئرلائن کی پرواز سے جدہ جانے والی خاتون کا کہنا تھا کہ وہ بیگ ان کے بھائی کا ہے جس کے پاس نائن ایم ایم پستول کا لائسنس بھی ہے، غلطی سے گولیاں اس بیگ میں رہ گئیں۔

لاہور: کرونا وائرس کے بعد بڑھتی مانگ کے پیش نظر لوگ فیس ماسک بھی اسمگل کرنے لگے، تاہم کسٹم حکام نے علامہ اقبال انٹرنیشنل ایئر پورٹ پر فیس ماسک اسمگلنگ کی بڑی کوشش ناکام بنا دی۔

اے آر وائی نیوز کے مطابق کسٹم حکام نے لاہور ایئرپورٹ پر ڈیڑھ من فیس ماسک پکڑ لیے، بڑی مقدار میں فیس ماسک لاہور سے بنکاک اسمگل کیے جا رہے تھے، ماسک دو مسافروں کے سامان سے برآمد کیے گئے۔

ذرایع کا کہنا ہے کہ فیصل آباد کے رہایشی عزیز اکبر اور ریحان اظہر نامی مسافر تھائی ایئر کی پرواز ٹی جی 346 سے بنکاک جا رہے تھے، دونوں مسافر اے ایس ایف اور اے این ایف کے کاؤنٹرز سے بہ آسانی گزر گئے تھے تاہم کسٹم ویجیلنس عملے نے مسافروں کے سامان کی چیکنگ کے دوران بیگ میں سے فیس ماسک برآمد کر لیے۔

ذرایع کے مطابق کسٹم عملے نے دونوں مسافروں کے سامان سے تقریباً ڈیڑھ من فیس ماسک برآمد کیے، جو پانچ کارٹنوں میں بند تھے، یہ کارٹن دو بڑے بیگز میں رکھ کر لے جائے جا رہے تھے، برآمد شدہ فیس ماسک کسٹم حکام نے قبضے میں لے لیے۔

خیال رہے کہ کرونا وائرس کے پیش نظر فیس ماسک کی ایئر پورٹ سے بیرون ملک ترسیل پر پابندی عائد ہے۔

لاہور: علامہ اقبال انٹرنیشنل ایئرپورٹ پر مسافر سے پستول کی 21 گولیاں اور میگزین برآمد کر لیا گیا۔

تفصیلات کے مطابق لاہور ایئرپورٹ پر مسافر سے پستول کا میگزین اور 21 گولیاں برآمد کر لی گئیں، مسافر حسن محمود بٹ پی کے 263 سے ابوظہبی جا رہا تھا، مسافر نے غلطی سے اسلحہ بیگ میں لانے کا اعتراف کیا۔

اے ایس ایف ذرائع کے مطابق تحریری معافی پر مسافر کو ابوظہبی سفر کی اجازت دے دی گئی، مسافر کے پاس اسلحے کا لائسنس موجود تھا، اسلحہ ضبط کر لیا گیا۔

یاد رہے کہ گزشتہ ماہ 13 جنوری کو علامہ اقبال انٹرنیشنل ایئرپورٹ پر تعینات سیکورٹی اہلکاروں نے خاتون مسافر کے سامان سے پستول کی گولیاں برآمد کی تھیں۔

ایئرپورٹ سیکورٹی فورس کے مطابق نجی ایئرلائن کی پرواز سے جدہ جانے والی خاتون کا کہنا تھا کہ وہ بیگ ان کے بھائی کا ہے جس کے پاس نائن ایم ایم پستول کا لائسنس بھی ہے، غلطی سے گولیاں اس بیگ میں رہ گئی ہیں۔

واضح رہے کہ گزشتہ سال دسمبر میں اے ایس ایف نے غیرملکی ایئر لائن کی پرواز کیو آر 629 کے ذریعے دوحہ جانے والے مسافر کے سامان سے 3 سو گرام اعلیٰ کوالٹی کی چرس برآمد کی تھی۔