Tag: لاہور تاجر

  • لاہور : تاجر کے گھر کفن پھینکنے کے بعد  فائرنگ

    لاہور : تاجر کے گھر کفن پھینکنے کے بعد فائرنگ

    لاہور : نامعلوم افراد تاجر کے گھر کفن پھینکنے کے بعد فائرنگ کرکے فرار ہوگئے، واقعے کی کلوزسرکٹ فوٹیج سامنے آگئی ہے۔

    تفصیلات کے مطابق لاہور کے علاقے گلشن راوی میں تاجر خرم بٹ کے گھر کفن پھینکنے کے بعد ملزمان نے فائرنگ کی ، کفن پھینکنےاورفائرنگ کی کلوزسرکٹ فوٹیج سامنے آگئی ہے۔

    دوموٹرسائیکل سوارملزمان کوکفن پھینکتےاورگھرپرفائرنگ کرتےدیکھا جاسکتاہے، فوٹیج میں دیکھا گیا موٹر سائیکل پر پیچھے بیٹھےشوٹرنےکفن پھینکا اور پھرفائرنگ کی۔

    متاثرہ شہری خرم بٹ نےتھانہ گلشن راوی میں درخواست جمع کرادی ، درخواست حسیب بٹ،مغیزبٹ اور موصوف بٹ سمیت دیگر2نامعلوم کیخلاف دی گئی۔

    جس میں کہا گیا کہ ملزمان کی جانب سےجان سےمارنےکی دھمکیاں بھی دی گئیں، ملزمان فائرنگ کرکےموقع سےفرارہوگئے۔

    تاجرخرم بٹ کا کہنا ہے کہ درخواست اورسی سی ٹی وی کےباوجودپولیس نےتاحال مقدمہ درج نہ کیا۔

  • بدھ کو چھٹی کا اعلان :  تاجروں  نے دھمکی دے دی

    بدھ کو چھٹی کا اعلان : تاجروں نے دھمکی دے دی

    لاہور: انجمن تاجران لاہور قائد اعظم گروپ کےعہدیداران نے بدھ کو مارکیٹیں بند کرنے کے فیصلے کو مسترد کرتے ہوئے افسران کو بتانا چاہتے ہیں مارکیٹس کھلتی ہیں تو حکومت کو ٹیکس ملتا ہے۔

    تفصیلات کے مطابق انجمن تاجران لاہور قائد اعظم گروپ کےعہدیداران نے پریس کانفرنس کرتے ہوئے کہا کہ کل کمشنر لاہورنے چند تاجروں کو بلا کر بدھ کو مارکیٹس بند کرنے کا فیصلہ کیا، فیصلے کو مسترد کرتے ہیں، کمشنر لاہور بتائیں فیصلے سے قبل حقیقی تاجروں سےمشاورت کیوں نہیں کی گئی۔

    وقار احمد میاں کا کہنا تھا کہ کل پولیس افسران نے سخت لہجے میں کہا کہ مارکیٹس بند کرا کر دکھائیں گے، افسران کو بتانا چاہتے ہیں مارکیٹس کھلتی ہیں تو حکومت کو ٹیکس ملتا ہے۔

    تاجر رہنما نے کہا کہ کمشنر لاہور کوئی بھی فیصلہ کرنے سے پہلے لاہور چیمبر کو آن بورڈ لیں، وزیراعلیٰ پنجاب سے درخواست ہے کہ تاجر دوست پالیسی کوبحال رکھیں۔

    ان کا کہنا تھا کہ وزیراعلیٰ پنجاب بدھ کو مارکیٹس بند کرنے کے فیصلے کو مسترد کریں ، حکومت نے بغیرمشاورت بدھ کوچھٹی کا اعلان کیا تو فیصلے کو مسترد کریں گے۔

    وقار احمد نے مزید کہا کہ بدھ کو ہی سموگ زیادہ کیوں ہوتی ہے، تاجر مہنگائی اور کساد بازاری کا شکار ہے، تاجر اپنے کاروبار کو ڈیفالٹ ہو کر سمیٹ رہے ہیں۔ اس فیصلے سے ہزاروں مزدور بے روزگار ہو جائیں گے۔